ನ್ಯೂಮೋನಿಯ ಶ್ವಾಸಕೋಶ ಸೋಂಕು ಕುರಿತು ಜಾಗೃತಿ

CHITRADURGA NEWS | 13 NOVEMBER 2025

ಚಿತ್ರದುರ್ಗ: ಚಿತ್ರದುರ್ಗ ತಾಲ್ಲೂಕಿನ ಕ್ಯಾಸಾಪುರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಬುಧವಾರ ನ್ಯೂಮೋನಿಯಾ ಶ್ವಾಸಕೋಶದ ಸೋಂಕು ಕುರಿತು ಜಾಗೃತಿ ಕಾರ್ಯಕ್ರಮ ನಡೆಯಿತು.

ಇದನ್ನೂ ಓದಿ: ಸಾರ್ವತ್ರಿಕ ರಜೆ ದಿನಗಳಲ್ಲಿ ಅಧಿಕಾರಿಗಳು ಕೇಂದ್ರ ಸ್ಥಾನದಲ್ಲಿರಬೇಕು | ಡಿಸಿ ಸೂಚನೆ

ತಾಲ್ಲೂಕು ಆರೋಗ್ಯಾಧಿಕಾರಿ ಡಾ.ಬಿ.ವಿ.ಗಿರೀಶ್ ಅವರು, ಶ್ವಾಸಕೋಶದ ಮೇಲೆ ಪರಿಣಾಮ ಬೀರುವ ಸೋಂಕು ಬ್ಯಾಕ್ಟೀರಿಯಾ, ವೈರಸ್, ಶೀಲಿಂದ್ರಗಳಿಂದ ಖಾಯಿಲೆ ಬರುತ್ತದೆ. ಇದರ ಲಕ್ಷಣಗಳು ಕಫದೊಂದಿಗೆ ಕೆಮ್ಮು, ಉಸಿರಾಟ ತೊಂದರೆ, ಜ್ವರ, ಶೀತ, ಬೆವರು, ಆಯಾಸ, ಮಕ್ಕಳಲ್ಲಿ ವೇಗವಾಗಿ ಉಸಿರಾಟದ ತೊಂದರೆ ಆಗುತ್ತದೆ. 0-5 ವರ್ಷದ ಒಳಗಿರುವ ಮಕ್ಕಳಿಗೆ ಪಿ.ವಿ.ಸಿ ಲಸಿಕೆ ನ್ಯೂಮೋನಿಯಾ ವ್ಯಾಕ್ಸಿನ್ ಹಾಕಿಸಿ ಎಂದು ತಿಳಿಸಿದರು.

ಜಿಲ್ಲಾ ಆರೋಗ್ಯ ಶಿಕ್ಷಣಾಧಿಕಾರಿ ಟಿ.ಕೃಷ್ಣನಾಯಕ್ ಮಾತನಾಡಿ, ನ್ಯೂಮೋನಿಯ ಸೋಂಕಿನ ಬಗ್ಗೆ ಪಿ.ವಿ.ಸಿ ಲಸಿಕೆ ಪಡೆದುಕೊಳ್ಳುವುದು. ದ್ರವ ಪದಾರ್ಥ ಸೇವನೆ ಹಾಗೂ ಆಸ್ಪತ್ರೆಗೆ ಭೇಟಿ ನೀಡಿ ಚಿಕಿತ್ಸೆ ಪಡೆದುಕೊಳ್ಳಬೇಕು. ವೈಯಕ್ತಿಕ ಸ್ವಚ್ಛತೆ, ಸುತ್ತಮುತ್ತಲಿನ ಪರಿಸರ ಸ್ವಚ್ಛತೆ ಕಾಪಾಡಿಕೊಳ್ಳಬೇಕು. ಧೂಮಪಾನ ಮಾಡಬಾರದು ಎಂದು ತಿಳಿಸಿದರು.

ಇದನ್ನೂ ಓದಿ: ಟೇಕ್ವಾಂಡೋ ಸ್ಪರ್ಧೆಯಲ್ಲಿ ವಿದ್ಯಾ ವಿಕಾಸ ಶಾಲೆಗೆ ಬಂಗಾರದ ಪದಕ | ರಾಷ್ಟ್ರ ಮಟ್ಟಕ್ಕೆ ಆಯ್ಕೆ 

ಕಾರ್ಯಕ್ರಮದಲ್ಲಿ ತಾಲ್ಲೂಕು ಆರೋಗ್ಯ ಶಿಕ್ಷಣಾಧಿಕಾರಿ ಬಿ.ಮೂಗಪ್ಪ, ಹೆಚ್.ಐ.ಓ ಪ್ರವೀಣ, ನಾಗರಾಜ, ರೂಪಾ, ಕವಿತ ಇದ್ದರು.