ಗಣಪತಿ, ಸುಬ್ರಮಣ್ಯ ದೇವಸ್ಥಾನ ಗರ್ಭಗುಡಿಯ ಗೋಪುರಕ್ಕೆ ಹಿತ್ತಾಳೆಯ ಕವಚ

CHITRADURGA NEWS | 29 NOVEMBER 2025

ಚಿತ್ರದುರ್ಗ: ಮೆದೇಹಳ್ಳಿ ರಸ್ತೆಯಲ್ಲಿರುವ ಶ್ರೀ ಅಯ್ಯಪ್ಪಸ್ವಾಮಿ ದೇವಸ್ಥಾನದಲ್ಲಿ 26ನೇ ವರ್ಷದ ಪ್ರಯುಕ್ತ ಗಣಪತಿ ಹಾಗೂ ಸುಬ್ರಮಣ್ಯ ದೇವಸ್ಥಾನ ಗರ್ಭಗುಡಿಯ ಗೋಪುರಕ್ಕೆ ಹಿತ್ತಾಳೆಯ ಕವಚ ಹೊದಿಸಲಾಯಿತು. 

ಇದನ್ನೂ ಓದಿ: ಹೆಗ್ಗೆರೆ ಗ್ರಾಮ ಪಂಚಾಯಿತಿ ಸಮಗ್ರ ಅಭಿವೃದ್ಧಿಗೆ ಕ್ರಮ | ಜಿ.ಪಂ ಯೋಜನಾ ನಿರ್ದೇಶಕಿ ಕೆ.ಜಯಲಕ್ಷ್ಮಿ

ಶಿಲ್ಪಿಗಳಾದ ನಾಯಕನಹಟ್ಟಿ ತಿಪ್ಪೇಸ್ವಾಮಿ ಅವರ ಕುಟುಂಬ ಹೊದಿಕೆಯ ಕೆತ್ತನೆ ಮಾಡಿದ್ದು, ಅವರನ್ನು ಗೌರವಿಸಲಾಯಿತು.

ಅರ್ಚಕರಾದ ಸತೀಶ್ ಶರ್ಮ ಸಂಗಡಿಗರು ರಾಕ್ಷೋ ಹೋಮ, ಪ್ರಾಯಶ್ಚಿತ ಹೋಮ, ಅಘೋರ ರುದ್ರ ಹೋಮ , ಪಶುಪತಿ ಹೋಮ, ವಾಸ್ತು ಹೋಮ, ವಾಸ್ತು ಬಲಿ, ಶಾಂತಿ ಹೋಮ, ಗಣಪತಿ ಮೂಲ ಮಂತ್ರ, ಅಷ್ಟ ದ್ರವ್ಯ ನಾರಿ ಕೇಶ ಹೋಮ, ಸುಬ್ರಹ್ಮಣ್ಯ ಮೂಲ ಮಂತ್ರ ಹೋಮ, ಮಹಾ ಕುಂಭ ಸ್ಥಾಪನ ಹೋಮವನ್ನು ನೆರವೇರಿಸಲಾಯಿತು.

ಕಳಸಾಭಿಷೇಕ ಪೂಜೆಯ ಮುಖಾಂತರ ದೇವಸ್ಥಾನದ ಕಳಸವನ್ನು ಉದ್ಘಾಟನೆ ಮಾಡಲಾಯಿತು.

ಇದನ್ನೂ ಓದಿ: ಕಚೇರಿಗಳಲ್ಲಿ ಕನ್ನಡ ಭಾಷೆಯನ್ನೇ ಬಳಸಿ | ಮಾಲತೇಶ ಮುದ್ದಜ್ಜಿ

ಈ ಸಂದರ್ಭದಲ್ಲಿ ಮಹಾಂತೇಶ್, ಉದ್ಯಮಿ ಉದಯ್ ಶೆಟ್ಟಿ, ಅಯ್ಯಪ್ಪ ಸ್ವಾಮಿ ಸಮಿತಿಯ ಅಧ್ಯಕ್ಷರಾದ ಶರಣ್ ಕುಮಾರ್, ಕಾರ್ಯದರ್ಶಿ ಎಂ.ಪಿ. ವೆಂಕಟೇಶ್, ಉಪಾಧ್ಯಕ್ಷರಾದ ಮಲ್ಲಿಕಾರ್ಜುನ್, ರಮೇಶ್ ಗುರುಸ್ವಾಮಿ ಹಾಗೂ ದೇವಸ್ಥಾನದ ಸದಸ್ಯರು ಉಪಸ್ಥಿತರಿದ್ದರು.