ಜೈನ ಸನ್ಯಾಸದತ್ತ ಮೂವರು ಯುವತಿಯರು | ಫೆ.25 ರಂದು ಧೀಕ್ಷೆ ಸ್ವೀಕಾರ

CHITRADURGA NEWS | 23 FEBRUARY 2026

ಚಿತ್ರದುರ್ಗ: ನಗರದ ಜೈನ ಸಮುದಾಯದ ಮೂವರು ಯುವತಿಯರು ಜೈನ ಸನ್ಯಾಸಿಗಳಾಗಿ ಫೆ.25 ರಂದು ನಗರದ ವಾಲ್ಮೀಕಿ ಭವನದಲ್ಲಿ ದೀಕ್ಷೆ ಪಡೆಯಲಿದ್ದಾರೆ.

ಇದನ್ನೂ ಓದಿ: ಸ್ಫೋಟಕ ಸೇವಿಸಿ ಮುಧೋಳ ನಾಯಿ ಸಾವು!

ಮಾಗಿಲಾಲ್ ಸುಖಿಬಾಯಿ ಅವರ ಪುತ್ರಿ ಸವಿತಾ ಕುಮಾರಿ ಹಾಗೂ ಲಲಿತಾ ಕುಮಾರ್ ಜೀ ಮತ್ತು ಸುಶೀಲಾಬೆಹನ್ ಅವರ ಪುತ್ರಿಯರಾದ ಛವಿ ಕುಮಾರಿ, ಮತ್ತು ದಿವ್ಯ ಕುಮಾರಿ ಸನ್ಯಾಸತ್ವದತ್ತ ಒಲವು ತೋರಿಸಿದ್ದಾರೆ.

ಚಿತ್ರದುರ್ಗದಲ್ಲಿ ಶಿಕ್ಷಣ ಪಡೆದ 11 ಯುವತಿಯರು ಈವರೆಗೆ ಜೈನ ಸನ್ಯಾಸಿಗಳಾಗಿದ್ದಾರೆ.

ಇಲ್ಲಿ ಆಡಂಬರವಿಲ್ಲ. ಸುಖ, ಸಂತೋಷಕ್ಕಿಂತ ಭಗವಂತನ ಸೇವೆ ಮುಖ್ಯವಾಗಿರುತ್ತದೆ. ತಮಗೆ ಬಾಹ್ಯ ಪ್ರಪಂಚದಲ್ಲಿ ಇರುವ ಸುಖಕ್ಕಿಂತ ಸನ್ಯಾಸತ್ವದಲ್ಲಿ ಸುಖವಿದೆ ಅನ್ನಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಜೈನ ಮುನಿಯಾಗಿ ತೆರಳಲು ಅಣಿಯಾಗಿದ್ದೇನೆ ಎಂದು ಸವಿತಾ ಕುಮಾರಿ ತಿಳಿಸಿದ್ದಾರೆ.

ಇದನ್ನೂ ಓದಿ: ಸರ್ಕಾರದ ವಿರುದ್ಧ ಸಿಡಿದೆದ್ದ ಗುತ್ತಿಗೆದಾರರು | ₹36,000 ಕೋಟಿ ಬಾಕಿ ಬಿಲ್‌ಗಾಗಿ ಬೃಹತ್ ಪ್ರತಿಭಟನೆಯ ಎಚ್ಚರಿಕೆ

ಈ ಮೂರು ಜನರಿಗೆ ಫೆ. 25ರ ಬೆಳಿಗ್ಗೆ 9 ಗಂಟೆಗೆ ಆಭಯ ಶೇಖರ್ ಸುರೇಶ್ವರಜೀ ತಾರಕೇಶ್ವರ ಗುರುಗಳು ದೀಕ್ಷೆ ನೀಡಲಿದ್ದಾರೆ. ಫೆ.24 ರಂದು ಚಿತ್ರದುರ್ಗ ನಗರದಲ್ಲಿ ಜೈನ ಮುನಿಗಳಾಗುತ್ತಿರುವ ಈ ಮೂರು ಜನ ಬಾಲಕಿಯರ ಮೆರವಣಿಗೆ ನಡೆಸಲಾಗುತ್ತದೆ.