66 ಶಿವಶರಣ-ಶರಣೆಯರ ವಚನ ಕಂಠಪಾಠ ಸ್ಪರ್ಧೆ

CHITRADURGA NEWS | 05 NOVEMBER 2025

ಚಿತ್ರದುರ್ಗ: ನಗರದ ಮುರುಘರಾಜೇಂದ್ರ ಬೃಹನ್ಮಠದ ವತಿಯಿಂದ ಕಾರ್ತಿಕ ಮಾಸದ ಅಂಗವಾಗಿ 33 ದಿನಗಳ ಕಾಲ ಮುಂಚೂಣಿಯಲ್ಲಿಲ್ಲದ, ಅಲಕ್ಷಿತ, 66 ಶರಣ, ಶರಣೆಯರ ವ್ಯಕ್ತಿತ್ವ ಕುರಿತಂತೆ ವಿಷಯ ಚಿಂತನೆ, ವಚನಪಠಣ ಹಾಗೂ ಗಾಯನವನ್ನು ಆಯೋಜಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ನ.23ರ ಸಮಾರೋಪದ ಸವಿನೆನಪಿಗಾಗಿ ಎರಡು ವಿಭಾಗಗಳಲ್ಲಿ ವಚನ ಕಂಠಪಾಠ ಸ್ಪರ್ಧೆ ಆಯೋಜಿಸಲಾಗಿದೆ.

ಇದನ್ನೂ ಓದಿ: ಕುರಿ ಕಳ್ಳನ ಬಂಧನ | 9.92 ಲಕ್ಷ ಬೆಲೆ ಬಾಳುವ ಕುರಿಗಳು ವಶ

ಭಾಗ ಒಂದರಲ್ಲಿ 66 ಶರಣ, ಶರಣೆಯರ ಹೆಸರು, ಕಾಲ, ವಚನದ ಅಂಕಿತ ಹಾಗೂ ವಚನಗಳಸಂಖ್ಯೆ ಮತ್ತು ಪ್ರತಿ ವಚನಕಾರರ ಒಂದೊಂದು ವಚನದ ಕಂಠಪಾಠ ಸ್ಪರ್ಧೆ ಏರ್ಪಡಿಸಲಾಗಿದೆ.

ಭಾಗ-2ರಲ್ಲಿ 66 ವಚನಕಾರರ ಹೆಸರು ಹಾಗೂ 500 ವಚನಗಳ ಕಂಠಪಾಠ ಸ್ಪರ್ಧೆಯನ್ನು ನ.23 ಭಾನುವಾರ ಬೆಳಗ್ಗೆ 9 ಗಂಟೆಗೆ ಮುರುಘಾ ಮಠದಲ್ಲಿದ ಅಲ್ಲಮಪ್ರಭು ಸಂಶೋಧನಾ ಕೇಂದ್ರ ಹಾಗೂ ಬಸವೇಶ್ವರ ಸಭಾಂಗಣದಲ್ಲಿ ಸ್ಪರ್ಧೆ ಏರ್ಪಡಿಸಲಾಗಿದೆ.

ಒಂದನೇ ವಿಭಾಗದ ಸ್ಪರ್ಧೆಗಳಿಗೆ ಪ್ರಥಮ ಬಹುಮಾನ 2 ಸಾವಿರ, ದ್ವಿತೀಯ 1,500, ತೃತೀಯ 1 ಸಾವಿರ ಹಾಗೂ ಸಮಾಧಾನಕರ ರೂ.500. ಭಾಗ 2ರಲ್ಲಿ ಪ್ರಥಮ. 10 ಸಾವಿರ, ದ್ವಿತೀಯ ರೂ.7,500, ತೃತೀಯ ರೂ.5 ಸಾವಿರ ಹಾಗೂ ಸಮಾಧಾನಕರ ರೂ.2,500 ನಿಗಧಿ ಪಡಿಸಲಾಗಿದೆ.

ಇದನ್ನೂ ಓದಿ: ಅಂಗನವಾಡಿ ಕಾರ್ಯಕರ್ತೆ, ಸಹಾಯಕಿಯರ ಹುದ್ದೆ | ಅಪೂರ್ಣ ಅರ್ಜಿ ಭರ್ತಿಗೆ ಅವಕಾಶ

ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ನಗದು ಬಹುಮಾನ ಮತ್ತು ಭಾಗವಹಿಸಿದವರೆಲ್ಲರಿಗೂ ಪ್ರಶಸ್ತಿ ಪತ್ರ ನೀಡಲಾಗುವುದು. 

ಸ್ಪರ್ಧೆಯಲ್ಲಿ ಭಾಗವಹಿಸುವವರು ತಮ್ಮ ಹೆಸರು ನೋಂದಾಯಿಸಿಕೊಳ್ಳಲು ನ.20 ಕೊನೆಯ ದಿನವಾಗಿದೆ. ಈ ಕೆಳಕಂಡ ಮೊಬೈಲ್ ಸಂಖ್ಯೆಗಳಿಗೆ ಸಂಪರ್ಕಿಸಲು ಕೋರಲಾಗಿದೆ. 9448295901, 9945950303, 9902929701, 9449974004, 9740037176, 9448664932.