ಕೋಟೆನಾಡಿಗೆ ಕಾಲಿಟ್ಟ ಮುಂಗಾರು ಮಳೆ | ಹದವಾಗಿ ಸುರಿದ ರೋಹಿಣಿ

CHITRADURGA NEWS | 7 JUNE 2026

ಚಿತ್ರದುರ್ಗ: ಕೋಟೆನಾಡು ಚಿತ್ರದುರ್ಗ ಜಿಲ್ಲೆಗೆ ಮುಂಗಾರು ಮಳೆ ಭರ್ಜರಿಯಾಗಿ ಕಾಲಿಟ್ಟಿದೆ.

ಜಿಲ್ಲೆಯಲ್ಲಿ ಬಹುತೇಕ ಕಡೆಗಳಲ್ಲಿ ವಾರಾಂತ್ಯ ಭಾನುವಾರ ಸಂಜೆ ಹದವಾದ ಮಳೆಯಾಗಿದೆ.

ಇದನ್ನೂ ಓದಿ:ಜಿಲ್ಲಾಸ್ಪತ್ರೆ | ಜೂನ್ 09ರಂದು ಉಚಿತ ಗ್ಯಾಸ್ಟ್ರೋ ಶಿಬಿರ

ರೋಹಿಣಿ ಮಳೆ ಇಂದಿಗೆ ಕೊನೆಯಾಗಲಿದ್ದು, ನಾಳೆಯಿಂದ ಮೃಗಶಿರಾ ಮಳೆ ಪದಾರ್ಪಣೆ ಮಾಡಲಿದೆ.

ರೋಹಿಣಿ ಮಳೆ ಕೊನೆಯಾಗುವ ದಿನ ಭರ್ಜರಿಯಾಗಿ ಸುರಿದಿದ್ದು, ಜಿಲ್ಲೆಯ ರೈತರು ಖುಷಿಯಾಗಿದ್ದಾರೆ.

ಇದನ್ನೂ ಓದಿ:ಸಾವಯುವ ಕೃಷಿ ಪದ್ದತಿಯಿಂದ ಮುಂದಿನ ಪೀಳಿಗೆ ದಾರಿದೀಪ | ಸಹಾಯಕ ಕೃಷಿ ನಿರ್ದೇಶಕ ರಜನೀಕಾಂತ

ಕಳೆದೊಂದು ತಿಂಗಳಿಂದ ಆಗಾಗ ಮಳೆ ಬರುತ್ತಿದ್ದರೂ, ಇಂದು ಸುರಿದ ಮಳೆ ತುಸು ಹೆಚ್ಚು ಅನ್ನಿಸುವಷ್ಟೇ ಸುರಿದಿದೆ.

ಅಡಿಕೆ ತೋಟಗಳ ರೈತರು ಇನ್ನೂ ಹದಿನೈದು – ಇಪ್ಪತ್ತು ದಿನಗಳ ಕಾಲ ಚಿಂತೆ ಇಲ್ಲ. ಇನ್ನೇನಿದ್ದರೂ ಕೆರೆ ಕಟ್ಟೆ ತುಂಬುವಂತೆ ಮಳೆ ಬರಬೇಕು ಎಂದು ನಿಟ್ಟುಸಿರು ಬಿಟ್ಟಿದ್ದಾರೆ.

ಇದನ್ನೂ ಓದಿ:ರುಡ್‍ಸೆಟ್‍ | ಉಚಿತ ಸಮಗ್ರ ಕೃಷಿ ತರಬೇತಿ

ಈಗಾಗಲೇ ಬಿತ್ತನೆ ಕಾರ್ಯವೂ ಚುರುಕಾಗಿದ್ದು, ಮಳೆ ಬಂದಿದ್ದರಿಂದ ಹೊಲಗಳನ್ನು ಹದ ಮಾಡಿಕೊಳ್ಳಲು ಮತ್ತಷ್ಟು ಅನುಕೂಲ ಮಾಡಿಕೊಟ್ಟಿದೆ.