ದುರ್ಗಾವರ ಗ್ರಾಮದಲ್ಲಿ ಭಗೀರಥ ಜಯಂತಿ ಆಚರಣೆ | ಬಿಜೆಪಿ ಜಿಲ್ಲಾಧ್ಯಕ್ಷ ಕೆ.ಟಿ.ಕುಮಾರಸ್ವಾಮಿ ಭಾಗೀ 

CHITRADURGA NEWS | 21 JUNE 2026

ಚಳ್ಳಕೆರೆ: ತಾಲ್ಲೂಕಿನ‌ ದುರ್ಗಾವರ ಗ್ರಾಮದಲ್ಲಿ ಉಪ್ಪಾರ ಸಮಾಜ ವತಿಯಿಂದ ಭಗೀರಥ ಜಯಂತಿ ಆಚರಣೆ ಮಾಡಲಾಯಿತು.

ಇದನ್ನೂ ಓದಿ: ಮುರುಘರಾಜೇಂದ್ರ ಕ್ರೀಡಾಂಗಣದಲ್ಲಿ 12ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆ 

ಈ ವೇಳೆ ಜಯಂತಿ ಬಿಜೆಪಿ ಜಿಲ್ಲಾಧ್ಯಕ್ಷ ಕೆ.ಟಿ.ಕುಮಾರಸ್ವಾಮಿ ಭಾಗವಹಿಸಿ ಮಾತನಾಡಿ, ಭಗೀರಥ ಮಹರ್ಷಿ ಭೂಮಿಗೆ ಗಂಗೆಯನ್ನು ಇಳಿಸಿದ ಮಹಾನ್ ಋಷಿಮುನಿ, ಸಮಾಜಕ್ಕೆ ಸಮಾನತೆ ಸಂದೇಶ ನೀಡಿ, ಅಸ್ಪೃಶ್ಯತೆ ಹೋಗಲಾಡಿಸಲು ಶ್ರಮಿಸಿದ ನಾಯಕ. ಪ್ರಸ್ತುತ ಉಪ್ಪಾರ ಸಮಾಜಕ್ಕೆ ರಾಜಕೀಯ, ಸಾಮಾಜಿಕ, ಶೈಕ್ಷಣಿಕ ಪ್ರಾತಿನಿತ್ಯ, ಸ್ಥಾನಮಾನ ದೊರೆಯಬೇಕಿದೆ.

ರಾಜ್ಯದಲ್ಲಿ ಹಲವಾರು ಸಣ್ಣ ಸಮುದಾಯಗಳು ಇಂದಿಗೂ ಸ್ಥಾನಮಾನಕ್ಕಾಗಿಹೋರಾಟ ನಡೆಸುತ್ತಿವೆ. ಆರ್ಥಿಕ, ಸಾಮಾಜಿಕ, ರಾಜಕೀಯ ಮತ್ತು ಶೈಕ್ಷಣಿಕವಾಗಿ ಹಿಂದುಳಿದಿರುವ ಜನಾಂಗಕ್ಕೆ ಸೂಕ್ತ ಮೀಸಲಾತಿ ಕಲ್ಪಿಸುವ ಮೂಲಕ ಜನಾಂಗದ ಒಳಿತಿಗೆ ನೆರವಾಗಬೇಕು. ಹಿಂದುಳಿದ ವರ್ಗವಾದ ಉಪ್ಪಾರ ಸಮಾಜಕ್ಕೆ ನ್ಯಾಯ ಒದಗಿಸಲು ಮೀಸಲಾತಿ ನೀಡಿ ಸಮಾಜದ ಉದ್ದಾರಕ್ಕೆ ಮುಂದಾಗಬೇಕು ಎಂದರು.

ಭಗೀರಥಿ ಜಯಂತಿ ಹಿನ್ನೆಲೆಯಲ್ಲಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಭಗೀರಥ ಭಾವಚಿತ್ರವನ್ನು ಮೆರವಣಿಗೆ ನಡೆಸಲಾಯಿತು. ಮೆರವಣಿಗೆಯಲ್ಲಿ ವಿವಿಧ ಕಲಾತಂಡಗಳು, ಮಹಿಳೆಯರು ಕುಂಭವನ್ನು ಹೊತ್ತು ಸಾಗಿದರು. ಗ್ರಾಮವೂ ಸೇರಿದಂತೆ ನೂರಾರು ಸಮುದಾಯದ ಜನರು ಭಾಗಹಿಸಿದ್ದರು. 

ಇದನ್ನೂ ಓದಿ: ಕೆಂಪೇಗೌಡ ರಾಷ್ಟ್ರೀಯ ಪ್ರಶಸ್ತಿಗೆ ಮಾದಾರ ಚನ್ನಯ್ಯ ಸ್ವಾಮೀಜಿ ಆಯ್ಕೆ | ಜೂನ್ 27 ರಂದು ಪ್ರಶಸ್ತಿ ಪ್ರದಾನ 

ಈ ವೇಳೆ ಜಿಲ್ಲಾ‌ ಬಿಜೆಪಿ ರೈತಮಮೊರ್ಚಾ ಅಧ್ಯಕ್ಷ ವೆಂಕಟೇಶಯಾದವ್, ಗುತ್ತಿಗೆದಾರ ರಂಗಸ್ವಾಮಿ, ಬಂಡೆರಂಗಣ್ಣ, ಲಕ್ಷ್ಮಿದೇವಿ ಮುಂತಾದವರು ಭಾಗವಹಿಸಿದ್ದರು.