VANIVILASA SAGARA DAM: ವಿವಿ ಸಾಗರ ಕೋಡಿಯಲ್ಲಿ ಜಲ ವೈಭವ | ಮೈದುಂಬಿದ ವೇದಾವತಿ | ಮುಂದುವರೆದ ಮಳೆ

CHITRADURGA NEWS | 22 OCTOBER 2025

ಚಿತ್ರದುರ್ಗ: ವಾಣಿವಿಲಾಸ ಸಾಗರ ಜಲಾಶಯ ಭರ್ತಿಯಾಗಿದ್ದು, ಕೋಡಿಯಲ್ಲಿ ಜಲ ವೈಭವ ಕಾಣುತ್ತಿದೆ. ಬರೋಬ್ಬರಿ 89 ವರ್ಷಗಳ ನಂತರ ಅಂದರೆ 2022 ರಲ್ಲಿ ಜಲಾಶಯ ಕೋಡಿ ಬಿದ್ದಾಗ ಕಂಡಿದ್ದ ವೇದಾವತಿಯ ರುದ್ರ ನರ್ತನ ಈಗ ಮತ್ತೆ ಮರುಸ್ಥಾಪಿತವಾಗಿದೆ.

ಜಲಾಶಯದ ಹಿನ್ನೀರು ಭಾಗದ ಹಾರನಕಣಿವೆ ಶ್ರೀ ರಂಗನಾಥ ಸ್ವಾಮಿ ದೇವಸ್ಥಾನದ ಬಲ ಬದಿಯಲ್ಲಿರುವ ವಿವಿ ಸಾಗರದ ಕೋಡಿಯಲ್ಲಿ ಅಪಾರ ಪ್ರಮಾಣದ ನೀರು ಹೊರಗೆ ಹರಿಯುತ್ತಿದ್ದು, ಜಲಾಶಯದ ನೀರಿನ ಮಟ್ಟ 132 ಅಡಿಗೆ ತಲುಪಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗೆ ಮನಬಂದಂತೆ ಥಳಿಸಿದ ಶಿಕ್ಷಕ | ಗುಲ್ಬರ್ಗಾದಲ್ಲಿ ಬಂಧಿಸಿದ ಪೊಲೀಸರು

ಮಳೆ ಮುಂದುವರೆದಿದ್ದು, ವಾಣಿವಿಲಾಸ ಸಾಗರ ಜಲಾಶಯಕ್ಕೆ ಅಪಾರ ಪ್ರಮಾಣದಲ್ಲಿ ನೀರು ಹರಿದು ಬರುತ್ತಿದೆ.

ವಿವಿ ಸಾಗರ ಜಲಾಶಯಕ್ಕೆ ವೇದಾವತಿ ನದಿ ಹಾಗೂ ಹಳ್ಳ ಕೊಳ್ಳಗಳ ಮೂಲಕ 5823 ಕ್ಯೂಸೆಕ್‌ ನೀರು ಹರಿದು ಬರುತ್ತಿದ್ದರೆ, ಜಲಾಶಯದಿಂದ 4 ಸಾವಿರ ಕ್ಯೂಸೆಕ್‌ ನೀರು ಹೊರಗೆ ಹರಿಯುತ್ತಿದೆ.

ಇದನ್ನೂ ಓದಿ: ವಿವಿ ಸಾಗರ ಜಲಾಶಯ ಭರ್ತಿ | 4ನೇ ಸಲ ಕೋಡಿ ಬಿದ್ದು ಹೊಸ ದಾಖಲೆ

ಹಿರಿಯೂರು ತಾಲೂಕಿನ ಪಿಟ್ಲಾಲಿ – ಆಲೂರು ಬಳಿ ನಿರ್ಮಿಸಿರುವ ಬ್ರಿಡ್ಜ್‌ ಕಂ ಬ್ಯಾರೇಜ್‌ ವರೆಗೆ ನೀರು ತಲುಪಿದ್ದು, ಸಂಜೆ ವೇಳೆಗೆ ನೀರು ಇನ್ನಷ್ಟು ರಭಸವಾಗಿ ಹರಿಯಲಿದೆ.