ಕೊಲೆ ಆರೋಪಿ ನಾಪತ್ತೆ | ಪತ್ತೆಗೆ ಚಿತ್ರದುರ್ಗ ಕೋಟೆ ಪೊಲೀಸ್ ಠಾಣೆ ಮನವಿ 

CHITRADURGA NEWS | 08 APRIL 2026

ಚಿತ್ರದುರ್ಗ: ಚಿತ್ರದುರ್ಗ ಟೌನ್ ನೆಹರು ನಗರ 1ನೇ ಕ್ರಾಸ್ ಮಂಜುನಾಥ ತಂದೆ ಬಿನ್ ನರಸಿಂಹಪ್ಪ(52) ಇವರು, ತಮ್ಮ ಪತ್ನಿಯನ್ನು ತಮ್ಮ ಮನೆಯಲ್ಲಿ ಕೊಲೆ ಮಾಡಿ ತಲೆ ಮರೆಸಿಕೊಂಡಿರುವ ಕುರಿತು, ಚಿತ್ರದುರ್ಗ ಕೋಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ನಿರ್ಮಿತಿ ಕೇಂದ್ರದ ಅಸಿಸ್ಟೆಂಟ್ ಅಕೌಂಟೆಂಟ್ ಸುಶೀಲಮ್ಮ ಮನೆ ಮೇಲೆ ಲೋಕಾಯುಕ್ತ ದಾಳಿ

ಕಾಣೆಯಾದ ಆರೋಪಿ ಮಂಜುನಾಥ ಸ್ವಂತ ಊರು ಹಾರನಹಳ್ಳಿ ಶಾಂತಿನಗರ ಗ್ರಾಮ, ಶಿವಮೊಗ್ಗ ತಾಲ್ಲೂಕು ಮತ್ತು ಜಿಲ್ಲೆ, ಛಲವಾದಿ ಜನಾಂಗದವರಾಗಿದ್ದು, ಸುಮಾರು 5 ಅಡಿ ಎತ್ತರ, ಕೋಲುಮುಖ, ಸಾಧಾರಣ ಮೈಕಟ್ಟು, ಎಣ್ಣೆಗೆಂಪು ಮೈಬಣ್ಣ ಹೊಂದಿದ್ದು, ಎಡಗಾಲು ಸ್ವಾಭಾವಿಕವಾಗಿದ್ದು, ಬಲಗಾಲು ಈ ಹಿಂದೆ ಗಾಯಗೊಂಡು ಊನವಾಗಿದೆ, ಕನ್ನಡ ಭಾಷೆ ಮಾತನಾಡುತ್ತಾನೆ, ಕಾಣೆಯಾದ ಸಂರ್ದದಲ್ಲಿ ಲುಂಗಿ, ಪಂಚೆ, ಶರ್ಟ್ ಧರಿಸಿದ್ಧು ತಲೆಗೆ ಟವೆಲ್ ಅನ್ನು ಸುತ್ತಿಕೊಂಡಿರುತ್ತಾನೆ.

ಕಾಣೆಯಾದ ಆರೋಪಿ ಗುರುತು ಪತ್ತೆಯಾದವರು, ಪೊಲೀಸ್ ನಿರೀಕ್ಷಕರು ಕೋಟೆ ಪೊಲೀಸ್ ಠಾಣೆ ದೂರವಾಣಿ ಸಂಖ್ಯೆ 9480803145 ಗೆ ಕರೆ ಮಾಡಿ ಮಾಹಿತಿ ನೀಡುವಂತೆ ಪ್ರಕಟಣೆ ತಿಳಿಸಿದೆ.