ರೈಲ್ವೆ ನೌಕರನ ಪುತ್ರ ಸುಮಂತ್ ಗೆ JEE ಯಲ್ಲಿ 485 ರ್ಯಾಂಕ್ 

CHITRADURGA NEWS | 02 JULY 2026

ಚಿತ್ರದುರ್ಗ: ನೈರುತ್ಯ ರೈಲ್ವೆ ವಲಯದ ಮೈಸೂರು ವಿಭಾಗದ ಮೊಳಕಾಲ್ಮೂರು ಸೆಕ್ಷನ್‌ನ ಇಂಜಿನಿಯರಿಂಗ್ ವಿಭಾಗದಲ್ಲಿ ಸಾಮಾನ್ಯ ನೌಕರರಾಗಿ ಸೇವೆ ಸಲ್ಲಿಸುತ್ತಿರುವ ಎಸ್.ಬೊಮ್ಮಯ್ಯ ಅವರ ಪುತ್ರ ಬಿ.ಸುಮಂತ್ ಅಖಿಲ ಭಾರತೀಯ ಮಟ್ಟದ JEE (Joint Entrance Examination) ಪರೀಕ್ಷೆಯಲ್ಲಿ AIR 485 ರ್ಯಾಂಕ್ ಗಳಿಸುವ ಮೂಲಕ ಅಪೂರ್ವ ಸಾಧನೆ ಮಾಡಿದ್ದಾರೆ.

ಇದನ್ನೂ ಓದಿ: BLO ಗಳಿಗೆ ಮತದಾರರ ಛಾಯಾಚಿತ್ರ ಸ್ಪರ್ಧೆ | ಡಾ.ಎಸ್.ಆಕಾಶ್

ಚಳ್ಳಕೆರೆಯ ಎಸ್.ಆರ್.ಎಸ್. ಕಾಲೇಜಿನಲ್ಲಿ ದ್ವಿತೀಯ ಪಿಯುಸಿ ವಿಜ್ಞಾನ ವಿಭಾಗದಲ್ಲಿ ಉನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾಗಿರುವ ಸುಮಂತ್, ಸಾಮಾನ್ಯ ಬಡ ಕುಟುಂಬದ ಹಿನ್ನೆಲೆಯಿಂದ ಬಂದಿದ್ದರೂ ಕಠಿಣ ಪರಿಶ್ರಮ, ಆತ್ಮವಿಶ್ವಾಸ ಹಾಗೂ ನಿರಂತರ ಅಧ್ಯಯನದ ಮೂಲಕ ಈ ಅತ್ಯುನ್ನತ ಸಾಧನೆ ಮಾಡಿರುವುದು ವಿದ್ಯಾರ್ಥಿಗಳಿಗೆ ಮಾದರಿಯಾಗಿದೆ.

ಅವರ ಈ ವಿಶಿಷ್ಟ ಸಾಧನೆಯನ್ನು ಗುರುತಿಸಿ SWRES (South Western Railway Employees Sangha) ಚಿತ್ರದುರ್ಗ ಶಾಖೆಯ ವತಿಯಿಂದ ಆತ್ಮೀಯವಾಗಿ ಸನ್ಮಾನಿಸಿ ಅಭಿನಂದಿಸಲಾಯಿತು.

ಇದನ್ನೂ ಓದಿ: ಕೋಟೆನಾಡಲ್ಲಿ ಸದ್ಗುರು ಸಂಚಾರ | ಮಾದಾರ ಚನ್ನಯ್ಯ ಗುರುಪೀಠಕ್ಕೆ ಭೇಟಿ

ಈ ಸಂದರ್ಭದಲ್ಲಿ SWRES ಚಿತ್ರದುರ್ಗ ಶಾಖೆಯ ಕಾರ್ಯದರ್ಶಿ ಮಂಜುನಾಥ್, ಕಾರ್ಯದಕ್ಷ ಬಾಲರಾಜು ಜಿ.ಸಿ., ಹಾಗೂ ವಿಶ್ವನಾಥ್, ರಮೇಶ್ ಪೂಜಾರಿ, ರಮೇಶ್ ಗೌಡ, ನಿರಂಜನ್, ಜಾಕಿರ್ ಹುಸೇನ್,ಏಳುಕೋಟಿ, ಉಮೇಶ್, ಮಲ್ಲಿಕಾರ್ಜುನ, ಮನೀಶ್ ಕುಮಾರ್, ರೂಪೇಶ್ ಕುಮಾರ್,ರಾಘವೇಂದ್ರ, ಬೀರಪ್ಪ ಸೇರಿದಂತೆ ಅನೇಕರು ಉಪಸ್ಥಿತರಿದ್ದು, ಸುಮಂತ್ ಅವರ ಉಜ್ವಲ ಭವಿಷ್ಯಕ್ಕೆ ಶುಭ ಹಾರೈಸಿದರು.