ಘೋರಿ ಉಸಿರಾಡುತ್ತಿದೆ | ಚಾದರದೊಳಗಿನಿಂದ ಉಸಿರಾಟ | ಫಕೃಲ್ಲಾ ಶಾ ಖಾದ್ರಿ ಸಮಾಧಿ

CHITRADURGA NEWS | 25 APRIL 2025

ಚಿತ್ರದುರ್ಗ: ನಗರದ ದರ್ಗಾದಲ್ಲಿರುವ ಘೋರಿಯೊಂದು ಉಸಿರಾಡುತ್ತಿರುವ ಅಚ್ಚರಿಯ ಘಟನೆಗೆ ಚಿತ್ರದುರ್ಗ ಸಾಕ್ಷಿಯಾಗಿದೆ.

ಚಿತ್ರದುರ್ಗ ನಗರದ ಬಸವೇಶ್ವರ ಟಾಕೀಸ್‌ ಬಳಿಯಿರುವ ದರ್ಗಾದಲ್ಲಿರುವ ಅಂದಾಜು 250 ವರ್ಷಗಳ ಹಳೆಯ ಘೋರಿಗೆ ಹೊದಿಸಿದ್ದ ಚಾದರ ಮೇಲೆ ಕೆಳಗೆ ಉಬ್ಬಿ ಇಳಿಯುತ್ತಿದ್ದು ಉಸಿರಾಡುತ್ತಿರುವ ರೀತಿಯಲ್ಲಿ ಭಾಸವಾಗುತ್ತಿದೆ.

ಇದನ್ನೂ ಓದಿ: 61 ಸಾವಿರದತ್ತ ಅಡಿಕೆ ರೇಟ್‌

ಫಕೃಲ್ಲಾ ಶಾ ಖಾದ್ರಿ ಎಂಬುವವರ ಘೋರಿಯ ಮೇಲೆ ಹೊದಿಸಿರುವ ಚಾದರ ಎದೆಯ ಭಾಗದಲ್ಲಿ ಉಸಿರಾಟ ನಡೆಸುತ್ತಿರುವಂತೆ ಕಾಣಿಸುತ್ತಿರುವುದು ಜನರಿಗೆ ವಿಸ್ಮಯವಾಗಿ ಗೋಚರಿಸುತ್ತಿದೆ.

ಪವಾಡದಂತೆ ಭಾಸವಾಗುತ್ತಿರುವ ಈ ಘಟನೆಯನ್ನು ಕಣ್ತುಂಬಿಕೊಳ್ಳಲು ಜನ ಮುಗಿ ಬಿದ್ದಿದ್ದಾರೆ.

ಇದನ್ನೂ ಓದಿ: ಚಿತ್ರದುರ್ಗ ನಗರಸಭೆ ಸದ್ಯಕ್ಕೆ ಮಹಾನಗರ ಪಾಲಿಕೆ ಆಗದು | ಪೌರಾಯುಕ್ತೆ ಎಂ.ರೇಣುಕಾ

ಚಿತ್ರದುರ್ಗದಲ್ಲಿ ಸೂಫಿ ಸಂತರು ಜೀವಿಸಿದ್ದರು. ಅವರ ಅನೇಕ ಸಮಾಧಿಗಳು ಇಲ್ಲಿ ಕಂಡು ಬರುತ್ತವೆ. ಅನೇಕ ಭಕ್ತರು ಇಲ್ಲಿಗೆ ನಡೆದುಕೊಳ್ಳುತ್ತಿದ್ದು, ಚಾದರ ಹೊದಿಸಿ, ಸಕ್ಕರೆ ಕೊಡಿಸಿ ಭಕ್ತಿ ಸಮರ್ಪಣೆ ಮಾಡುವುದು ಇದೆ.