ಹಿಂದೂ ಮಹಾಗಣಪನಿಗೆ ವರುಣದೇವನ ಸ್ವಾಗತ

ಚಿತ್ರದುರ್ಗ ನ್ಯೂಸ್.ಕಾಂ: ವಿಶ್ವಹಿಂದೂ ಪರಿಷತ್, ಬಜರಂಗದಳದಿಂದ ನಗರದ ಬಿ.ಡಿ.ರಸ್ತೆಯ ಜೈನ ಧಾಮದಲ್ಲಿ ಪ್ರತಿಷ್ಠಾಪನೆ ಮಾಡುವ ಹಿಂದೂ ಮಹಾಗಣಪತಿ ಮೂರ್ತಿ ಮಧ್ಯಾಹ್ನ 3.30ಕ್ಕೆ ಪುರಪ್ರವೇಶ ಮಾಡಿತು.

ಗಣಪ ಚಿತ್ರದುರ್ಗ ನಗರ ಪ್ರವೇಶ ಮಾಡುವ ವೇಳೆಯಲ್ಲೇ ಮಳೆಯ ಸಿಂಚನವೂ ಆಯಿತು. ಜೈನಧಾಮದ ಪೆಂಡಾಲ್ ಬಳಿ ತೆರಳಿದ ನಂತರ ತುಸು ಜೋರಾಗಿಯೇ ಮಳೆ ಸುರಿಯಿತು. ಉತ್ಸವ ಸಮಿತಿ ಕಾರ್ಯಕರ್ತರು ಈ ವೇಳೆ ಸಂಭ್ರಮಿಸಿದರು.

ಹೆದ್ದಾರಿ ಮೂಲಕ ನೇರವಾಗಿ ಮಾದಾರ ಚನ್ನಯ್ಯ ಗುರುಪೀಠಕ್ಕೆ ಆಗಮಿಸಿದ ಭವ್ಯವಾದ ಗಣಪತಿ ಮೂರ್ತಿಯನ್ನು ಭಕ್ತರು ಸಂಭ್ರಮದಿಂದ ಸ್ವಾಗತಿಸಿದರು. ಬಸವಮೂರ್ತಿ ಮಾದಾರ ಚನ್ನಯ್ಯ ಸ್ವಾಮೀಜಿ ಹಾಗೂ ಉತ್ಸವ ಸಮಿತಿ ಪದಾಧಿಕಾರಿಗಳು ಪುಷ್ಪಾರ್ಚನೆ ಹಾಗೂ ಪೂಜೆ ಸಲ್ಲಿಸಿದರು.

ಇದನ್ನೂ ಓದಿ: ಹಿಂದೂ ಮಹಾಗಣಪತಿ ಉತ್ಸವ ಸಮಿತಿ ಅಧ್ಯಕ್ಷ ಜಿ.ಎಂ.ಸುರೇಶ್ ವಿಶೇಷ ಸಂದರ್ಶನ | ಗಣೇಶೋತ್ಸವದ ಸಿದ್ಧತೆಗಳನ್ನು ತಿಳಿಯಲು ಈ ಸಂದರ್ಶನ ಓದಿ

ಇಲ್ಲಿಂದ ಜೈನಧಾಮಕ್ಕೆ ತೆರೆದ ವಾಹನದಲ್ಲಿ ನೂರಾರು ಬೈಕುಗಳಲ್ಲಿ ಜಯಘೋಷದೊಂದಿಗೆ ಗಣೇಶನನ್ನು ಕರೆದೊಯ್ಯಲಾಯಿತು.

ಹಿಂದೂ ಮಹಾಗಣಪತಿ ಸಮಿತಿ ಅಧ್ಯಕ್ಷ ಜಿ.ಎಂ.ಸುರೇಶ್, ಮಾರ್ಗದರ್ಶಕರು, ನಗರಾಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಟಿ.ಬದರೀನಾಥ್, ಬಜರಂಗದಳ ಪ್ರಾಂತ ಸಹ ಸಂಯೋಜಕ ಪ್ರಭಂಜನ್, ವಿಶ್ವ ಹಿಂದೂ ಪರಿಷತ್ ಜಿಲ್ಲಾ ಕಾರ್ಯದರ್ಶಿ ಪಿ.ರುದ್ರೇಶ್, ಜಿಲ್ಲಾ ಸಹ ಕಾರ್ಯದರ್ಶಿ ಕೇಶವ್, ನಗರ ಅಧ್ಯಕ್ಷ ಶ್ರೀನಿವಾಸ್, ನಗರ ಸಹ ಕಾರ್ಯದರ್ಶಿ ರಂಗಸ್ವಾಮಿ, ಗ್ರಾಮಾಂತರ ಕಾರ್ಯದರ್ಶಿ ಶ್ರೀನಿವಾಸ್ ಡೈರಿ, ನಗರ ಸಂಯೋಜಕ ರಂಗಸ್ವಾಮಿ, ಅಶೋಕ್, ನವೀನ್ ಚಾಲುಕ್ಯ, ಶಶಿಧರ್, ಪ್ರಶಾಂತ್, ವಿಫುಲ್‍ಜೈನ್ ಮತ್ತಿತರರಿದ್ದರು.