BREAKING NEWS ಮದಕರಿ ನಾಯಕರ ಹೊಸ ಭಾವಚಿತ್ರ ಅನಾವರಣ | ನಟ ಕಿಚ್ಚ ಸುದೀಪ್ ಬೆಂಗಳೂರಿನಲ್ಲಿ ಲೋಕಾರ್ಪಣೆ

ಚಿತ್ರದುರ್ಗ ನ್ಯೂಸ್.ಕಾಂ: ದುರ್ಗದ ದೊರೆ ವೀರ ಮದಕರಿ ನಾಯಕರ ಹೊಸ ಭಾವಚಿತ್ರ ಅನಾವರಣವಾಗಿದೆ.

ಖ್ಯಾತ‌ ಚಿತ್ರನಟ  ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮದಕರಿ ನಾಯಕರ ತಾರುಣ್ಯದ ಭಾವಚಿತ್ರವನ್ನು ಲೋಕಾರ್ಪಣೆ ಮಾಡಿದ್ದಾರೆ.

ಅಕ್ಟೋಬರ್ 13 ರಂದು‌ ಚಿತ್ರದುರ್ಗ ನಾಯಕ ಸಮಾಜದಿಂದ ಮದಕರಿ ನಾಯಕ ಜಯಂತಿ ಹಮ್ಮಿಕೊಂಡಿದ್ದು, ಈ ಹಿನ್ನೆಲೆಯಲ್ಲಿ ಮದಕರಿ ನಾಯಕರು ಯುವಕರಾಗಿದ್ದಾಗ ಹೇಗಿದ್ದರು ಎನ್ನುವ ಮಾಹಿತಿ ಆಧಾರದಲ್ಲಿ ಯುವ ಮದಕರಿ ನಾಯಕರ ಭಾವಚಿತ್ರ‌ ಮೂಡಿ‌ ಬಂದಿದೆ.

ಚಿತ್ರದುರ್ಗದ ಖ್ಯಾತ ಕಲಾವಿದ ಕ್ರಿಯೇಟಿವ್ ವೀರೇಶ್ ಕಳೆದ 15 ದಿನಗಳಿಂದ ಪರಿಶ್ರಮ ಹಾಕಿ ಯುವ ಮದಕರಿಯನ್ನು‌ ಚಿತ್ರಿಸಿದ್ದಾರೆ.

ಇತಿಹಾಸಕಾರರು, ಸಾಹಿತಿಗಳು, ಕಲಾವಿದರು, ಸಂಶೋಧಕರು ಹಾಗೂ ಹಿರಿಯರ ಮಾಹಿತಿಗಳ ಆಧಾರದಲ್ಲಿ ಮದಕರಿ ನಾಯಕರ ಹೊಸ ಭಾವಚಿತ್ರ‌ ಮೂಡಿ ಬಂದಿದೆ.

ಬೆಂಗಳೂರಿನಲ್ಲಿ ಖ್ಯಾತ ಚಿತ್ರನಟ ಕಿಚ್ಚ‌ ಸುದೀಪ್ ಮದಕರಿ ನಾಯಕರ ಹೊಸ‌ ಭಾವಚಿತ್ರವನ್ನು ಅನಾವರಣಗೊಳಿಸಿದ್ದಾರೆ. ಈ ವೇಳೆ‌ ನಾಯಕ ಸಮಾಜದ ಜಿಲ್ಲಾಧ್ಯಕ್ಷ ಎಚ್.ಜೆ.ಕೃಷ್ಣಮೂರ್ತಿ, ನಗರಸಭೆ ಮಾಜಿ ಅಧ್ಯಕ್ಷ ಬಿ.ಕಾಂತರಾಜ್, ಅಂಜಿನಪ್ಪ, ಟಿ.ಎಂ.ವೀರೇಶ್ ಸೇರಿದಂತೆ ಚಿತ್ರದುರ್ಗದ ನಾಯಕ ಸಮಾಜದ ಮುಖಂಡರು ಭಾಗವಹಿಸಿದ್ದರು.