ಕೋಟೆನಾಡಿನ ಇಬ್ಬರು‌ ಪತ್ರಕರ್ತರಿಗೆ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ

CHITRADURGA NEWS | 10 JANUARY 2026

ಚಿತ್ರದುರ್ಗ: ಕರ್ನಾಟಕ ಮಾಧ್ಯಮ ಅಕಾಡೆಮಿ 2025ನೇ‌ ಸಾಲಿನ ಪ್ರಶಸ್ತಿಗಳನ್ನು ಘೋಷಣೆ ಮಾಡಿದೆ.

2025ನೇ ಸಾಲಿನ ವಾರ್ಷಿಕ ಪ್ರಶಸ್ತಿಗಳಿಗೆ‌ 30 ಪತ್ರಕರ್ತರು, ದತ್ತಿ‌ ಪ್ರಶಸ್ತಿಗೆ ಹತ್ತು ಮಂದಿ ಹಾಗೂ ಒಂದು ವಿಶೇಷ ಪ್ರಶಸ್ತಿ ಘೋಷಣೆ ಮಾಡಲಾಗಿದೆ.

ಇದನ್ನೂ ಓದಿ: ಬಡವರಿಗೆ ಮನೆ | 1.50 ಲಕ್ಷದಲ್ಲಿ ಸೈಟ್ ನಿರ್ಮಾಣ ಮಾಡಿದ್ದೇನೆ | ಶಾಸಕ ಡಾ.ಎಂ.ಚಂದ್ರಪ್ಪ

ಕಳೆದ ವರ್ಷದ ವಾರ್ಷಿಕ ಪ್ರಶಸ್ತಿಗೆ ಜಿಲ್ಲೆಯ ಇಬ್ಬರು ಹಿರಿಯ ಪತ್ರಕರ್ತರು ಆಯ್ಕೆಯಾಗಿದ್ದಾರೆ.

ವಿಜಯ ಕರ್ನಾಟಕ ಪತ್ರಿಕೆ ದಾವಣಗೆರೆ ಜೆಲ್ಲೆ ಹಿರಿಯ ವರದಿಗಾರರಾಗಿರುವ ಯಳನಾಡು ಮಂಜುನಾಥ್ ಹಾಗೂ ಪ್ರಜಾ ಟಿವಿ ಚಿತ್ರದುರ್ಗ ಜಿಲ್ಲೆಯ ಹಿರಿಯ ವರದಿಗಾರ ಡಿ.ಕುಮಾರಸ್ವಾಮಿ ಈ ಗೌರವಕ್ಕೆ ಭಾಜನರಾಗಿದ್ದಾರೆ.

ಮೂಲತಃ ಚಿತ್ರದುರ್ಗ ಜಿಲ್ಲೆ, ಹಿರಿಯೂರು ತಾಲೂಕು ಹೊಸಯಳನಾಡು ಗ್ರಾಮದ ವೈ.ಎಲ್.ಮಂಜುನಾಥ್ ಈ ಹಿಂದೆ‌ ಚಿತ್ರದುರ್ಗದಲ್ಲಿ ಕನ್ನಡಪ್ರಭ, ವಿಜಯ ಕರ್ನಾಟಕ ಹಾಗೂ ವಿಜಯವಾಣಿ ಪತ್ರಿಕೆಗಳಲ್ಲಿ ಕಾರ್ಯನಿರ್ವಹಿಸಿ, ಸೊಗಸಾದ ವರದಿಗಳ ಮೂಲಕ ಹೆಸರಾಗಿದ್ದರು.

ಪ್ರಸ್ತುತ ದಾವಣಗೆರೆ ಜಿಲ್ಲೆಯಲ್ಲಿ ವಿಜಯ ಕರ್ನಾಟಕ ಪತ್ರಿಕೆಯಲ್ಲಿ ಹಿರಿಯ ವರದಿಗಾರರಾಗಿ ಕೆಲಸ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ದಿನ ಭವಿಷ್ಯ | ಜನವರಿ 10 | ನಿರುದ್ಯೋಗಿಗಳಿಗೆ ಹೊಸ ಅವಕಾಶಗಳು, ಆರ್ಥಿಕ ಪರಿಸ್ಥಿತಿ ಅನುಕೂಲಕರ

ಇನ್ನೂ‌ ಡಿ.ಕುಮಾರಸ್ವಾಮಿ ಈ ಹಿಂದೆ‌ ಸುವರ್ಣ ನ್ಯೂಸ್ ವರದಿಗಾರರಾಗಿ ಕಾರ್ಯನಿರ್ವಹಿಸಿದ್ದು, ಈಗ ಪ್ರಜಾ ಟಿವಿ ವರದಿಗಾರರಾಗಿ ಸೇವೆ ಮುಂದುವರೆಸಿದ್ದಾರೆ. ಇದರೊಟ್ಟಿಗೆ‌ ಸತತ ಎರಡು ಅವಧಿಗೆ ಕಾರ್ಯನಿರತ ಪತ್ರಕರ್ತರ ಸಂಘದ ಜಿಲ್ಲಾ ಘಟಕದ ಖಜಾಂಚಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಮಾಧ್ಯಮ ಅಕಾಡೆಮಿ ಗೌರವಕ್ಕೆ ಭಾಜನರಾಗಿರುವ ಇಬ್ಬರೂ ಪತ್ರಕರ್ತರಿಗೆ ಚಿತ್ರದುರ್ಗ ನ್ಯೂಸ್.ಕಾಂ ತಂಡ ಅಭಿನಂದಿಸುತ್ತದೆ.