ಕಥಾ ಸಮಯ | ಕಾಡು ಕಾಯುವ ಮರ ಕೃತಿ ಕುರಿತು ಸಂವಾದ

CHITRADURGA NEWS | 15 JANUARY 2026

ಚಿತ್ರದುರ್ಗ: ಪ್ರಾದೇಶಿಕ ಭಾಷೆ, ನುಡಿಗಟ್ಟು ಎಲ್ಲವೂ ಮೇಳೈಸಿದಾಗ ಮಾತ್ರ ಕಥೆಗಳು ಜನಸಾಮಾನ್ಯರ ಮೇಲೆ ಪ್ರಭಾವ ಬೀರುತ್ತವೆ ಎಂದು ವಿಮರ್ಶಕ ಡಾ. ಪ್ರಕಾಶ್ ಮಂಟೇದ ಹೇಳಿದರು. 

ಚಿತ್ರದುರ್ಗ ಪತ್ರಿಕಾ ಭವನದಲ್ಲಿ ಲುಂಬಿಣಿ ಪ್ರಕಾಶನ, ಭೀಮಪಥ ಬಳಗ, ಮೈತ್ರಿ ಪುಸ್ತಕ ಮನೆ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಿದ್ದ ‘ಕಥಾ ಸಮಯ’ ಎಂಬ ವಿನೂತನ ಕಾರ್ಯಕ್ರಮದಲ್ಲಿ ಸಾಹಿತಿ ಜಡೇಕುಂಟೆ ಮಂಜುನಾಥ್ ಅವರ ʼಕಾಡು ಕಾಯುವ ಮರʼ ಕಥಾ ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಇದನ್ನೂ ಓದಿ: ಮೆಕ್ಕೆಜೋಳಕ್ಕೆ 2150 ದರ‌ ನಿಗಧಿ | ಜಿಲ್ಲಾಧಿಕಾರಿ ಟಿ.ವೆಂಕಟೇಶ್

ಕಥೆಗಾರ ತಾನು ಕಂಡುಂಡ ಅನುಭವಗಳನ್ನು ತನ್ನ ಒಳಗಿನ ನೋವನ್ನು ಬರೆಯುವಾಗ ನ್ಯಾಯಾಧೀಶನಾಗಬಾರದು. ಯಾವುದೇ ಒಂದು ಕಥೆಯನ್ನು ಓದಿದ ಓದುಗ ಆ ಕಥೆಯನ್ನು ಬೆಳೆಸಬೇಕಿದೆ ಎಂದರು.

ಹಿರಿ ತಲೆಮಾರಿನ ಕಥೆಗಾರರು ಕಟ್ಟಿಕೊಟ್ಟ ಮೌಖಿಕ ಕಥನಗಳೂ ಸೇರಿದಂತೆ ದಲಿತ ಚಳವಳಿಯಿಂದ ಬಂದ ಕಥೆಗಾರರು ಆವೇಶ, ಶೌರ್ಯದ ಬರಹಗಳು ಈಗಲೂ ಮುಂದುವರೆಯಬೇಕು ಎಂದು ಬಯಸುವುದು ಸರಿಯಲ್ಲ ಎಂದು ಹೇಳಿದರು.

ಇದನ್ನೂ ಓದಿ:ಅಡಿಕೆ ಧಾರಣೆ | 14 ಜನವರಿ | ಕರ್ನಾಟಕ ಅಡಿಕೆ ಮಾರುಕಟ್ಟೆ ವಿವರ

ಸಾಹಿತಿ ಮೋದೂರು ತೇಜ ಮಾತನಾಡಿ, ಕಾಡು ಕಾಯುವ ಮರದ ಸಂಕಲನದ ಎಲ್ಲಾ ಕಥೆಗಳು ವೈವಿಧ್ಯತೆಯಿಂದ ಕೂಡಿವೆ. ಒಂದು ಕಥೆಯಲ್ಲಿ ಕಾದಂಬರಿ ಬರೆಯುವಷ್ಟು ಕಥಾ ಹಂದರವಿದೆ ಎಂದು ಹೇಳಿದರು.

ಕೇವಲ ದಲಿತ, ಶೋಷಿತ ಸಮುದಾಯಕ್ಕೇ ಸಂಬಂಧಿಸಿದ ಕಥೆಗಳು ಇಲ್ಲಿಲ್ಲ. ಪ್ರೇಮ ಇದೆ, ಹಾಸ್ಯ, ಪರಂಪರೆಯಿಂದಲೂ ರೂಢಿಸಿಕೊಂಡು ಬಂದ ಹಬ್ಬ ಹರಿದಿನಗಳ ಕುರಿತು ಇಲ್ಲಿನ ಕಥೆಗಳಲ್ಲಿ ಅನಾವರಣಗೊಂಡಿವೆ ಎಂದು ವಿಶ್ಲೇಷಿಸಿದರು.

ಇದನ್ನೂ ಓದಿ: ವಿಜೃಂಭಣೆಯ ಸಿದ್ದರಾಮೇಶ್ವರ ಜಯಂತಿ | ಹೊಳಲ್ಕೆರೆಗೆ ಹರಿದು ಬಂದ ಜನಸಾಗರ

ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಾಯಕ ನಿರ್ದೇಶಕ ಡಾ.ಬಿ.ಎಂ. ಗುರುನಾಥ್ ಮಾತನಾಡಿ, ಕಾಡು ಕಾಯುವ ಮರ ಕೃತಿ ನಿರಾಯಾಸವಾಗಿ ಓದಿಸಿಕೊಂಡು ಹೋಗುವ ಗುಣ ಹೊಂದಿದೆ ಎಂದರು.

ಚಿಂತಕ ಡಾ.ವೇದಾಂತ್ ಏಳಂಜಿ ಕಥಾ ಸಂಕಲನದ ಒಳನೋಟಗಳನ್ನು ಅನಾವರಣಗೊಳಿಸಿದರು. 

ಇದನ್ನೂ ಓದಿ: ದಿನ ಭವಿಷ್ಯ | ಜನವರಿ 15 | ಉದ್ಯೋಗಿಗಳಿಗೆ ಬಡ್ತಿ, ಹೊಸ ವಾಹನ ಖರೀದಿ, ಕೆಲಸದಲ್ಲಿ ಅಡೆತಡೆಗಳು

ಡಾ.ವಿಬಸವರಾಜ್, ಎಂ.ಆರ್.ಮಂಜುನಾಥ್, ಡಾ.ಕುಮಾರ್, ಪತ್ರಕರ್ತ ಎಂ.ಎನ್.ಅಹೋಬಲಪತಿ, ರಮೇಶ್, ಶಿಗೇಹಟ್ಟಿ ಶಿವಶಂಕರ್, ಹನುಮಂತಪ್ಪ, ಹೇಮಂತ್ ಕುಮಾರ್, ಜಿ.ಶಾಂತ, ಸದಾಶಿವ ತೊಡರನಾಳ್, ಪ್ರಕಾಶ್ ಯಾದಲಗಟ್ಟೆ, ಲೇಖಕ ಜಡೇಕುಂಟೆ ಮಂಜುನಾಥ್ ಇದ್ದರು.