ಇಳಿಜಾರಿನಲ್ಲಿ ಟ್ರ್ಯಾಕ್ಟರ್ ನಿಲ್ಲಿಸಿ ಕೆಳಗಿಳಿದ ಚಾಲಕನ ಮೇಲೆ ನುಗ್ಗಿದ ಟ್ರೈಲರ್

CHITRADURGA NEWS | 20 MARCH 2024

ಚಳ್ಳಕೆರೆ: ತಾಲೂಕಿನ ರಾಮಜೋಗಿಹಳ್ಳಿಯಲ್ಲಿ ಮಣ್ಣು ಸಾಗಿಸುವಾಗ ಅವಘಡ ನಡೆದಿದ್ದು, ಟ್ರ್ಯಾಕ್ಟರ್‍ನ ಟ್ರೈಲರ್ ಕೆಳಗೆ ಸಿಲುಕಿ ಚಾಲಕ ಮೃತಪಟ್ಟಿದ್ದಾನೆ.

ರಾಮಜೋಗಿಹಳ್ಳಿ ಮೂಲದ ಹಾಲಿ ದೇವರೆಡ್ಡಿಹಳ್ಳಿಯ 26 ವರ್ಷದ ನಾಗೇಶ್ ಮೃತ ಟ್ರ್ಯಾಕ್ಟರ್ ಚಾಲಕ.

ಇದನ್ನೂ ಓದಿ: ಕಾಂಗ್ರೆಸ್ ಮುಖಂಡ ಜಿ.ಎಸ್.ಮಂಜುನಾಥ್‍ಗೆ ಜೆಎಂಎಫ್‍ಸಿ ನ್ಯಾಯಾಲಯದಿಂದ ಜಾಮೀನು

ಬುಧವಾರ ರಾತ್ರಿ 12.15ರ ವೇಳೆಯಲ್ಲಿ ರಾಮಜೋಗಿಹಳ್ಳಿಯ ಚಂದ್ರಹಾಸ ಎನ್ನುವವರ ಜಮೀನಿನ ಬದುವಿನಲ್ಲಿದ್ದ ಮಣ್ಣನ್ನು ಲೋಡ್ ಮಾಡಿಕೊಂಡು ಅನ್‍ಲೋಡ್ ಮಾಡಲು ಜೆಸಿಬಿ ಬಳಿ ಇಳಿಜಾರಿನಲ್ಲಿ ನಿಲ್ಲಿಸಿದ್ದಾರೆ.

ಈ ವೇಳೆ ಟ್ರ್ಯಾಕ್ಟರ್‍ನಿಂದ ಇಳಿದು ಪಕ್ಕದಲ್ಲಿದ್ದ ಜೆಡಿಬಿ ಬಳಿಗೆ ಸಾಗುವಾಗ ಟ್ರೈಲರ್ ಏಕಾಏಕಿ ಮುಂದಕ್ಕೆ ಬಂದಿದೆ. ಈ ವೇಳೆ ನಾಗೇಶ ಕೆಳಗೆ ಬಿದ್ದಿದ್ದು, ತಕ್ಷಣ ರಕ್ಷಿಸಿ ಬಸವೇಶ್ವರ ಆಸ್ಪತ್ರೆಗೆ ಕರೆತರಲಾಗಿದೆ. ಆದರೆ, ಚಿಕಿತ್ಸೆ ಫಲಿಸದೇ ಮೃತಪಟ್ಟಿರುವುದಾಗಿ ವೈದ್ಯರು ತಿಳಿಸಿದ್ದಾರೆ.

ಇದನ್ನೂ ಓದಿ: ಸಬ್ ಇನ್‍ಸ್‍ಪೆಕ್ಟರ್ ಹುದ್ದೆಗೆ ಅರ್ಜಿ

ಘಟನೆ ಸಂಬಂಧ ಚಳ್ಳಕೆರೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.