ಛಲವಾದಿ ಗುರುಪೀಠದ ಬಸವನಾಗಿದೇವ ಸ್ವಾಮೀಜಿಗೆ ಇನ್ನೋವ ಕಾರು ಗಿಫ್ಟ್ ನೀಡಿದ ಭಕ್ತ 

CHITRADURGA NEWS | 22 JULY 2026

ಚಿತ್ರದುರ್ಗ: ಛಲವಾದಿ ಗುರುಪೀಠದ ಬಸವನಾಗಿದೇವ ಸ್ವಾಮೀಜಿಗೆ ನಿವೃತ್ತ ಕಮಾಂಡೆಂಟ್, ಉದ್ಯಮಿ ಬೆಳಗಾವಿಯ ಅರವಿಂದ ಈಶ್ವರಘಟ್ಟಿ ಬುಧವಾರ ಇನ್ನೋವಾ ಕಾರ್ ಗಿಫ್ಟ್ ನೀಡಿದರು.

ಇದನ್ನೂ ಓದಿ: ದೆಹಲಿಯಲ್ಲಿ ವಿದ್ಯಾರ್ಥಿಗಳ ಮೇಲೆ ಲಾಠಿ ಚಾರ್ಜ್ ಖಂಡನೀಯ | ಶಾಸಕ ಟಿ.ರಘುಮೂರ್ತಿ 

ನಗರದ ಒನಕೆ ಓಬವ್ವ ಪ್ರತಿಮೆಗೆ ಮಾಲಾರ್ಪಣೆ ಸಲ್ಲಿಸಿದ ನಂತರ ಸ್ವಾಮೀಜಿಗೆ ಕಾರಿನ ಕೀ ನೀಡಿ ಮಾತನಾಡಿ, 2023 ಜು.25 ಜ್ಞಾನಜ್ಯೋತಿ ಬಂತೇಜಿಗೆ ಕಾರು ಕೊಟ್ಟಿದೆ. ಬಸವನಾಗಿದೇವಸ್ವಾಮಿಗೆ ನಾನು ಬಳಸುತ್ತಿದ್ದ ಕಾರನ್ನು ನೀಡುತ್ತಿದ್ದೇನೆ. ಎಲ್ಲಾ ಮಠಾಧೀಶರುಗಳಂತೆ ಛಲವಾದಿ ಸ್ವಾಮೀಜಿಯೂ ಕಾರಿನಲ್ಲಿ ಓಡಾಡಲಿ. 

ಬೇರೆ ಊರುಗಳಿಗೆ ಹೋಗುವಾಗ ಬಸ್‍ಗೆ ಕಾಯುವುದು ಬೇಡ ಎನ್ನುವುದು ನನ್ನ ಉದ್ದೇಶ. ನನ್ನ ಐಟಿ ಕಂಪನಿಯಲ್ಲಿ 132 ಮಂದಿ ಕೆಲಸ ಮಾಡುತ್ತಿದ್ದಾರೆ. 2026-27 ನೇ ಸಾಲಿನಲ್ಲಿ ಒಂದು ಸಾವಿರ ನಿರುದ್ಯೋಗಿಗಳಿಗೆ ಉದ್ಯೋಗ ಕೊಡುವ ಚಿಂತನೆಯಿದೆ ಎಂದು ಹೇಳಿದರು.

ಇದನ್ನೂ ಓದಿ: ಮಾರುಕಟ್ಟೆ ಧಾರಣೆ | ಜುಲೈ 22 | ಶೇಂಗಾ, ರಾಗಿ ರೇಟ್ ಎಷ್ಟಿದೆ?

ಈ ವೇಳೆ ಬಿ.ಎಸ್.ಪ್ರಸನ್ನಕುಮಾರ್, ನವೀನ್, ಯುವ ವಕೀಲ ಓ.ಪ್ರತಾಪ್‍ಜೋಗಿ, ಶಿವಪ್ರಸಾದ್, ರಮೇಶ್, ಗೋವಿಂದರಾಜು, ಪಿಲಾಲಿ ಪ್ರಕಾಶ್, ವಾಗೀಶ್ ಇದ್ದರು.