ಹಿಂದೂ ಮಹಾಗಣಪತಿ ವಿರಾಜಮಾನ | ಸಿಂಧೂರ ವೇದಿಕೆಯಲ್ಲಿ ಪ್ರತಿಷ್ಠಾಪನೆ

CHITRADURGA NEWS | 27 AUGUST 2025

ಚಿತ್ರದುರ್ಗ: ಐತಿಹಾಸಿಕ ಚಿತ್ರದುರ್ಗ ಜಿಲ್ಲೆಯ ಮೂಲಕ ರಾಷ್ಟ್ರ ಮಟ್ಟದಲ್ಲಿ ಹೆಸರು ಮಾಡಿರುವ ಹಿಂದೂ ಮಹಾಗಣಪತಿ ಪ್ರತಿಷ್ಠಾಪನೆ ವಿಜೃಂಭಣೆಯಿಂದ ಜರುಗಿದೆ.

ಚಿತ್ರದುರ್ಗ ನಗರದ ಬಿ.ಡಿ.ರಸ್ತೆಯಲ್ಲಿರುವ ಜೈನಧಾಮದಲ್ಲಿ ನಿರ್ಮಿಸಿರುವ ಅರಮನೆಯಂತಹ ಪೆಂಡಾಲ್ ಒಳಗಿನ ಸಿಂದೂರ ವೇದಿಕೆಯಲ್ಲಿ ವಿಷ್ಣು ರೂಪಿ ಹಿಂದೂ ಮಹಾಗಣಪತಿ ವಿರಾಜಮಾನರಾಗಿದ್ದಾರೆ.

ಇದನ್ನೂ ಓದಿ : ಗಣಪತಿ ಮಂಟಪಕ್ಕೆ ಸಿಂಧೂರವೆಂದು ಹೆಸರು | ಆಪರೇಷನ್‌ ಸಿಂಧೂರ ವಿಶೇಷ

ಶಾಸ್ತ್ರೋಕ್ತ ಪೂಜೆ, ಪುನಸ್ಕಾರಗಳೊಂದಿಗೆ ಆಗಸ್ಟ್ 27 ಬೆಳಗ್ಗೆ ಹತ್ತು ಗಂಟೆಗೆ ತುಲಾ ಲಗ್ನದಲ್ಲಿ ಗಣೇಶ ದೇವರನ್ನು ಪ್ರತಿಷ್ಠಾಪನೆ ಮಾಡಿ ಮಹಾಮಂಗಳಾರತಿ ಸಲ್ಲಿಸಲಾಯಿತು.

ಈ ವೇಳೆ ಹಿಂದೂ ಮಹಾಗಣಪತಿ ಉತ್ಸವ ಸಮಿತಿ ಅಧ್ಯಕ್ಷರಾದ ಶರಣ್ ಕುಮಾರ್, ವಿಶ್ವಹಿಂದೂ ಪರಿಷತ್ ಬಜರಂಗದಳ ಪ್ರಮುಖರಾದ ಪ್ರಭಂಜನ್, ಕೇಶವ, ವಿಠಲ್, ಸಂದೀಪ್, ರಂಗನಾಥ್, ಅಶೋಕ್, ರೋಹಿತ್ ಗಾಯಕ್ವಾಡ್. ಮಂಜುನಾಥ್. ದೀಪಕ್ .ದಿನೇಶ್. ಹಾಗೂ ಸಮಿತಿ ಸದಸ್ಯರು, ಕಾರ್ಯಕರ್ತರು ಉಪಸ್ಥಿತರಿದ್ದರು.