ಈ ತರಕಾರಿಗಳನ್ನು ಹಸಿಯಾಗಿ ತಿನ್ನುವ ಬದಲು ಬೇಯಿಸಿ ತಿಂದರೆ ಹೆಚ್ಚು ಪ್ರಯೋಜನಕಾರಿಯಂತೆ

CHITRADURGA NEWS | 30 JUNE 2026

ನಮ್ಮ ದೈನಂದಿನ ಆಹಾರಕ್ರಮದಲ್ಲಿ ಕೆಲವು ಜನರು ಹಸಿ ತರಕಾರಿಗಳನ್ನು ಸೇವಿಸಿದರೆ, ಇನ್ನು ಕೆಲವರು ಬೇಯಿಸಿದ ಆಹಾರಗಳನ್ನು ಸೇವಿಸುತ್ತಾರೆ. ಜನರು ಸಮಯವನ್ನು ಉಳಿಸಲು ಅಥವಾ ಅವುಗಳ ರುಚಿಯನ್ನು ಆನಂದಿಸಲು ಇದನ್ನು ಹೆಚ್ಚಾಗಿ ಮಾಡುತ್ತಾರೆ. ಆದರೆ ಆಹಾರವನ್ನು ಹಸಿಯಾಗಿ ತಿನ್ನುವುದು ಹಾಗೂ ಬೇಯಿಸಿ ತಿನ್ನುವುದರಲ್ಲಿ ಯಾವುದು ಹೆಚ್ಚು ಪ್ರಯೋಜನಕಾರಿ ಎಂಬ ಗೊಂದಲ ಹಲವರಿಗಿರುತ್ತದೆ. ಆದರೆ ಕೆಲವು ತರಕಾರಿಗಳನ್ನು ಹಸಿ ತಿಂದರೆ ಹೆಚ್ಚು ಪ್ರಯೋಜನಕಾರಿ. ಹಾಗೇ ಕೆಲವು ತರಕಾರಿಗಳನ್ನು ಬೇಯಿಸಿ ತಿಂದರೆ ಒಳ್ಳೆಯದು. ಹಾಗಾದ್ರೆ ಬೇಯಿಸಿದಾಗ ಪೌಷ್ಟಿಕಾಂಶದ ಮೌಲ್ಯವು ದ್ವಿಗುಣಗೊಳ್ಳುವ ಆಹಾರಗಳ ಬಗ್ಗೆ ತಿಳಿದುಕೊಳ್ಳೋಣ.

ಟೊಮೆಟೊ 

ಟೊಮೆಟೊಗಳನ್ನು ಬೇಯಿಸಿದಾಗ ರುಚಿಕರವಾಗಿದ್ದರೂ, ಅವುಗಳನ್ನು ಸಲಾಡ್‍ನಲ್ಲಿ ತಿನ್ನುವುದು ಕೂಡ ರುಚಿಕರವಾಗಿದೆ. ಟೊಮೆಟೊಗಳು ಕ್ಯಾರೊಟಿನಾಯ್ಡ್ ಲೈಕೋಪೀನ್ ಅನ್ನು ಹೊಂದಿರುತ್ತವೆ. ಇದು ಹೃದಯ ಮತ್ತು ಮೂಳೆಗಳ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾದ ಪೋಷಕಾಂಶವಾಗಿದೆ. ಅಧ್ಯಯನವೊಂದರಲ್ಲಿ ಬೇಯಿಸಿದ ಟೊಮೆಟೊಗಳು ಲೈಕೋಪೀನ್ ಅನ್ನು ಉತ್ತಮವಾಗಿ ಹೀರಿಕೊಳ್ಳಲು ಪ್ರಯೋಜನಕಾರಿ ಎಂದು ಕಂಡುಹಿಡಿದಿದೆ. 

ಕ್ಯಾರೆಟ್ 

ಟೊಮೆಟೊಗಳಂತೆ, ಕ್ಯಾರೆಟ್‌ಗಳು ಸಹ ಕ್ಯಾರೊಟಿನಾಯ್ಡ್‌ಗಳನ್ನು ಹೊಂದಿರುತ್ತವೆ. ಇವು ವರ್ಣರಂಜಿತ ಸಸ್ಯ ಆಧಾರಿತ ವರ್ಣದ್ರವ್ಯಗಳಾಗಿವೆ. ಈ ವರ್ಣದ್ರವ್ಯಗಳು ಆ್ಯಂಟಿ ಆಕ್ಸಿಡೆಂಟ್‍ಗಳಿಂದ ಸಮೃದ್ಧವಾಗಿವೆ. ಆದ್ದರಿಂದ, ಬೇಯಿಸಿದ ಕ್ಯಾರೆಟ್‌ಗಳನ್ನು ತಿನ್ನುವುದು ದೇಹಕ್ಕೆ ಎರಡುಪಟ್ಟು ಪೋಷಕಾಂಶಗಳನ್ನು ಒದಗಿಸುತ್ತದೆ.

ಬಟಾಣಿ 

ಬಟಾಣಿಗಳನ್ನು ಪಿಷ್ಟಯುಕ್ತ ತರಕಾರಿ ಎಂದು ಪರಿಗಣಿಸಲಾಗುತ್ತದೆ ಮತ್ತು ದ್ವಿದಳ ಧಾನ್ಯಗಳ ಕುಟುಂಬಕ್ಕೂ ಸೇರಿದೆ. ಬಟಾಣಿಗಳು ಫೋಲೇಟ್ ಮತ್ತು ಅಗತ್ಯ ಜೀವಸತ್ವಗಳನ್ನು ಹೊಂದಿರುತ್ತವೆ. ಬಟಾಣಿಗಳನ್ನು ಬೇಯಿಸುವುದರಿಂದ ಪೋಷಕಾಂಶ ನಾಶವಾಗುವುದಿಲ್ಲ. ಇದು ದೇಹವು ಕಬ್ಬಿಣ, ಸತು ಮತ್ತು ಕ್ಯಾಲ್ಸಿಯಂನಂತಹ ಇತರ ಪೋಷಕಾಂಶಗಳನ್ನು ಉತ್ತಮವಾಗಿ ಹೀರಿಕೊಳ್ಳಲು ಅನುವು ಮಾಡಿಕೊಡುತ್ತದೆ. 

ಪಾಲಕ್ ಸೊಪ್ಪು 

ಪಾಲಕ್ ಸೊಪ್ಪು ಕಬ್ಬಿಣಾಂಶದಿಂದ ಮಾತ್ರವಲ್ಲದೆ ಕ್ಯಾಲ್ಸಿಯಂ, ಮೆಗ್ನೀಸಿಯಮ್ ಮತ್ತು ಸತುವುಗಳಿಂದ ಕೂಡಿದೆ. ಪಾಲಕ್ ಸೊಪ್ಪನ್ನು ಕುದಿಸುವುದು ದೇಹವು ಅದರ ಪೋಷಕಾಂಶಗಳನ್ನು ಉತ್ತಮವಾಗಿ ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಪಾಲಕ್ ಸೊಪ್ಪಿನಲ್ಲಿರುವ ಆಕ್ಸಲಿಕ್ ಆಮ್ಲ ಇದಕ್ಕೆ ಕಾರಣ. ಇದು ಕ್ಯಾಲ್ಸಿಯಂ ಮತ್ತು ಕಬ್ಬಿಣವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. 

ಅಣಬೆ 

ಅಣಬೆಗಳು ಎರ್ಗೋಥಿಯೋನೈನ್ ಎಂಬ ಆ್ಯಂಟಿ ಆಕ್ಸಿಡೆಂಟ್‍ಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಹೊಂದಿರುತ್ತವೆ. ಆದರೆ ಇದು ಅಣಬೆಗಳನ್ನು ಕುದಿಸಿದಾಗ ಮಾತ್ರ ಬಿಡುಗಡೆಯಾಗುತ್ತದೆ. ಇದಲ್ಲದೆ, ಕುದಿಸುವುದರಿಂದ ನಮ್ಮ ರೋಗದ ಅಪಾಯವನ್ನು ಹೆಚ್ಚಿಸುವ ಫ್ರೀ ರಾಡಿಕಲ್‌ಗಳಿಂದ ತೆಗೆದುಹಾಕಲು ಸಹಾಯ ಮಾಡುತ್ತದೆ.