SJM ತಾಂತ್ರಿಕ ಕಾಲೇಜಿನಲ್ಲಿ ಉಚಿತ ಸೌರ ತರಬೇತಿ ಶಿಬಿರ

CHITRADURGA NEWS | 09 OCTOBER 2025

ಚಿತ್ರದುರ್ಗ: ಖಾಸಗಿ ವಲಯಗಳಲ್ಲಿ ಕೌಶಲ್ಯ ಅಭಿವೃದ್ದಿ ಉಪಕ್ರಮಗಳನ್ನು ಹೆಚ್ಚಿಸಲು, ಬೆಂಬಲಿಸಲು ಮತ್ತು ಸಂಘಟಿಸಲು ಎನ್‌ಎಸ್‌ಡಿಸಿ ಸೂಕ್ತ ಮಾದರಿಗಳನ್ನು ಅಭಿವೃದಿ ಪಡಿಸುತ್ತದೆ ಎಂದು ಎಸ್‌ಜೆಎಂ ತಾಂತ್ರಿಕ ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ.ಪಿ.ಬಿ.ಭರತ್‌ ಹೇಳಿದರು.

ಇದನ್ನೂ ಓದಿ: ಚನ್ನಬಸಪ್ಪ ಕಾಂಪೌಂಡ್‌ ನಿವಾಸಿ ಗಗನ್‌ ಪಟೇಲ್‌ ನಿಧನ

ನಗರದ ಎಸ್.ಜೆ.ಎಂ.ತಾಂತ್ರಿಕ ಮಹಾವಿದ್ಯಾಲಯದಲ್ಲಿ, ಕೇಂದ್ರ ಸರ್ಕಾರದ ರಾಷ್ಟ್ರೀಯ ಕೌಶಲ್ಯ ಅಭಿವೃದ್ದಿ ನಿಗಮ (ಎನ್‌ಎಸ್‌ಡಿಸಿ) ಹಾಗು ಟಿಯುವಿ ರಿನ್‌ಲ್ಯಾಂಡ್ ಇಂಡಿಯಾ ಸಂಸ್ಥೆಯ ಸಹಯೋಗದಲ್ಲಿ ಆರಂಭಿಸಿರುವ ಉಚಿತ ಸೌರ ತರಬೇತಿ ಶಿಬಿರ ಉದ್ಘಾಟಿಸಿ ಮಾತನಾಡಿದರು.

ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಕೌಶಲ್ಯ ಅಭಿವೃದ್ದಿ ತಂತ್ರಗಳನ್ನು ಅನುಷ್ಠಾನಗೊಳಿಸುವಲ್ಲಿ ಬೆಂಬಲಿಸುತ್ತವೆ. ವಿದ್ಯಾರ್ಥಿಗಳಿಗೆ ತರಬೇತಿ ಪ್ರವೇಶವನ್ನು ಕಲ್ಪಿಸಿ ಉದ್ಯಮಶೀಲತೆಯನ್ನು ಉತ್ತೇಜಿಸಿ, ಗುಣಮಟ್ಟದ ತರಭೇತಿಯನ್ನು ನೀಡಿ ಶಿಕ್ಷಣದೊಂದಿಗೆ ಕೌಶಲ್ಯ ಅಭಿವೃದಿಯ ಗುರಿಯನ್ನು ಹೊಂದಿದೆ. 

ನಮ್ಮ ಸಂಸ್ಥೆಯ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿಭಾಗದ ಸೂರ್ಯಮಿತ್ರ ಯೋಜನೆಯಡಿಯಲ್ಲಿ ಪಿಯುಸಿ(ವಿಜ್ಞಾನ), ಐಟಿಐ, ಡಿಪ್ಲೊಮೋ ಹಾಗು ಬಿಎಸ್‌ಸಿ ಪದವಿಯನ್ನು ಪಡೆದ ವಿದ್ಯಾರ್ಥಿಗಳಿಗೆ ಉಚಿತ ತರಬೇತಿಯನ್ನು ನೀಡಿ, ಸಂದರ್ಶನಗಳನ್ನು ಏರ್ಪಡಿಸಿ ಉದ್ಯೋಗವನ್ನು ದೊರಕಿಸಿ ಕೊಡುವುದು ಯೋಜನೆಯ ಗುರಿಯಾಗಿದೆ ಎಂದರು.

ಇದನ್ನೂ ಓದಿ: ಯುವತಿ ನಾಪತ್ತೆ | ಪತ್ತೆಗೆ ಭರಮಸಾಗರ ಪೊಲೀಸರ ಮನವಿ

ಟಿಯುವಿ ರಿನ್‌ಲ್ಯಾಂಡ್ ಇಂಡಿಯಾ ಕಂಪನಿ ಪ್ರಾದೇಶಿಕ ಮುಖ್ಯಸ್ಥ ಸಂಜಯ್.ಹೆಚ್.ಎಂ. ಐಕ್ಯೂಎಸಿ ಸಂಯೋಜಕ ಡಾ.ರಾಜೇಶ್.ಎ.ಎಂ, ಮೆಕ್ಯಾನಿಕಲ್ ವಿಭಾಗದ ಮುಖ್ಯಸ್ಥ, ಡಾ.ಎಸ್.ಪಿ.ಶಿವಕುಮಾರ್, ತರಬೇತಿ ಕೇಂದ್ರದ ಸಂಯೋಜಕ ಪ್ರೊ.ಪ್ರಭುಸ್ವಾಮಿ.ಜಿ.ಎಸ್ ಹಾಗು ಕಂಪನಿಯ ತರಬೇತುದಾರ ಸಚಿನ್.ಸಿ.ಎಸ್, ವಾಣಿ.ಸಿ. ಹಾಗು ಶಿಲ್ಪಾ.ಜಿ ಉಪಸ್ಥಿತರಿದ್ದರು.