ಹೃದ್ರೋಗಿಗಳು ಮಾವಿನ ಹಣ್ನನ್ನು ತಿನ್ನುವುದು ಎಷ್ಟು ಒಳ್ಳೆಯದು?

CHITRADURGA NEWS | 04 June 2025

ಈ ಸಮಯದಲ್ಲಿ ಮಾರುಕಟ್ಟೆಯಲ್ಲಿ ಮಾವಿನ ಹಣ್ನು ಹೆಚ್ಚಾಗಿ ಸಿಗುತ್ತದೆ. ಮಾವಿನ ಹಣ್ಣಿನ ಪರಿಮಳ ನೋಡಿದರೆ ಎಲ್ಲರಿಗೂ ಅದನ್ನು ತಿನ್ನಬೇಕು ಎಂಬ ಆಸೆಯಾಗುವುದು ಸಹಜ. ಆದರೆ ಈ ರುಚಿಕರವಾದ ಹಣ್ಣು ಹೃದ್ರೋಗಿಗಳು ತಿನ್ನಬಹುದೇ?

ಅದು ಅವರಿಗೆ ಸುರಕ್ಷಿತವಾಗಿದೆಯೇ ಎಂಬ ಪ್ರಶ್ನೆ ಮೂಡುತ್ತದೆ. ಯಾಕೆಂದರೆ ಹೃದ್ರೋಗಿಗಳು ಸಕ್ಕರೆ, ಕೊಬ್ಬು ಮತ್ತು ಕೊಲೆಸ್ಟ್ರಾಲ್‌ಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು. ಅಂತಹ ಪರಿಸ್ಥಿತಿಯಲ್ಲಿ, ನೈಸರ್ಗಿಕವಾಗಿ ಸಿಹಿಯಾಗಿರುವ ಮಾವಿನಹಣ್ಣು, ಹೃದ್ರೋಗಿಗಳು ತಿನ್ನಬಹುದೇ ಅಥವಾ ಬೇಡವೇ? ಎಂಬ ಬಗ್ಗೆ ತಿಳಿದುಕೊಳ್ಳಿ.

ಹೃದ್ರೋಗಿಗಳು ಮಾವಿನ ಹಣ್ಣು ತಿನ್ನಬಹುದೇ? 

ಹೃದಯ ರೋಗಿಗಳು ಮಾವಿನಹಣ್ಣನ್ನು ಸೇವಿಸಬಹುದು ಎಂದು ತಜ್ಞರು ಹೇಳುತ್ತಾರೆ. ಮಾವು ರುಚಿಕರ ಮಾತ್ರವಲ್ಲ, ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿಯಾದ ಅನೇಕ ಪೋಷಕಾಂಶಗಳನ್ನು ಸಹ ಒಳಗೊಂಡಿದೆ. ಇದರಲ್ಲಿ ವಿಟಮಿನ್ ಎ, ಸಿ, ಪೊಟ್ಯಾಸಿಯಮ್ ಮತ್ತು ಫೈಬರ್ ಹೇರಳವಾಗಿವೆ . ಮಾವಿನ ಹಣ್ಣಿನಲ್ಲಿರುವ ಪ್ರಬಲವಾದ ಆ್ಯಂಟಿಆಕ್ಸಿಡೆಂಟ್‍ ಮ್ಯಾಂಗಿಫೆರಿನ್ ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ.

ಈ ಅಂಶಗಳು ದೇಹದಲ್ಲಿನ ಉರಿಯೂತವನ್ನು ಕಡಿಮೆ ಮಾಡಲು, ರಕ್ತದೊತ್ತಡವನ್ನು ಸಮತೋಲನಗೊಳಿಸಲು ಮತ್ತು ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ವಿಶೇಷವಾಗಿ ಪೊಟ್ಯಾಸಿಯಮ್ ಅಧಿಕ ರಕ್ತದೊತ್ತಡವನ್ನು ನಿಯಂತ್ರಿಸುವಲ್ಲಿ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ.

ಹೃದ್ರೋಗಿಗಳು ಮಾವಿನ ಹಣ್ಣುಗಳನ್ನು ಹೇಗೆ ತಿನ್ನಬೇಕು?

ದಿನಕ್ಕೆ ಅರ್ಧ ಅಥವಾ ಒಂದು ಸಣ್ಣ ಮಾವಿನಹಣ್ಣನ್ನು ತಿಂದರೆ ಸಾಕು. ಮಾವಿನಲ್ಲಿ ಕಬ್ಬಿಣಾಂಶವಿದ್ದು, ಇದರ ಅತಿಯಾದ ಸೇವನೆಯು ಹೊಟ್ಟೆ ನೋವು ಮತ್ತು ಇತರ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಮಾವಿನಹಣ್ಣನ್ನು ಖಾಲಿ ಹೊಟ್ಟೆಯಲ್ಲಿ ಸೇವಿಸಬಾರದು. ಇತರ ಫೈಬರ್ ಭರಿತ ಆಹಾರಗಳೊಂದಿಗೆ ಮಾವಿನಹಣ್ಣನ್ನು ತಿನ್ನುವುದರಿಂದ ಸಕ್ಕರೆಯ ಏರಿಕೆ ಕಡಿಮೆಯಾಗುತ್ತದೆ.

ತಾಜಾ ಮಾವಿನಹಣ್ಣುಗಳನ್ನು ಆರಿಸಿಕೊಳ್ಳಬೇಕು. ರಾಸಾಯನಿಕವಾಗಿ ಹಣ್ಣಾದ ಮಾವಿನಹಣ್ಣು ಅಥವಾ ಶೀತಲವಾಗಿ ಸಂಗ್ರಹಿಸಿದ ಮಾವಿನಹಣ್ಣುಗಳನ್ನು ತಿನ್ನುವುದನ್ನು ತಪ್ಪಿಸಿ.

ಮಾವಿನ ಶೇಕ್ ಅಥವಾ ಮಾವಿನ ಐಸ್ ಕ್ರೀಮ್ ಸೇವಿಸಬೇಡಿ. ಇವುಗಳಲ್ಲಿ ಹೆಚ್ಚುವರಿ ಸಕ್ಕರೆ ಮತ್ತು ಕೊಬ್ಬು ಇರುತ್ತದೆ.

ಶುಗರ್, ಕೊಲೆಸ್ಟ್ರಾಲ್ ಮತ್ತು ತೂಕ ನಿಯಂತ್ರಣದಲ್ಲಿದ್ದರೆ, ಸೀಮಿತ ಪ್ರಮಾಣದಲ್ಲಿ ಮಾವು ತಿನ್ನುವುದರಿಂದ ಯಾವುದೇ ಹಾನಿಯಾಗುವುದಿಲ್ಲ, ಬದಲಿಗೆ ಮಾವಿನ ಕೆಲವು ಪೋಷಕಾಂಶಗಳು ಹೃದಯಕ್ಕೂ ಪ್ರಯೋಜನವನ್ನು ನೀಡುತ್ತವೆ.