ಅನ್ನಭಾಗ್ಯ, ಗೃಹಲಕ್ಷ್ಮೀ ಹಣ ಬಂದಿಲ್ಲ ಸ್ವಾಮಿ | ಸಿದ್ದರಾಮಯ್ಯಗೆ ಮಹಿಳೆಯರ ಉತ್ತರ

ಚಿತ್ರದುರ್ಗ ನ್ಯೂಸ್.ಕಾಂ: ನಿಮಗೆಲ್ಲಾ 2 ಸಾವಿರ ದುಡ್ಡು ಬಂತಾ, ಅನ್ನಭಾಗ್ಯದ 170 ರೂಪಾಯಿ ಬಂತಾ ಎಂದು ಕೇಳಿದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಸಭೆಯಲ್ಲಿದ್ದ ಮಹಿಳೆಯರು ಬಂದಿಲ್ಲ ಸ್ವಾಮಿ ಎಂದರು.

ಮುಖ್ಯಮಂತ್ರಿ ಸಿದ್ದರಾಮಯ್ಯ ಇಂದು ಚಿತ್ರದುರ್ಗದ ಕವಾಡಿಗರಹಟ್ಟಿಗೆ ಭೇಟಿ ನೀಡಿದ್ದ ವೇಳೆ, ಸರ್ಕಾರ ಅನ್ನಭಾಗ್ಯ ಯೋಜನೆಯಡಿ 10 ಕೆ.ಜಿ ಅಕ್ಕಿ ಕೊಡುತ್ತಿದೆ. ನಿಮಗೆಲ್ಲಾ ಹಣ ಬಂತಾ ಎಂದು ಸಹಹವಾಗಿ ಕೇಳಿದರು.

ಈ ವೇಳೆ ಮಹಿಳೆಯರು ಬಂದಿಲ್ಲ ಸ್ವಾಮಿ ಎಂದರು. ಅಕ್ಕಪಕ್ಕದಲ್ಲಿದ್ದ ಕಾಂಗ್ರೆಸ್ ನಾಯಕರು, ಬಂದಿರಬಹುದು ನೋಡಿ ಎಂದಾಗ ಬಂದಿಲ್ಲ ಎಂದು ಕೈ ಎತ್ತಿ ಹೇಳಿದರು.

ಈ ವೇಳೆ ನೋಡಿ, ಏನಾಗಿದೆ ವಿಚಾರಿಸಿ ಎಂದು ಸಚಿವ ಸುಧಾಕರ್ ಹಾಗೂ‌ ಅಧಿಕಾರಿಗಳಿಗೆ ಸೂಚಿಸಿದರು.

ರಾಜ್ಯದಲ್ಲಿ 1.10 ಕೋಟಿ ಮಹಿಳೆಯರ ಖಾತೆಗೆ ಗೃಹಲಕ್ಷ್ಮೀ, ಅನ್ನಭಾಗ್ಯ ಹಣ ಬಂದಿದೆ. ಇನ್ನೂ 16 ಲಕ್ಷ ಮಹಿಳೆಯರ ಖಾತೆಗೆ ಹಣ ಬರಬೇಕಿದೆ. ಆಧಾರ್ ಕಾರ್ಡ್, ಬ್ಯಾಂಕ್ ಖಾತೆ ಸಮಸ್ಯೆಯಿಂದ ಬಂದಿಲ್ಲ. ಬರುತ್ತೆ ಎಂದು ಮುಖ್ಯಮಂತ್ರಿಗಳು ಭರವಸೆ ನೀಡಿದರು.