ಮಗುವಿನ ಮೂಗು ಮತ್ತು ಕಿವಿಗೆ ಸಾಸಿವೆ ಎಣ್ಣೆ ಹಾಕುವುದು ಸುರಕ್ಷಿತವೇ? 

CHITRADURGA NEWS | 14 NOVEMBER 2025

ಬಹಳ ಹಿಂದಿನ ಕಾಲದಲ್ಲಿ ಜನರು ತಮ್ಮ ಚಿಕ್ಕ ಮಕ್ಕಳ ಮೂಗು ಮತ್ತು ಕಿವಿಗಳಲ್ಲಿ ಸಾಸಿವೆ ಎಣ್ಣೆಯನ್ನು ಹಾಕುತ್ತಿದ್ದರು. ಸಾಸಿವೆ ಎಣ್ಣೆ ಶೀತವನ್ನು ತಡೆಯುತ್ತದೆ ಮತ್ತು ಕಿವಿಗಳನ್ನು ಸ್ವಚ್ಛಗೊಳಿಸುತ್ತದೆ ಎಂದು ಜನರು ನಂಬುತ್ತಾರೆ. ಹಾಗಾಗಿ ಪ್ರತಿದಿನ ಮಕ್ಕಳ ಕಿವಿ ಮತ್ತು ಮೂಗಿಗೆ ಕೆಲವು ಹನಿ ಸಾಸಿವೆ ಎಣ್ಣೆಯನ್ನು ಹಾಕುತ್ತಾರೆ ಮತ್ತು ಮತ್ತು ಜನರು ಅದನ್ನು ಮಕ್ಕಳಿಗೆ ಸುರಕ್ಷಿತವೆಂದು ಪರಿಗಣಿಸುತ್ತಾರೆ. ಆದರೆ, ಮಕ್ಕಳ ಮೂಗು ಮತ್ತು ಕಿವಿ ಎರಡೂ ಸೂಕ್ಷ್ಮವಾಗಿರುತ್ತವೆ. ಆದ್ದರಿಂದ ಸಾಸಿವೆ ಎಣ್ಣೆಯನ್ನು ಕಿವಿ ಮತ್ತು ಮೂಗಿಗೆ ಹಾಕುವುದು ಎಷ್ಟು ಸೂಕ್ತ? ಎಂಬುದನ್ನು ತಿಳಿದುಕೊಳ್ಳಿ.

ಮೂಗಿಗೆ ಸಾಸಿವೆ ಎಣ್ಣೆ ಹಾಕುವುದರಿಂದ ಶೀತ ಮತ್ತು ಕೆಮ್ಮು ಕಡಿಮೆಯಾಗುತ್ತದೆಯೇ?

ತಜ್ಞರು ತಿಳಿಸಿದ ಪರಕಾರ, ಚಿಕ್ಕ ಮಕ್ಕಳ ಮೂಗುಗಳು ತುಂಬಾ ಸೂಕ್ಷ್ಮವಾಗಿರುತ್ತವೆ. ಮೂಗಿನಲ್ಲಿ ಸಾಸಿವೆ ಎಣ್ಣೆ ಹಾಕುವುದರಿಂದ ಮೂಗಿನ ಒಳಪದರದಲ್ಲಿ ಕಿರಿಕಿರಿ, ಊತ ಅಥವಾ ಸೋಂಕು ಉಂಟಾಗಬಹುದು. 

ಅನೇಕ ಸಂದರ್ಭಗಳಲ್ಲಿ, ಈ ಎಣ್ಣೆ ಉಸಿರಾಟದ ಪ್ರದೇಶವನ್ನು ಪ್ರವೇಶಿಸಬಹುದು. ಇದು ನ್ಯುಮೋನಿಯಾದ ಅಪಾಯವನ್ನು ಹೆಚ್ಚಿಸುತ್ತದೆ. ಈ ಎಣ್ಣೆಯು ಮೂಗಿನ ಮೂಲಕ ಶ್ವಾಸಕೋಶವನ್ನು ಸಹ ತಲುಪಬಹುದು. ಇದರಿಂದಾಗಿ ರಾಸಾಯನಿಕ ನ್ಯುಮೋನಿಟಿಸ್ ಉಂಟಾಗುತ್ತದೆ. ಆದ್ದರಿಂದ, ಮಕ್ಕಳ ಮೂಗಿನಲ್ಲಿ ಸಾಸಿವೆ ಎಣ್ಣೆಯನ್ನು ಹಾಕುವುದು ಒಳ್ಳೆಯದಲ್ಲ.

ಸಾಸಿವೆ ಎಣ್ಣೆ ಕಿವಿ ಶುಚಿಗೊಳಿಸಲು ಪ್ರಯೋಜನಕಾರಿಯೇ?

ಸಾಸಿವೆ ಎಣ್ಣೆಯನ್ನು ಕಿವಿಗೆ ಹಾಕುವುದರಿಂದ ಕಿವಿಯ ಮೇಣ ಕರಗಿ ಶುದ್ಧವಾಗುತ್ತದೆ ಎಂಬ ತಪ್ಪು ಕಲ್ಪನೆ ಜನರಲ್ಲಿ ಹೆಚ್ಚಾಗಿ ಇರುತ್ತದೆ. ಆದರೆ ಇದು ಹಾಗಲ್ಲ. ಸಾಸಿವೆ ಎಣ್ಣೆಯನ್ನು ಕಿವಿಗೆ ಹಾಕುವುದರಿಂದ ಕಿವಿಯ ಮೇಣ ಕರಗುವ ಬದಲು ಒಳಗೆ ಮತ್ತಷ್ಟು ಗಟ್ಟಿಯಾಗುತ್ತದೆ. ಸೋಂಕಿನ ಅಪಾಯ ಹೆಚ್ಚಾಗುತ್ತದೆ. ಕಿವಿಯ ಒಳಗಿನ ಚರ್ಮವು ತುಂಬಾ ಸೂಕ್ಷ್ಮವಾಗಿರುತ್ತದೆ ಮತ್ತು ಸಾಸಿವೆ ಎಣ್ಣೆಯಲ್ಲಿರುವ ಪದಾರ್ಥಗಳು ಕಿರಿಕಿರಿ ಅಥವಾ ಅಲರ್ಜಿಯ ಪ್ರತಿಕ್ರಿಯೆಗಳನ್ನು ಉಂಟುಮಾಡಬಹುದು. 

ಪೋಷಕರು ಏನು ಮಾಡಬೇಕು?

ಮಕ್ಕಳ ರೋಗನಿರೋಧಕ ವ್ಯವಸ್ಥೆಗಳು ಮತ್ತು ದೇಹದ ಭಾಗಗಳು ಸಂಪೂರ್ಣವಾಗಿ ಅಭಿವೃದ್ಧಿ ಹೊಂದಿಲ್ಲ. ಆದ್ದರಿಂದ ಯಾವುದೇ ರೀತಿಯ ಎಣ್ಣೆ ಹಾನಿಕಾರಕವಾಗಬಹುದು. ಯಾವುದೇ ಮನೆಮದ್ದುಗಳನ್ನು ಪ್ರಯತ್ನಿಸುವ ಮೊದಲು ಯಾವಾಗಲೂ ವೈದ್ಯರನ್ನು ಸಂಪರ್ಕಿಸಿ. 

ಹೆಚ್ಚುವರಿಯಾಗಿ, ಪೋಷಕರು ತಮ್ಮ ಮಕ್ಕಳ ಮೂಗು ಮತ್ತು ಕಿವಿಗಳನ್ನು ಆರೋಗ್ಯವಾಗಿಡಲು ಈ ವಿಧಾನಗಳನ್ನು ಅಳವಡಿಸಿಕೊಳ್ಳಬಹುದು.

ಮಕ್ಕಳಲ್ಲಿ ಕಟ್ಟಿದ ಮೂಗು ತೆರವುಗೊಳಿಸುವುದಕ್ಕಾಗಿ ನೀವು ಸಲೈನ್ ಮೂಗಿನ ಸ್ಪ್ರೇ ಬಳಸಬಹುದು.

ಮಕ್ಕಳಿಗೆ ಸ್ಟೀಮ್ ಕೊಡುವ ಮೂಲಕ ಮೂಗಿನ ತುರಿಕೆ ಕಡಿಮೆ ಮಾಡಬಹುದು.

ಮಕ್ಕಳ ಕಿವಿಯೊಳಗೆ ಎಣ್ಣೆ ಅಥವಾ ಹತ್ತಿ ಬಡ್ಸ್‍ಗಳಂತಹ ಯಾವುದೇ ವಸ್ತುವನ್ನು ಇಡಬೇಡಿ. ಕಿವಿಯಲ್ಲಿ ಮೇಣದ ಶೇಖರಣೆ ಇದ್ದರೆ, ವೈದ್ಯರನ್ನು ಸಂಪರ್ಕಿಸಿದ ನಂತರವೇ ಇಯರ್ ಡ್ರಾಪ್‍ಗಳನ್ನು ಬಳಸಿ. ಮಕ್ಕಳ ಕಿವಿಗಳನ್ನು ಒಣಗಿಸಿ ಸ್ವಚ್ಛವಾಗಿಡಿ. ಮಕ್ಕಳನ್ನು ಶೀತ ಮತ್ತು ಕೆಮ್ಮಿನಿಂದ ರಕ್ಷಿಸಲು, ಅವರಿಗೆ ಬೆಚ್ಚಗಿನ ಬಟ್ಟೆಗಳನ್ನು ತೊಡಿಸಿ.

ಮಕ್ಕಳಿಗೆ ನೀರಿನಂಶ ಕಡಿಮೆ ಮಾಡಿ, ಪೌಷ್ಟಿಕ ಆಹಾರ ನೀಡಿ. ಮಕ್ಕಳನ್ನು ಜನಸಂದಣಿಯಿಂದ ಅಥವಾ ತಂಪಾದ ಗಾಳಿಯಿಂದ ರಕ್ಷಿಸಿ.