ಕಣ್ಣುಗಳ ಕೆಳಗೆ ನೆರಿಗೆಗಳು ಬರದಂತೆ ತಡೆಯಲು ರಾತ್ರಿ ಮಲಗುವ ಮುನ್ನ ಈ 5 ವಸ್ತುಗಳನ್ನು ಹಚ್ಚಿ

CHITRADURGA NEWS | 24 may 2025

ಅನಾರೋಗ್ಯಕರ ಜೀವನಶೈಲಿ, ಒತ್ತಡ ಮತ್ತು ಹೆಚ್ಚುತ್ತಿರುವ ಮಾಲಿನ್ಯವು ಚರ್ಮದ ಮೇಲೆ ಪರಿಣಾಮ ಬೀರುತ್ತದೆ. ಇವೆಲ್ಲವುಗಳಿಂದಾಗಿ, ಚರ್ಮದ ಮೇಲೆ ಕಲೆಗಳು ಮತ್ತು ದದ್ದುಗಳು ಉಂಟಾಗಬಹುದು. ಇದರೊಂದಿಗೆ, ಚರ್ಮದ ಮೇಲೆ ನೆರಿಗೆಗಳು ಮತ್ತು ಸೂಕ್ಷ್ಮ ಗೆರೆಗಳು ಕಾಣಿಸಿಕೊಳ್ಳಲು ಶುರುವಾಗುತ್ತವೆ.

ಕಣ್ಣುಗಳ ಕೆಳಗಿರುವ ಚರ್ಮವು ತುಂಬಾ ಸೂಕ್ಷ್ಮವಾಗಿರುತ್ತದೆ. ಅದಕ್ಕಾಗಿಯೇ ಚರ್ಮದಲ್ಲಿ ಏನಾದರೂ ಬದಲಾವಣೆಯಾದರೆ, ಈ ಭಾಗದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತದೆ. ಹಾಗಾಗಿ ಕಣ್ಣುಗಳ ಕೆಳಗೆ ನೆರಿಗೆಗಳು ಬರದಂತೆ ತಡೆಯಲು ರಾತ್ರಿ ಮಲಗುವ ಮುನ್ನ ಈ 5 ವಸ್ತುಗಳನ್ನು ಹಚ್ಚಿ.

ಜೇನುತುಪ್ಪ ಮತ್ತು ಬಾದಾಮಿ ಎಣ್ಣೆ

ನೈಸರ್ಗಿಕವಾಗಿ ಚರ್ಮವನ್ನು ಎಫ್ಫೋಲಿಯೇಟ್ ಮಾಡಲು, ಜೇನುತುಪ್ಪ ಮತ್ತು ಬಾದಾಮಿ ಎಣ್ಣೆಯನ್ನು ಬೆರೆಸಿ ಪ್ಯಾಕ್ ತಯಾರಿಸಬಹುದು. ಈ ಮಿಶ್ರಣವನ್ನು ನಿಮ್ಮ ಕಣ್ಣುಗಳ ಕೆಳಗೆ ಹಚ್ಚಿ. ನಂತರ, ಒದ್ದೆಯಾದ ಹತ್ತಿಯಿಂದ ಚರ್ಮವನ್ನು ಸ್ವಚ್ಛಗೊಳಿಸಿ. ಇದು ಚರ್ಮವನ್ನು ಪೋಷಿಸುವುದರ ಜೊತೆಗೆ, ಚರ್ಮವನ್ನು ಮೃದು ಮತ್ತು ಯೌವ್ವನದಿಂದ ಕೂಡಿರುವಂತೆ ಮಾಡುತ್ತದೆ.

ಅಲೋವೆರಾ ಜೆಲ್

ಚರ್ಮವನ್ನು ಪೋಷಿಸಲು ಮತ್ತು ಮೈಬಣ್ಣವನ್ನು ಸುಧಾರಿಸಲು, ಅಲೋವೆರಾ ಜೆಲ್‌ನಲ್ಲಿ ವಿಟಮಿನ್ ಇ ಕ್ಯಾಪ್ಸುಲ್ ಅನ್ನು ಬೆರೆಸಿ ಹಚ್ಚಿ. ಈ ಮಿಶ್ರಣವನ್ನು ಕಣ್ಣುಗಳ ಕೆಳಗೆ ಹಚ್ಚಿದರೆ ನೆರಿಗೆಗಳು ಕಡಿಮೆಯಾಗುತ್ತದೆ. ಉತ್ತಮ ಫಲಿತಾಂಶಕ್ಕಾಗಿ, ರಾತ್ರಿಯಲ್ಲಿ ಇದನ್ನು ಹಚ್ಚಿ.

ಗ್ರೀನ್‍ ಟೀ ಪ್ಯಾಕ್

ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್‍ಗಳಿದ್ದು, ಇದು ನೆರಿಗೆಗಳು ಮೂಡದಂತೆ ತಡೆಯುತ್ತದೆ. ಹಾಗಾಗಿ 2 ಟೀ ಚಮಚ ಹಸಿರು ಚಹಾವನ್ನು ನೀರಿನೊಂದಿಗೆ ಕುದಿಸಿ. ನಂತರ ಅದನ್ನು ಫಿಲ್ಟರ್ ಮಾಡಿ. ಗ್ರೀನ್ ಟೀ ನೀರಿನಲ್ಲಿ ಅಲೋವೆರಾ ಜೆಲ್ ಬೆರೆಸಿ ತಣ್ಣಗಾಗಲು ಫ್ರಿಜ್ ನಲ್ಲಿಡಿ. ಪ್ರತಿ ರಾತ್ರಿ ಮಲಗುವ ಮುನ್ನ ಈ ಕ್ರೀಮ್‌ನಿಂದ ಕಣ್ಣುಗಳ ಸುತ್ತಲಿನ ಚರ್ಮವನ್ನು ಮಸಾಜ್ ಮಾಡಿ.

ತೆಂಗಿನ ಎಣ್ಣೆ – ಅರಿಶಿನ

ತೆಂಗಿನೆಣ್ಣೆ ಮತ್ತು ಅರಿಶಿನ ಚರ್ಮದ ಆರೋಗ್ಯವನ್ನು ಕಾಪಾಡುತ್ತವೆ. ಇದರಿಂದ ನೆರಿಗೆಗಳು ಮೂಡುವುದು ಕಡಿಮೆಯಾಗುತ್ತದೆ. ಹಾಗಾಗಿ ಒಂದು ಚಮಚ ತೆಂಗಿನ ಎಣ್ಣೆಯಲ್ಲಿ ಒಂದು ಚಿಟಿಕೆ ಅರಿಶಿನ ಪುಡಿಯನ್ನು ಬೆರೆಸಿ ಚರ್ಮದ ಮೇಲೆ ಹಚ್ಚಿ. 45-50 ನಿಮಿಷಗಳ ನಂತರ ಚರ್ಮವನ್ನು ಸ್ವಚ್ಛಗೊಳಿಸಿ.