ಜೀರಿಗೆ ನೀರು ಅಥವಾ ದೇಸಿ ತುಪ್ಪದ ನೀರು ಹೊಟ್ಟೆಯನ್ನು ಸ್ವಚ್ಛಗೊಳಿಸಲು ಯಾವುದು ಉತ್ತಮ?

CHITRADURGA NEWS | 18 JUNE 2026

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಮಲಬದ್ಧತೆಯಿಂದ ಬಳಲುತ್ತಿದ್ದಾರೆ. ಇದಕ್ಕಾಗಿ ಅವರು ಔಷಧಿಗಳನ್ನು ಸೇವಿಸುವ ಬದಲು ತಮ್ಮ ಆಹಾರಕ್ರಮವನ್ನು ಸುಧಾರಿಸಿಕೊಳ್ಳಬೇಕು. ಯಾಕೆಂದರೆ ಕಳಪೆ ಆಹಾರ ಪದ್ಧತಿ ಹೆಚ್ಚಾಗಿ ಈ ಸಮಸ್ಯೆಗೆ ಕಾರಣವಾಗಿದೆ. ಇದು ಬೆಳಿಗ್ಗೆ ಮಲವಿಸರ್ಜನೆಯಲ್ಲಿ ತೊಂದರೆ ಉಂಟುಮಾಡಬಹುದು, ಜೊತೆಗೆ ವಾಕರಿಕೆ ಮತ್ತು ಉಬ್ಬರದಂತಹ ಇತರ ಲಕ್ಷಣಗಳನ್ನೂ ಉಂಟುಮಾಡಬಹುದು. ಹಾಗಾಗಿ ಅನೇಕ ಜನರು ಹೊಟ್ಟೆ ಸ್ವಚ್ಛಗೊಳಿಸಲು ಕೆಲವು ಪಾನೀಯಗಳನ್ನು ಸೇವಿಸುತ್ತಾರೆ. ಅದರಲ್ಲಿ ಜೀರಿಗೆ ನೀರು ಹಾಗೂ ದೇಸಿ ತುಪ್ಪ ಮಿಕ್ಸ್ ಮಾಡಿದ ನೀರು ಕೂಡ ಸೇರಿವೆ. ಆದರೆ ಇವೆರಡರಲ್ಲಿ ಯಾವುದು ಹೊಟ್ಟೆ ಸ್ವ್ಛಗೊಳಿಸಲು ಉತ್ತಮ ಎಂಬ ಗೊಂದಲ ಹಲವರಲ್ಲಿದೆ. ಈ ಬಗ್ಗೆ ಮಾಹಿತಿ ತಿಳಿದುಕೊಳ್ಳಿ.

ಜೀರಿಗೆ ನೀರು ಅಥವಾ ತುಪ್ಪದ ನೀರು

ತಜ್ಞರ ಪ್ರಕಾರ, ಜೀರಿಗೆ ನೀರು ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು. ಆದರೆ ನೀವು ಮಲಬದ್ಧತೆಯಿಂದ ಬಳಲುತ್ತಿದ್ದರೆ ಅದನ್ನು ಸೇವಿಸಬಾರದು. ದೇಸಿ ತುಪ್ಪದ ನೀರು ಮಲಬದ್ಧತೆಗೆ ಪ್ರಯೋಜನಕಾರಿ. ಏಕೆಂದರೆ ಇದು ಕರುಳನ್ನು ನಯಗೊಳಿಸಲು ಸಹಾಯ ಮಾಡುತ್ತದೆ. ಇದು ಬೆಳಿಗ್ಗೆ ಕರುಳಿನ ಚಲನೆಯನ್ನು ಸುಲಭಗೊಳಿಸುತ್ತದೆ ಮತ್ತು ನಿಮ್ಮ ಕರುಳನ್ನು ಸರಿಯಾಗಿ ಶುದ್ಧಗೊಳಿಸುತ್ತದೆ.

ಹೊಟ್ಟೆ ಸ್ವಚ್ಛಗೊಳಿಸಲು ಇತರ ಆಹಾರಗಳು

ದಾಳಿಂಬೆ ಅಥವಾ ಪಪ್ಪಾಯಿ

ದಾಳಿಂಬೆ ನಿಮ್ಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಆದರೆ ಇದು ಮಲವನ್ನು ಬಂಧಿಸುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ಪಪ್ಪಾಯಿ ಹಣ್ಣು ಸರಾಗ ಕರುಳಿನ ಚಲನೆಯನ್ನು ಉತ್ತೇಜಿಸುವುದರಿಂದ ಪಪ್ಪಾಯಿ ತಿನ್ನುವುದು ಹೆಚ್ಚು ಪ್ರಯೋಜನಕಾರಿಯಾಗಿದೆ.

ಹಾಲು ಅಥವಾ ಹರಳೆಣ್ಣೆ

ಮಲಬದ್ಧತೆಗೆ ಹಾಲು ಕುಡಿಯಲು ಅನೇಕ ಜನರು ಶಿಫಾರಸು ಮಾಡುತ್ತಾರೆ. ಆದರೆ ಇದನ್ನು ತಪ್ಪಿಸಬೇಕು. ಬದಲಾಗಿ, ನೀವು ಮಲಗುವ ಮುನ್ನ ಅರ್ಧ ಟೀ ಚಮಚ ಹರಳೆಣ್ಣೆ ಅನ್ನು ಉಗುರು ಬೆಚ್ಚಗಿನ ನೀರಿನೊಂದಿಗೆ ಸೇವಿಸಬಹುದು. ಇದು ಕೊಲೊನ್ ಅನ್ನು ಶುದ್ಧೀಕರಿಸಲು ಸಹಾಯ ಮಾಡುತ್ತದೆ. ಬೆಳಿಗ್ಗೆ ನಿಮ್ಮ ಕರುಳನ್ನು ಖಾಲಿ ಮಾಡಲು ಸುಲಭವಾಗುತ್ತದೆ.

ಸೈಲಿಯಮ್ ಅಥವಾ ಒಣಗಿದ ಪ್ಲಮ್

ಸೈಲಿಯಮ್ ಸಿಪ್ಪೆ ಜೀರ್ಣಕ್ರಿಯೆಗೆ ಅತ್ಯುತ್ತಮ ಎಂದು ನೀವು ಹಲವು ಬಾರಿ ಕೇಳಿರಬಹುದು. ಆದರೆ ನೀವು ಮಲಬದ್ಧತೆಯಿಂದ ಬಳಲುತ್ತಿದ್ದರೆ, ನೀವು ಅದನ್ನು ಸೇವಿಸುವುದನ್ನು ತಪ್ಪಿಸಬೇಕು. ಇದು ಅಲ್ಪಾವಧಿಯ ಪರಿಹಾರವನ್ನು ನೀಡಬಹುದಾದರೂ, ಅದು ಕರುಳನ್ನು ಒಣಗಿಸಿ ಉಬ್ಬಿಸಬಹುದು. ಒಣಗಿದ ಪ್ಲಮ್‌ಗಳನ್ನು ಸೇವಿಸುವುದು ಹೆಚ್ಚು ಪ್ರಯೋಜನಕಾರಿಯಾಗಿದೆ. ಏಕೆಂದರೆ ಅವು ನೈಸರ್ಗಿಕ ವಿರೇಚಕ ಮತ್ತು ನಿಮ್ಮ ಕರುಳಿಗೆ ಉತ್ತಮವಾಗಿದೆ.