ಜೆ.ಪಿ.ನಗರ ರೋಟರಿಯಿಂದ ಶಾಲೆಗಳಿಗೆ ಸೌಲಭ್ಯ |ಸ್ಮಾರ್ಟ್ ಟಿವಿ, ಡೆಸ್ಕ್, ಆರ್ ಓ ಕೊಡುಗೆ

CHITRADURGA NEWS | 26 JULY 2025

ಚಿತ್ರದುರ್ಗ: ಬೆಂಗಳೂರಿನ ಬಹುರಾಷ್ಟ್ರೀಯ ಕಂಪನಿಗಳಾದ ಶೆರ್ವಿನ್ ವಿಲಿಯಮ್ಸ್ ಹಾಗೂ ವಾಲ್ಸ್ ಪರ್ ಇಂಡಿಯಾ ಸಂಸ್ಥೆಗಳು, ರೋಟರಿ ಕ್ಲಬ್ ಜೆ.ಪಿ.ನಗರದ ಸಹಯೋಗದಲ್ಲಿ ಹೊಸದುರ್ಗ ತಾಲ್ಲೂಕಿನ ಜಾನಕಲ್ ನಾಯಕರ ಹಟ್ಟಿ, ಕಂಠಾಪುರ ಹಾಗೂ ದೇವರಹಟ್ಟಿ ಹಳ್ಳಿಗಳ ಸರ್ಕಾರಿ ಶಾಲೆಗಳಿಗೆ ಮೂಲಭೂತ ಸೌಲಭ್ಯ, ಶಾಲೆಗಳಿಗೆ ವಿವಿಧ ಅಗತ್ಯ ವಸ್ತುಗಳನ್ನು ನೀಡಲಾಯಿತು.

ಇದನ್ನೂ ಓದಿ: ಚಿತ್ರದುರ್ಗ ಮಾರುಕಟ್ಟೆಯಲ್ಲಿ ಇಂದಿನ ಹತ್ತಿ ರೇಟ್ ಎಷ್ಟಿದೆ?

ಶಾಲೆಗಳಿಗೆ ಶುದ್ಧ ಕುಡಿಯುವ ನೀರಿನ ಘಟಕ, ಕಂಪ್ಯೂಟರ್, ಪ್ರಿಂಟರ್, ಸ್ಟಾರ್ಟ್ ಟಿವಿ, ಡೆಸ್ಕ್, ಗ್ರಂಥಾಲಯ ಅಲಮರಾಗಳು, ನಲಿ ಕಲಿ ಚೇರ್ ಮತ್ತು ಟೇಬಲ್ ಗಳನ್ನು ನೀಡಲಾಯಿತು. 

ಇದರಿಂದ ಗ್ರಾಮೀಣ ಮಕ್ಕಳಿಗೆ ಶಿಕ್ಷಣದ ಗುಣಮಟ್ಟ ಹಾಗೂ ಸೌಲಭ್ಯಗಳಲ್ಲಿ ಅಭಿವೃದ್ಧಿ ದೊರೆಯುತ್ತದೆ.

ರೋಟರಿ ಸಂಸ್ಥೆ ಇತರ ಕಂಪನಿಗಳೊಂದಿಗೆ ಕೈಜೋಡಿಸಿ ಗ್ರಾಮೀಣ ಶಿಕ್ಷಣ ಕ್ಷೇತ್ರದಲ್ಲಿ ನೂತನ ಮಾದರಿಯ ನೆರವು ನೀಡುತ್ತಿರುವುದು ಗಮನಾರ್ಹವಾಗಿದೆ. ಇಂಥ ಪ್ರೇರಣಾದಾಯಕ ಕಾರ್ಯಗಳು ಸಮಾಜದ ಪ್ರಗತಿಯ ಬುನಾದಿಯನ್ನು ಬಲಪಡಿಸುತ್ತದೆ.

ಇದನ್ನೂ ಓದಿ: ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾಹನ ಡಿಕ್ಕಿ | ಕರಡಿ ಸಾವು

ಈ ವೇಳೆ ಶೆರ್ವಿನ್ ವಿಲಿಯಮ್ಸ್ ಸಂಸ್ಥೆಯ CSR ಅಧಿಕಾರಿಗಳಾದ ರತನ್ ರೈ, ಮಂಜುನಾಥ್‌, ರೋಟರಿ ಜೆ.ಪಿ.ನಗರ ಸಂಸ್ಥೆಯ ನಿರ್ಗಮಿತ ಅಧ್ಯಕ್ಷ ಸುರೇಶ್ ರಾಬರ್ಟ್, ಸದಸ್ಯ ಎ.ಬಾಹುಬಲಿ ಉಪಸ್ಥಿತರಿದ್ದರು.