ನಗರಸಭೆ ನಿರ್ಲಕ್ಷ | ತುಂಬಿ ಹರಿಯುತ್ತಿರುವ UGD ಚೇಂಬರ್ 

CHITRADURGA NEWS | 21 MAY 2026

ಚಿತ್ರದುರ್ಗ: ನಗರದ ರಾಂದಾಸ್ ಕಾಂಪೌಂಡ್ 20 ನೇ ವಾರ್ಡ್‍ನಲ್ಲಿ ಗುಲ್ಷನ್ ಮಸೀದಿ ಮುಂಭಾಗ ಯು.ಜಿ.ಡಿ. ಚೇಂಬರ್ ತುಂಬಿ ನದಿಯಂತೆ ರಸ್ತೆಯಲ್ಲಿ ಹರಿಯುತ್ತಿದೆ. ಚೇಂಬರ್ ಮೇಲಿನ ಮುಚ್ಚಳ ಮುರಿದಿದ್ದು, ಪದೆ ಪದೆ ತುಂಬಿ ಹರಿಯುತ್ತಿದ್ದರೂ ನಗರಸಭೆಯವರು ನಮಗೆ ಸಂಬಂಧವಿಲ್ಲವೆಂಬಂತೆ ವರ್ತಿಸುತ್ತಿದ್ದಾರೆ. 

ಇದನ್ನೂ ಓದಿ: ಕೆರೆಗಳಲ್ಲಿ ಹೂಳೆತ್ತುವ ಕಾಮಗಾರಿಗಳು ಓವರ್‍ಲ್ಯಾಪ್ ಆಗದಂತೆ ನಿಗಾವಹಿಸಿ | ಅಧಿಕಾರಿಗಳಿಗೆ ಡಿಸಿ ಸೂಚನೆ 

ಪ್ರತಿ ಮನೆಯ ಮುಂಭಾಗ ಅಂಗಳದಲ್ಲಿ ಯು.ಜಿ.ಡಿ.ನೀರು ಹರಿಯುತ್ತಿದ್ದು, ಶಾಲಾ ಮಕ್ಕಳು ದಿನನಿತ್ಯವೂ ಇದೇ ಜಾಗದಿಂದ ಹೋಗಬೇಕಾಗಿದೆ. ಮೊದಲೇ ಬೇಸಿಗೆಯ ಕಾಲವಾಗಿರುವುದರಿಂದ ಸಾಂಕ್ರಾಮಿಕ ರೋಗಗಳು ಹರಡುವ ಸಾಧ್ಯತೆಗಳಿವೆ. 

ರವಿ ಮ್ಯಾಚಸ್ ಫ್ಯಾಕ್ಟರಿ ಹತ್ತಿರ ಕೂಡ ಇದೇ ರೀತಿ ಯು.ಜಿ.ಡಿ. ಚೇಂಬರ್ ಹಾಳಾಗಿದೆ. ಇಲಿ, ಹೆಗ್ಗಣಗಳು ರಸ್ತೆಯಲ್ಲಿ ಓಡಾಡುತ್ತಿರುತ್ತವೆ. ನಗರಸಭೆ ಆಡಳಿತಾಧಿಕಾರಿಯಾಗಿರುವ ಜಿಲ್ಲಾಧಿಕಾರಿಗಳು ನಗರಸಭೆ ಆಯುಕ್ತರು, ಪರಿಸರ ಇಂಜಿನಿಯರ್‍ಗೆ ಸ್ಥಳಕ್ಕೆ ಭೇಟಿ ನೀಡಿ ತುಂಬಿ ಹರಿಯುತ್ತಿರುವ ಯು.ಜಿ.ಡಿ. ಚೇಂಬರ್ ದುರಸ್ಥಿಪಡಿಸುವಂತೆ ಸೂಚಿಸಬೇಕೆಂದು ಆಮ್ ಆದ್ಮಿ ಪಾರ್ಟಿಯ ಮಾಜಿ ಜಿಲ್ಲಾಧ್ಯಕ್ಷ ಹೆಚ್.ಎಂ.ಫಾರೂಕ್ ಅಜ್ಮತ್ ಅಲಿ ಮನವಿ ಮಾಡಿದ್ದಾರೆ.