ಹಂದಿಗಳ ಹಾವಳಿ ನಿಯಂತ್ರಿಸಿ | ಸ್ವಚ್ಚತೆ ಕಾಪಾಡಿ | ಎಂಜಿಆರ್

CHITRADURGA NEWS | 09 APRIL 2025

ಹಿರಿಯೂರು: ನಗರದ ಸಿ.ಎಂ.ಬಡಾವಣೆ ಸೇರಿದಂತೆ ಎಲ್ಲೆಡೆ ಹಂದಿಗಳ ಉಪಟಳ ಹೆಚ್ಚಿದ್ದು ಅನೈರ್ಮಲ್ಯ ಹಾಗೂ ಸುಗಮ ಸಂಚಾರಕ್ಕೆ ಅಡಚಣೆ ಆಗುತ್ತಿದೆ.

Also Read: ದ್ವಿತೀಯ ಪಿಯುಸಿ ರಿಸಲ್ಟ್‌ | ಇವರೇ ನೋಡಿ ಜಿಲ್ಲೆಯ ಟಾಪರ್ಸ್‌ | ಜಿಲ್ಲೆಗೆ ಶೇ.59.87 ಫಲಿತಾಂಶ

ಹಂದಿಗಳು ಮನೆಗಳ ಮುಂದೆ ನೆಲ ಕೆದರಿ ಹೊಲಸು ಮಾಡುವುದು, ಚರಂಡಿ ನೀರು ಸರಾಗವಾಗಿ ಹರಿಯದಂತೆ ಕಸಕಡ್ಡಿ ಹರಡುವುದರಿಂದ ನೈರ್ಮಲ್ಯ ಅಸ್ತವ್ಯಸ್ತ ಆಗುತ್ತದೆ.

ಹಂದಿಗಳು ಮನೆಗಳ ಪಕ್ಕದಲ್ಲೇ ಸಂತಾನಾಭಿವೃದ್ಧಿ ಮಾಡಿ ಜನರು ರಸ್ತೆಯಲ್ಲಿ ಅಡ್ಡಾಡದಂತೆ ಬೆದರಿಸುತ್ತವೆ.

ದ್ವಿಚಕ್ರ ವಾಹನಗಳಿಗೆ ಅಡ್ಡ ನುಗ್ಗುವುದರಿಂದ ಸವಾರರು ಕೈ ಕಾಲು ಮುರಿದುಕೊಂಡಿದ್ದಾರೆ. ಈ ಸಂಬಂಧ ಪದೇಪದೇ ನಗರಸಭೆ ಅಧಿಕಾರಿಗಳು, ಜನಪ್ರತಿನಿಧಿಗಳ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ. ಆದರೆ ಅಧಿಕಾರಿಗಳಿಂದ ಹಂದಿಗಳನ್ನು ಸ್ಥಳಾಂತರಿಸುವ ಭರವಸೆಗೇನೂ ಬರವಿಲ್ಲ.

Also Read: PU ರಿಸಲ್ಟ್ | ವಾಸವಿ ವಿದ್ಯಾ ಸಂಸ್ಥೆಗೆ ಉತ್ತಮ ಫಲಿತಾಂಶ

ಮಾನ್ಯ ಜಿಲ್ಲಾಧಿಕಾರಿಗಳು ಕೂಡಲೆ ಸಂಬಂಧಿಸಿದ ಅಧಿಕಾರಿಗಳಿಗೆ ಸೂಚನೆ ನೀಡಿ ಹಂದಿಗಳ ಹಾವಳಿ ತಪ್ಪಿಸಬೇಕು ಎಂದು ನಗರದ ನಿವಾಸಿ ಮತ್ತು ನಿವೃತ್ತ ಪ್ರಾಂಶುಪಾಲ ಪ್ರೊ.ಎಂ.ಜಿ. ರಂಗಸ್ವಾಮಿ ಒತ್ತಾಯಿಸಿದ್ದಾರೆ.