ROAD; ಟೀಚರ್ಸ್ ಕಾಲೋನಿಗೆ ಹೋಗುವ ರಸ್ತೆ ದೇವರಿಗೆ ಪ್ರೀತಿ..

CHITRADURGA NEWS | 18 JULY 2024

ಚಿತ್ರದುರ್ಗ: ನಗರದ ಟೀಚರ್ಸ್ ಕಾಲೋನಿಯಲ್ಲಿ ರಸ್ತೆ(ROAD) ಗುಂಡಿ ಬಿದ್ದಿದ್ದು, ದ್ವಿಚಕ್ರ ವಾಹನ ಸವಾರರು ಓಡಾಡಲು ಭಯಭೀತರಾಗಿದ್ದಾರೆ.

ಇದನ್ನೂ ಓದಿ: SILVER JUBILEE; ಜು.20ಕ್ಕೆ ಚಿತ್ರದುರ್ಗಕ್ಕೆ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿ.ಕೆ.ಶಿವಕುಮಾರ್ | ಭೋವಿ ಶ್ರೀಗಳ ಧೀಕ್ಷಾ ರಜತ ಮಹೋತ್ಸವಕ್ಕೆ ಆಹ್ವಾನ

ರಸ್ತೆಯಲ್ಲಿ ಮೊದಲೇ ಗುಂಡಿ ಬಿದ್ದಿದ್ದು ನಗರಸಭೆಯವರು ಅಲ್ಲಿಗೆ ಮಣ್ಣು ಅಕಿ ಬಿಟ್ಟಿದ್ದರು ಆದರೆ ಈಗ ಮತ್ತೆ ಗುಂಡಿ ಬಿದ್ದಿದ್ದು ದಿನ ನಿತ್ಯ ವಾಹನ ಸವಾರರು ಹಾಗೂ ಶಾಲಾ ಕಾಲೇಜು ವಿದ್ಯಾರ್ಥಿಗಳು ಓಡಾಡಲು ತೊಂದರೆಯಾಗುತ್ತಿದೆ.

ರಸ್ತೆ ಗುಂಡಿ ಮುಚ್ಚಲು ನಗರಸಭೆಗೆ ಮತ್ತು ಕಾನೂನು ಸೇವಾ ಪ್ರಾಧಿಕಾರಕ್ಕೆ ದೂರು ಪತ್ರ, ದೂರವಾಣಿ ಮುಖಾಂತರ ರಸ್ತೆ ರಿಪೇರಿಗೆ ಮನವಿ ಸಲ್ಲಿಸಲಾಗಿತ್ತು ಎಂದು ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿ ಮತ್ತು ಕರ್ನಾಟಕ ಸರ್ವೋದಯ ಮಂಡಳಿಯ ಜಿಲ್ಲಾಧ್ಯಕ್ಷ ಡಾ.ಎಚ್.ಕೆ.ಎಸ್. ಸ್ವಾಮಿ ತಿಳಿಸಿದ್ದಾರೆ.

ಈಗ ಸದ್ಯ ಮಳೆ ಹೆಚ್ಚಾದ್ದರಿಂದ, ಜೋಗಿಮಟ್ಟಿ ಪ್ರದೇಶದ ಬಳಿ ಇರುವುದರಿಂದ ಹೆಚ್ಚು ಮಳೆ ಸುರಿಯುತ್ತಿದ್ದು, ಕಾಲೇಜಿಗೆ ಹೋಗುವ ವಿದ್ಯಾರ್ಥಿನಿಯರುಗಳು ಜಾರಿ ಬಿದ್ದು, ಕೈಕಾಲು ಮುರಿದುಕೊಳ್ಳುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ. ರಸ್ತೆಯಲ್ಲಿ ದ್ವಿಚಕ್ರ ವಾಹನ ಚಲಾಯಿಸುವುದು ಕಷ್ಟಕರವಾಗಿದೆ ಎಂದಿದ್ದಾರೆ.

ಇದನ್ನೂ ಓದಿ: Shivayogi Kalasad; ಮುರುಘಾಶ್ರೀ ಬೆಳ್ಳಿ ವಿಗ್ರಹ ಕಳ್ಳತನ ಪ್ರಕರಣ | ಕಾಣದ ಕೈಗಳ ಪತ್ತೆಗೆ ಸಂಪೂರ್ಣ ಸಹಕಾರ | ಆಡಳಿತಾಧಿಕಾರಿ ಶಿವಯೋಗಿ ಕಳಸದ್

ನಗರಸಭೆಯವರು ಈ ಹಿಂದೆ ಟೀಚರ್ಸ್ ಕಾಲೋನಿ ರಸ್ತೆಗೆ ಮಣ್ಣನ್ನು ಹಾಕಿದ್ದು ಅದು ಈಗ ಗುಂಡಿಬಿದ್ದಿದ್ದೆ, ಮಣ್ಣಿನ ಜೊತೆಗೆ ಒಂದಿಷ್ಟು ಕಲ್ಲು ಜಲ್ಲಿಗಳನ್ನಾದರೂ ಮಿಶ್ರಣ ಮಾಡಿ ಹಾಕಿದ್ದರೆ ರೋಡಿನ ಮೇಲೆ ಹಿಡಿತವನ್ನಾದರೂ ಸಾಧಿಸಬಹುದಾಗಿತ್ತು. ಈಗ ದ್ವಿಚಕ್ರ ವಾಹನರು ಜೀವವನ್ನು ಕೈಯಲ್ಲಿ ಹಿಡಿದುಕೊಂಡು ಈ ರಸ್ತೆಯಲ್ಲಿ ಸಂಚಾರಿಸುತ್ತಿದ್ದಾರೆ.

ದೂರದಿಂದ ನೋಡುಗರಿಗೆ ಈ ರಸ್ತೆ ಯಾವುದೋ ಕೆರೆಯೋ. ಕೆಸರು ಗದ್ದೆಯೋ ಎಂಬಂತೆ ಕಾಣುತ್ತಿದೆ, ನಗರಸಭೆಯಿಂದ ಕೇವಲ ಒಂದು ಕಿಲೋಮೀಟರ್ ದೂರವಿರುವ ಈ ರಸ್ತೆಗೆ, ಜಲ್ಲಿ ಮಿಶ್ರಿತ ಟಾರ್ ಹಾಕಿಸಿ, ರಸ್ತೆ ನಿರ್ಮಾಣ ಮಾಡಿ, ಗುಂಡಿಗಳನ್ನ ಮುಚ್ಚಿಸಬೇಕೆಂದು ಎಂದು ಡಾ.ಎಚ್.ಕೆ.ಎಸ್. ಸ್ವಾಮಿ ವಿನಂತಿಸಿಕೊಂಡಿದ್ದಾರೆ.

ನ್ಯಾಯಾಧೀಶರುಗಳ ಗಮನಕ್ಕೆ ಬಾರದೆ ಈ ರಸ್ತೆ ಗುಂಡಿಗಳಿಂದ ಆವೃತವಾಗಿದೆ ಎಂದು ನಾಗರಿಕರು ಅಸಮಾಧಾನವ ಹೊಂದಿದ್ದಾರೆ. ದೂರುಗಳ ಮೇಲೆ ದೂರು ನೀಡಿ ಅಧಿಕಾರಿಗಳನ್ನು ಸಂಪರ್ಕಿಸಿ, ಅವುಗಳನ್ನು ಸರಿಪಡಿಸಿ ಎಂದು ಬಹಳಷ್ಟು ವರ್ಷಗಳಿಂದ ಬೇಡಿಕೆ ಇಟ್ಟರು ಸಹ, ಈ ಟೀಚರ್ಸ್ ಕಾಲೋನಿ ರಸ್ತೆ ಸರಿ ಮಾಡದಿರುವುದು ಶೋಚನೀಯ ಎಂದಿದ್ದಾರೆ.

ಇದನ್ನೂ ಓದಿ: ಕುರಿ, ಮೇಕೆ ಸಾಕಾಣಿಕೆಗೆ ಅರ್ಜಿ ಅಹ್ವಾನ

ಈಗಲಾದರೂ ನಗರಸಭೆಯವರು, ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್‌ರವರು ಇತ್ತಕಡೆಗೆ ಗಮನಹರಿಸಿ, ನಾಗರಿಕರಿಗೆ ಮೂಲಭೂತ ಸೌಕರ್ಯಗಳನ್ನು ಒದಗಿಸಿ ಕೊಡುವುದರಲ್ಲಿ ಗಮನಹರಿಸಬೇಕು ಎಂದು ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿ ಮತ್ತು ಕರ್ನಾಟಕ ಸರ್ವೋದಯ ಮಂಡಳಿಯ ಜಿಲ್ಲಾಧ್ಯಕ್ಷ ಡಾ.ಎಚ್.ಕೆ.ಎಸ್. ಸ್ವಾಮಿ ಮನವಿ ಮಾಡಿದ್ದಾರೆ.