ಬಬ್ಬೂರಿನ ಮೂರು ಮನೆಗಳಲ್ಲಿ ಸರಣಿ ಕಳ್ಳತನ

ಚಿತ್ರದುರ್ಗ ನ್ಯೂಸ್.ಕಾಂ:

ಜಿಲ್ಲೆಯಲ್ಲಿ ಕಳ್ಳತನ ಪ್ರಕರಣಗಳು ಹೆಚ್ಚಾಗುತ್ತಿವೆ. ಹಿರಿಯೂರು ತಾಲೂಕಿನಲ್ಲಿ ಸೋಮವಾರ ತಡರಾತ್ರಿ ಮೂರು ಮನೆಗಳಲ್ಲಿ ಸರಣಿ ಕಳ್ಳತನ ನಡೆದಿದ್ದು, ಇದು ಜನರನ್ನು ಬೆಚ್ಚಿ ಬೀಳಿಸಿದೆ.

ಹಿರಿಯೂರು ತಾಲೂಕು ಬಬ್ಬೂರು ಗ್ರಾಮದ ಹನುಮಂತರಾಯ, ಅಭಿನಂದನ್ ಹಾಗೂ ಪುನೀತ್ ಎಂಬುವವರ ಮನೆಗಳಲ್ಲಿ ಕಳ್ಳತನ ನಡೆದಿದೆ.

ಇದನ್ನೂ ಓದಿ: 6 ಲಕ್ಷ ರೂ. ಮೌಲ್ಯದ ಬೆಳ್ಳುಳ್ಳಿ ಕಳ್ಳತನ

ಮನೆಯಲ್ಲಿದ್ದ ಗೋದ್ರೆಜ್ ಬೀರುಗಳ ಲಾಕರ್ ಮುರಿದು ಕಳುವು ಮಾಡಿದ್ದಾರೆ. ಅಭಿನಂದನ್ ಎಂಬುವವರ ಮನೆಯಲ್ಲಿ 2.80 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಹಾಗೂ 68 ಸಾವಿರ ರೂ. ನಗದು ಕಳುವಾಗಿದೆ.

ಹನುಮಂತರಾಯ ಎಂಬುವವರ ಮನೆಯಲ್ಲಿ 1.4 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ನಗದು, ಪುನೀತ್ ಮನೆಯಲಿ 37 ಸಾವಿರ ರೂ. ಮೌಲ್ಯದ ಆಭರಣ ಹಾಗೂ ಒಂದಷ್ಟು ನಗದು ಕಳ್ಳತನ ಮಾಡಲಾಗಿದೆ.

ಹಿರಿಯೂರು ಗ್ರಾಮಾಂತರ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಕಳ್ಳರ ಪತ್ತೆಗೆ ಬಲೆ ಬೀಸಿದ್ದಾರೆ.