ನೀವು ಯಾವಾಗಲೂ ಯಂಗ್ ಆಗಿ ಕಾಣಬೇಕೇ…? ಈ ಆಹಾರಗಳನ್ನು ತಪ್ಪದೇ ಸೇವಿಸಿ ನೋಡಿ!

ಎಲ್ಲರಿಗೂ ತಾವು ಯಂಗ್ ಆಗಿ ಕಾಣಬೇಕೆಂಬ ಆಸೆ ಇರುತ್ತದೆ. ಅದಕ್ಕಾಗಿ ಹಲವು ಬಗೆಯ ಕ್ರೀಂ, ಫೇಸ್ ಪ್ಯಾಕ್ಗಳನ್ನು ಚರ್ಮಕ್ಕೆ ಬಳಸುತ್ತಾರೆ. ಆದರೆ ಇದರಿಂದ ಚರ್ಮಕ್ಕೆ ಹಾನಿಯಾಗುತ್ತದೆಯೇ ವಿನಃ ಚರ್ಮ ಯಂಗ್ ಆಗಿ ಕಾಣುವುದಿಲ್ಲ. ಹಾಗಾಗಿ ನಿಮ್ಮ ಚರ್ಮ ಯಂಗ್ ಆಗಿರಲು ಅದಕ್ಕೆ ಆ್ಯಂಟಿ ಏಜಿಂಗ್ ಆಹಾರಗಳನ್ನು ಸೇವಿಸಬೇಕು. ಇದರಿಂದ ನಿಮ್ಮ ಚರ್ಮ ಯೌವ್ವನದಿಂದ ಕೂಡಿರುತ್ತದೆ. ಹಾಗಾದ್ರೆ ಆ ಆ್ಯಂಟಿ ಏಜಿಂಗ್ ಆಹಾರಗಳು ಯಾವುದಂಬುದನ್ನು ತಿಳಿಯೋಣ.

ಕಿತ್ತಳೆ ವಿಟಮಿನ್ ಸಿ ಯ ಅತ್ಯುತ್ತಮ ಮೂಲವಾಗಿದೆ. ಇದು ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಇದು  ಚರ್ಮದ ದುರಸ್ತಿಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಹಾಗಾಗಿ 20 ರಿಂದ 27 ವರ್ಷ ವಯಸ್ಸಿನ ವಯಸ್ಕರು 21 ದಿನಗಳ ಕಾಲ ಪ್ರತಿದಿನ 600 ಎಂಎಲ್ ಕಿತ್ತಳೆ ರಸವನ್ನು ಕುಡಿದರೆ ದೇಹದಲ್ಲಿ  ವಿಟಮಿನ್ ಸಿ ಮತ್ತು ಕ್ಯಾರೊಟಿನಾಯ್ಡ್ಗಳ ಮಟ್ಟ ಹೆಚ್ಚಾಗುತ್ತದೆ. ಇದು ಚರ್ಮವನ್ನು ಯಂಗ್ ಆಗಿ ಇಡುತ್ತದೆ ಎಂದು ಅಧ್ಯಯನವೊಂದು ಕಂಡುಹಿಡಿದಿದೆ.

ಟೊಮೆಟೊದಲ್ಲಿ ಲೈಕೋಪೀನ್ ಎಂಬ ಪ್ರಬಲ ಆ್ಯಂಟಿಆಕ್ಸಿಡೆಂಟ್ಗಳಿವೆ.  ಇದು ಚರ್ಮವನ್ನು ಹಾನಿಯಿಂದ ರಕ್ಷಿಸುತ್ತದೆ. 21 ರಿಂದ 74 ವರ್ಷ ವಯಸ್ಸಿನ ಮಹಿಳೆಯರು 55 ಗ್ರಾಂ ಟೊಮೆಟೊ ಪೇಸ್ಟ್ ಅನ್ನು ಆಲಿವ್ ಎಣ್ಣೆಯೊಂದಿಗೆ 12 ವಾರಗಳವರೆಗೆ ಪ್ರತಿದಿನ ತಿನ್ನುವುದರಿಂದ ಚರ್ಮ ಯೌವ್ವನ ಹೆಚ್ಚಾಗುತ್ತದೆ ಎಂದು ಅಧ್ಯಯನದಿಂದ ತಿಳಿದುಬಂದಿದೆ. ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದು ಮತ್ತು ಮಾಲಿನ್ಯ ಸೇರಿದಂತೆ ಪರಿಸರದ ಒತ್ತಡಗಳಿಂದ ಚರ್ಮವನ್ನು ರಕ್ಷಿಸಲು ಟೊಮೆಟೊ ಸಹಾಯ ಮಾಡುತ್ತದೆ.

ಬಾದಾಮಿಯಲ್ಲಿ ಮೊನೊಸ್ಯಾಚುರೇಟೆಡ್ ಕೊಬ್ಬುಗಳು, ವಿಟಮಿನ್ ಇ ಮತ್ತು ಪಾಲಿಫಿನಾಲ್ಗಳು ಸಮೃದ್ಧವಾಗಿವೆ. ಇವೆಲ್ಲವೂ ಚರ್ಮದ ರಕ್ಷಣೆಗೆ ಉತ್ತಮವಾಗಿವೆ. 55 ರಿಂದ 80 ವರ್ಷ ವಯಸ್ಸಿನ ಋತುಬಂಧಕ್ಕೊಳಗಾದ ಮಹಿಳೆಯರು 16 ವಾರಗಳ ಕಾಲ 20% ರಷ್ಟು ಬಾದಾಮಿಯನ್ನು ತಿಂದರೆ, ಚರ್ಮದ  ಸುಕ್ಕುಗಳು ಕಡಿಮೆಯಾಗುತ್ತದೆ ಎಂದು ಅಧ್ಯಯನವೊಂದು ಕಂಡುಹಿಡಿದಿದೆ.

ಸೋಯಾಬೀನ್ ಐಸೊಫ್ಲೇವೊನ್ಗಳು ಎಂದು ಕರೆಯಲ್ಪಡುವ ಸಂಯುಕ್ತಗಳನ್ನು ಹೊಂದಿರುತ್ತವೆ. ಅದು ಈಸ್ಟ್ರೊಜೆನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ. ಋತುಬಂಧದ ಸಮಯದಲ್ಲಿ ಈಸ್ಟ್ರೊಜೆನ್ ಮಟ್ಟವು ಕಡಿಮೆಯಾಗುತ್ತದೆ. ಇದರಿಂದ  ಚರ್ಮವು ಶುಷ್ಕತೆ, ಸುಕ್ಕುಗಟ್ಟುವಿಕೆಗೆ ಒಳಗಾಗುತ್ತದೆ. ಅಧ್ಯಯನಗಳ ಪ್ರಕಾರ ಸೋಯಾಬೀನ್ ತಿನ್ನುವುದರಿಂದ  ಚರ್ಮದ ಸ್ಥಿತಿಸ್ಥಾಪಕತ್ವ, ಹೆಚ್ಚಿದ ಜಲಸಂಚಯನ ಮತ್ತು ಸೂಕ್ಷ್ಮ ಗೆರೆಗಳ ಪ್ರಮಾಣ ಕಡಿಮೆಯಾಗಿ ನೀವು ಯಂಗ್ ಆಗಿ ಕಾಣುತ್ತೀರಿ.

ಈ ಸಸ್ಯ ಆಧಾರಿತ ಆಹಾರಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದರಿಂದ ಚರ್ಮದ ಆರ್ದ್ರತೆ, ಸ್ಥಿತಿಸ್ಥಾಪಕತ್ವ ಮತ್ತು ಒಟ್ಟಾರೆ ನೋಟವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.