ಒಂದು ವರ್ಷದೊಳಗಿನ ಮಕ್ಕಳಿಗೆ ಹಸುವಿನ ಹಾಲು ನೀಡಿದರೆ ಏನಾಗುತ್ತದೆ ಗೊತ್ತಾ?

CHITRADURGA NEWS | 24 JULY 2026

ಅನೇಕ ಪೋಷಕರು ಹಸುವಿನ ಹಾಲನ್ನು ನೈಸರ್ಗಿಕ, ಆರೋಗ್ಯಕರ ಆಹಾರವೆಂದು ಪರಿಗಣಿಸುತ್ತಾರೆ. ಮತ್ತು ನಮ್ಮ ಹಿರಿಯ ಮಕ್ಕಳಿಗೆ ಹೆಚ್ಚು ಹಸುವಿನ ಹಾಲನ್ನೇ ನೀಡುತ್ತಾರೆ. ಆದರೆ ಒಂದು ವರ್ಷದೊಳಗಿನ ಮಗುವಿಗೆ ಹಸುವಿನ ಹಾಲನ್ನು ನೀಡಲು ವೈದ್ಯರು ಶಿಫಾರಸು ಮಾಡುವುದಿಲ್ಲ. ವಯಸ್ಕರಿಗೆ ಹಸುವಿನ ಹಾಲು ಪೌಷ್ಟಿಕವಾಗಿದ್ದರೂ, ಬೆಳೆಯುತ್ತಿರುವ ಶಿಶುವಿಗೆ ಅದು ಅತ್ಯಗತ್ಯವಾಗಿರುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ. ಹಾಗಾಗಿ ಪೋಷಕರು ಮಗುವಿಗೆ ಹಸುವಿನ ಹಾಲು ನೀಡುವ ಮುನ್ನ ಈ ವಿಚಾರ ತಿಳಿದಿರಿ.

12 ತಿಂಗಳೊಳಗಿನ ಶಿಶುಗಳಿಗೆ ಹಸುವಿನ ಹಾಲು ಏಕೆ ಅಸುರಕ್ಷಿತವಾಗಿದೆ?

ಒಂದು ವರ್ಷದೊಳಗಿನ ಮಕ್ಕಳಿಗೆ ಹಸುವಿನ ಹಾಲು ನೀಡುವುದರಿಂದ ಹಲವಾರು ಆರೋಗ್ಯ ಅಪಾಯಗಳನ್ನು ತರಬಹುದು. ಈ ಅಪಾಯಗಳಲ್ಲಿ ಪೌಷ್ಟಿಕಾಂಶದ ಸಮಸ್ಯೆಗಳು, ಜೀರ್ಣಕಾರಿ ಸಮಸ್ಯೆಗಳು, ಮೂತ್ರಪಿಂಡದ ಕಾಯಿಲೆ ಮತ್ತು ಅಲರ್ಜಿಗಳು ಸೇರಿವೆ. ಅಲ್ಲದೇ ಇದು ಕರುಳಿನ ರಕ್ತಸ್ರಾವಕ್ಕೆ ಕಾರಣವಾಗಬಹುದು, ಮಗುವಿನ ಮೂತ್ರಪಿಂಡಗಳ ಮೇಲೆ ಹೆಚ್ಚು ಒತ್ತಡ ಹೇರಬಹುದು ಮತ್ತು ಸರಿಯಾದ ಪೋಷಕಾಂಶಗಳನ್ನು ಒದಗಿಸುವುದಿಲ್ಲ. 

ಒಂದು ವರ್ಷದ ನಂತರ, ಸಂಪೂರ್ಣ ಪಾಶ್ಚರೀಕರಿಸಿದ ಹಸುವಿನ ಹಾಲನ್ನು ನೀಡುವುದು ಒಳ್ಳೆಯದು. ಆದರೆ ಅತಿಯಾಗಿ ನೀಡಬಾರದು. ಯಾಕೆಂದರೆ ಅದು ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ ಯ ಉತ್ತಮ ಮೂಲವಾಗಿದ್ದರೂ, ಇವುಗಳ ಹೆಚ್ಚಿನ ಪ್ರಮಾಣವು ಕಬ್ಬಿಣದ ಹೀರಿಕೊಳ್ಳುವಿಕೆಯನ್ನು ತಡೆಯಬಹುದು.

ಒಂದು ವರ್ಷದೊಳಗಿನ ಮಗುವಿಗೆ ಹಸುವಿನ ಹಾಲು ನೀಡುವುದರಿಂದಾಗುವ ಆರೋಗ್ಯ ಸಮಸ್ಯೆಗಳು

ಹಸುವಿನ ಹಾಲನ್ನು ಮೊದಲೇ ಕುಡಿಸುವುದರಿಂದ ಉಂಟಾಗುವ ಎರಡು ಗಂಭೀರ ಸಮಸ್ಯೆಗಳೆಂದರೆ ಕಬ್ಬಿಣದ ಕೊರತೆಯ ರಕ್ತಹೀನತೆ ಮತ್ತು ಮೂತ್ರಪಿಂಡದ ಒತ್ತಡ:

ಕಬ್ಬಿಣದ ಕೊರತೆ: ಹಸುವಿನ ಹಾಲಿನಲ್ಲಿ ಕಡಿಮೆ ಕಬ್ಬಿಣಾಂಶವಿರುತ್ತದೆ. ಆದರೆ ಸುಲಭವಾಗಿ ಹೀರಲ್ಪಡುವುದಿಲ್ಲ. ಇದು ಕರುಳಿನ ಕಿರಿಕಿರಿಯನ್ನುಂಟುಮಾಡುವ ಗುಣವನ್ನು ಹೊಂದಿದ್ದು, ಕಾಲಾನಂತರದಲ್ಲಿ ಮಲದಲ್ಲಿ ಸ್ವಲ್ಪ ಪ್ರಮಾಣದ ರಕ್ತದ ನಷ್ಟಕ್ಕೆ ಕಾರಣವಾಗುತ್ತದೆ.

ಮೂತ್ರಪಿಂಡದ ತೊಂದರೆ: ಹಸುವಿನ ಹಾಲಿನಲ್ಲಿ ಬಹಳಷ್ಟು ಪ್ರೋಟೀನ್, ಸೋಡಿಯಂ,ಪೊಟ್ಯಾಸಿಯಂ ಮತ್ತು ರಂಜಕ ಇರುತ್ತವೆ. ಇವು ಶಿಶುವಿನ ಬೆಳೆಯುತ್ತಿರುವ ಮೂತ್ರಪಿಂಡಗಳಿಂದ ಚಯಾಪಚಯಗೊಳ್ಳುವುದು ಕಷ್ಟ ಮತ್ತು ನಿರ್ಜಲೀಕರಣಕ್ಕೆ ಕಾರಣವಾಗಬಹುದು. 

ಮಕ್ಕಳು ಯಾವಾಗ ಹಸುವಿನ ಹಾಲು ಕುಡಿಯಲು ಶುರುಮಾಡಬಹುದು?

ಹೆಚ್ಚಿನ ಶಿಶುವೈದ್ಯರು ಮಗುವಿಗೆ ಒಂದು ವರ್ಷ ತುಂಬಿದ ನಂತರವೇ ಸಂಪೂರ್ಣ ಹಸುವಿನ ಹಾಲನ್ನು ನೀಡಲು ಶಿಫಾರಸು ಮಾಡುತ್ತಾರೆ. ಆದರೆ ಅದಕ್ಕೂ ಮೊದಲು ತಾಯಿಯ ಎದೆ ಹಾಲು ಮಗುವಿನ ಆರೋಗ್ಯಕರ ಬೆಳವಣಿಗೆ ಮತ್ತು ಅಭಿವೃದ್ಧಿಯನ್ನು ಬೆಂಬಲಿಸಲು ಸುರಕ್ಷಿತ ಮತ್ತು ಅತ್ಯಂತ ಪೌಷ್ಟಿಕಾಂಶದ ಸಂಪೂರ್ಣ ಆಯ್ಕೆ ಎನ್ನಲಾಗಿದೆ.