ಬಿ.ಡಿ.ರಸ್ತೆಗೆ ಇಟ್ಟಿರುವ ನರೇಂದ್ರ ಮೋದಿ ಹೆಸರು ಬದಲಾವಣೆ ಬೇಡ | ಗೋವಿಂದ ಕಾರಜೋಳ

CHITRADURGA NEWS | 14 JULY 2025

ಚಿತ್ರದುರ್ಗ: ನಗರದ ಬಿ.ಡಿ.ರಸ್ತೆಗೆ ಇಟ್ಟಿರುವ ಪ್ರಧಾನಿ ನರೇಂದ್ರ ಮೋದಿ ಹೆಸರು ಬದಲಾವಣೆ ಮಾಡುವುದು ಬೇಡ ಎಂದು ಸಂಸದ ಗೋವಿಂದ ಕಾರಜೋಳ ತಿಳಿಸಿದರು.

ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಸೋಮವಾರ ನಡೆದ ಸಭೆಯಲ್ಲಿ ಪೌರಾಯುಕ್ತರಾದ ಎಂ.ರೇಣುಕಾ ಅವರಿಗೆ ಸಂಸದರು ಮೋದಿ ಹೆಸರು ಬದಲಾವಣೆ ಮಾಡದಂತೆ ಸಲಹೆ ನೀಡಿದರು.

ಇದನ್ನೂ ಓದಿ: ಚಿತ್ರದುರ್ಗದ ಮುಖ್ಯ ರಸ್ತೆಗೆ ನರೇಂದ್ರ ಮೋದಿ ಹೆಸರು ನಾಮಕರಣ

ನಗರಸಭೆ ಸಾಮಾನ್ಯ ಸಭೆಯಲ್ಲಿ ಬಿ.ಡಿ.ರಸ್ತೆಗೆ ನರೇಂದ್ರ ಮೋದಿ ಹೆಸರು ಅನುಮೋದನೆ ಮಾಡಲಾಗಿದೆ. ಈ ಬಗ್ಗೆ ಪತ್ರಿಕೆಗಳಲ್ಲೂ ವರದಿಯಾಗಿದೆ. ಆದರೆ, ಈ ವಿಚಾರದಲ್ಲಿ ಗೊಂದಲ ಉಂಟಾಗಿ ಬದಲಾವಣೆ ಮಾಡುವ ವಿಚಾರ ಕೇಳಿದ್ದು, ಯಾವ ಕಾರಣಕ್ಕೂ ಬದಲಾಯಿಸಬಾರದು. ಹೆಸರು ಇಡದಿದ್ದರೆ ಗೊಂದಲ ಇರುತ್ತಿರಲಿಲ್ಲ. ಆದರೆ, ನಾಮಕರಣ ಮಾಡಿ ಬದಲಾಯಿಸುವುದು ಬೇಡ ಎಂದರು.

ಇದನ್ನೂ ಓದಿ: ಬಿ.ಡಿ.ರಸ್ತೆಗೆ ನರೇಂದ್ರ ಮೋದಿ ಹೆಸರು ಚರ್ಚೆ ಮಾತ್ರ | ನಿರ್ಣಯ ಅಲ್ಲ

ಗಾಂಧಿ ವೃತ್ತದ ಹೆಸರನ್ನು ಬದಲಾವಣೆ ಮಾಡಬಾರದು. ದೇಶದ ಎಲ್ಲಿಯೂ ಗಾಂಧೀಜಿ ಹೆಸರುಗಳನ್ನು ಬದಲಾಯಿಸಬಾರದು. ಗಾಂಧೀ ವೃತ್ತ ಹೊರತುಪಡಿಸಿ ಉಳಿದ ರಸ್ತೆಗೆ ಪ್ರಧಾನಿ ನರೇಂದ್ರ ಮೋದಿ ಹೆಸರು ಅಂತಿಮಗೊಳಿಸಿ. ಅವರು ಬಿಜೆಪಿ ಅಥವಾ ಕಾಂಗ್ರೆಸ್‌ ಪ್ರಧಾನಿ ಅಲ್ಲ. ದೇಶದ ಪ್ರಧಾನಿ. ಅವರಿಗೆ ಅಗೌರವ ತೋರುವುದು ಬೇಡ. ಗೊಂದಲಗಳಿದ್ದರೆ ನೇರವಾಗಿ ನನ್ನನ್ನು ಸಂಪರ್ಕಿಸಿ ಎಂದು ಸಂಸದರು ತಿಳಿಸಿದರು.

ಇದನ್ನೂ ಓದಿ: ದಾವಣಗೆರೆ ರೋಡ್ ರೈಲ್ವೇ ಮೇಲ್ಸೇತುವೆ | ಕಾಮಗಾರಿ ಆರಂಭಿಸಿ | ಗೋವಿಂದ ಕಾರಜೋಳ