ಗೊರಕೆ ಈ ಗಂಭೀರ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆಯಂತೆ ಎಚ್ಚರ

CHITRADURGA NEWS | 16 DECEMBER 2025

ನಾವು ಸಾಮಾನ್ಯವಾಗಿ ಗೊರಕೆಯನ್ನು ಸಣ್ಣ ತೊಂದರೆ ಎಂದು ತಳ್ಳಿಹಾಕುತ್ತೇವೆ. ಆದರೆ ಅದರ ಪರಿಣಾಮಗಳು ನಿದ್ರೆಗೆ ಅಡಚಣೆ ಮಾಡುವುದು ಮಾತ್ರವಲ್ಲ ಅದು ಗಂಭೀರವಾದ ಆರೋಗ್ಯ ಸ್ಥಿತಿಗಳ ಸಂಕೇತವೂ ಆಗಿರಬಹುದು ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ. ಯಾರಾದರೂ ಗೊರಕೆ ಹೊಡೆಯುತ್ತಿದ್ದರೆ, ಅವರು ಬಹುಶಃ ಯಾವುದೋ ಆರೋಗ್ಯ ಸಮಸ್ಯೆಯಿಂದ ಸ್ಥಿತಿಯಿಂದ ಬಳಲುತ್ತಿದ್ದಾರೆ ಎಂದರ್ಥ. ಹಾಗಾಗಿ ಗೊರಕೆ ಹೊಡೆಯವುದರಿಂದ ಯಾವೆಲ್ಲಾ ಆರೋಗ್ಯ ಸಮಸ್ಯೆಗಳು ಕಾಡುತ್ತವೆ ಎಂಬುದನ್ನು ತಿಳಿದುಕೊಳ್ಳಿ.

ಏಕಾಗ್ರತೆ ಮತ್ತು ಸ್ಮರಣೆಯ ಮೇಲೆ ಪರಿಣಾಮ ಬೀರುತ್ತದೆ

ನಿದ್ರೆಯ ಸಮಯದಲ್ಲಿ ಬಾಯಿ ಮತ್ತು ಮೂಗಿನ ಮೂಲಕ ಗಾಳಿಯ ಮಾರ್ಗವು ಭಾಗಶಃ ನಿರ್ಬಂಧಿಸಲ್ಪಟ್ಟಾಗ ಗೊರಕೆ ಉಂಟಾಗುತ್ತದೆ. ಈ ಅಡಚಣೆಯು ಗಂಟಲಿನ ಸ್ನಾಯುಗಳು ಕಂಪಿಸುವಂತೆ ಮಾಡುತ್ತದೆ. ಗೊರಕೆಯ ಶಬ್ದವನ್ನು ಉತ್ಪಾದಿಸುತ್ತದೆ. ಇದರ ಪರಿಣಾಮಗಳು ಕೇವಲ ಶಬ್ದಕ್ಕೆ ಸೀಮಿತವಾಗಿಲ್ಲ. ಆಗಾಗ್ಗೆ ಗೊರಕೆ ಹೊಡೆಯುವುದರಿಂದ ವ್ಯಕ್ತಿಯ ನಿದ್ರೆ ಮತ್ತು ಅವರ ಜೊತೆ ಮಲಗುವ ಸಂಗಾತಿಯ ನಿದ್ರೆಯನ್ನು ಹಾಳುಮಾಡುತ್ತದೆ.ಇದು ಹಗಲಿನ ವೇಳೆ ಆಯಾಸ, ಏಕಾಗ್ರತೆಯ ಕೊರತೆ ಮತ್ತು ಸ್ಮರಣಶಕ್ತಿಯ ನಷ್ಟಕ್ಕೆ ಕಾರಣವಾಗಬಹುದು.

ನಿದ್ರೆಯ ವೇಳೆ ಉಸಿರುಕಟ್ಟುವಿಕೆ

ಅತ್ಯಂತ ಗಂಭೀರವಾದ ವಿಷಯವೆಂದರೆ ಜೋರಾಗಿ ಮತ್ತು ನಿರಂತರ ಗೊರಕೆ ಹೊಡೆಯುವುದು.ನಿದ್ರೆಯ ವೇಳೆ ಉಸಿರುಕಟ್ಟುವಿಕೆಗೆ ಕಾರಣವಾಗಬಹುದು. ಇದು ನಿದ್ರೆಯ ಸಮಸ್ಯೆಯ ಸಂಕೇತವಾಗಿರಬಹುದು. ಇದರಲ್ಲಿ ನಿದ್ರೆಯ ಸಮಯದಲ್ಲಿ ಉಸಿರಾಟವು ಪದೇ ಪದೇ ನಿಂತು ಮತ್ತೆ ಶುರುವಾಗುತ್ತದೆ.

ಅಧಿಕ ರಕ್ತದೊತ್ತಡ, ಮಧುಮೇಹ, ಮೆಟಾಬಾಲಿಕ್ ಸಿಂಡ್ರೋಮ್, ಹೃದಯ ಕಾಯಿಲೆಗಳು ಸಂಭವಿಸಬಹುದು

ಗೊರಕೆಯಿಂದ ನಿಮಗೆ ಅಧಿಕ ರಕ್ತದೊತ್ತಡ, ಮಧುಮೇಹ, ಮೆಟಾಬಾಲಿಕ್ ಸಿಂಡ್ರೋಮ್, ಮತ್ತು ಹೃದಯ ಕಾಯಿಲೆಗಳು, ಹಾಗೂ ಹೃದಯಾಘಾತ ಮತ್ತು ಪಾರ್ಶ್ವವಾಯು ಅಪಾಯವು ಹೆಚ್ಚಾಗುತ್ತದೆ. ಏಕೆಂದರೆ ಈ ವೇಳೆ ಆಮ್ಲಜನಕದ ಕೊರತೆ ಉಂಟಾಗಿ ಅದು ಹೃದಯದ ಮೇಲೆ ಒತ್ತಡವನ್ನುಂಟು ಮಾಡುತ್ತದೆ. ದೇಹದಲ್ಲಿ ಉರಿಯೂತವನ್ನು ಹೆಚ್ಚಿಸುತ್ತದೆ ಮತ್ತು ನೈಸರ್ಗಿಕ ದುರಸ್ತಿ ವ್ಯವಸ್ಥೆಯನ್ನು ಅಡ್ಡಿಪಡಿಸುತ್ತದೆ.