ಅ.23 ರಂದು ಚಿಕ್ಕಜಾಜೂರಿನ ಶ್ರೀ ಬನಶಂಕರಿ ದೇವಿಯ ರಜತ ಮಹೋತ್ಸವ, ಸಮುದಾಯ ಭವನ ಉದ್ಫಾಟನೆ

CHITRADURGA NEWS | 21 OCTOBER 2025

ಹೊಳಲ್ಕೆರೆ: ತಾಲ್ಲೂಕಿನ ಚಿಕ್ಕಜಾಜೂರು ಗ್ರಾಮದ ಶ್ರೀ ಬನಶಂಕರಿ ದೇವಿಯ 25ನೇ ವರ್ಷದ ರಜತ ಮಹೋತ್ಸವ ಹಾಗೂ ಶ್ರೀ ಬನಶಂಕರಿ ಸಮುದಾಯ ಭವನ ಉದ್ಫಾಟನಾ ಸಮಾರಂಭವು ಅಕ್ಟೋಬರ್‌ 23 ಹಾಗೂ 24 ರಂದು ನಡೆಯಲಿದೆ.

ಇದನ್ನೂ ಓದಿ: ವಿದ್ಯಾರ್ಥಿ ಮೇಲೆ ಹಲ್ಲೆ‌ ಪ್ರಕರಣ | ಶಿಕ್ಷಕ ಅಮಾನತು | ಡಿಸಿ ಸೂಚನೆ

ಅ. 23 ಗುರುವಾರ ಬೆಳಗ್ಗೆ 9 ಗಂಟೆಗೆ ಧ್ವಜಾರೋಹಣ, 10ಕ್ಕೆ ಗಂಗಾಪೂಜೆ, 11ಕ್ಕೆ ದೇವಸ್ಥಾನದಿಂದ ಶ್ರೀ ಆಂಜನನೇಯಸ್ವಾಮಿ ದೇವಸ್ಥಾನದವರೆಗೆ ಮಹಿಳೆಯರಿಂದ ಕುಂಭಮೇಳ ಹಾಗೂ ವೀರಗಾಸೆ, ವಿವಿಧ ಕಲಾತಂಡಗಳಿಂದ ಸಂಜೆ ಗೋದೋಳಿ ಲಗ್ನದಲ್ಲಿ ಸ್ವಸ್ತಿ ಪೂಣ್ಯಹ ಶ್ರೀ ಗಣಪತಿ ಪೂಜೆ, ವಾಸ್ತು ಪೂಜೆ, ಅಷ್ಟ ದಿಕ್ಪಲಕ ಪೂಜೆ, ಕಳಸ ಆರಾಧನೆ ಮಂಡಲ ಆರಾಧನೆ ಮತ್ತು ರಾಕ್ಷೋಜ್ಞ ಹೋ, ಬಲಿ ಪೂಜೆಗಳು ನಡೆಯಲಿವೆ.

ಅ.24 ಶುಕ್ರವಾರ ಬೆಳಗಿನಜಾವ 4.30 ರಿಂದ 5.45 ರವರೆಗೆ ಸಲ್ಲುವ ಶುಭ ಬ್ರಾಹೀ ಮೂಹೋರ್ತದಲ್ಲಿ ಗೋಪೂಜೆ, ಗಂಗಾ ಪೂಜೆಯೊಂದಿಗೆ ಶ್ರೀ ಬನಶಂಕರಿ ಸಮುದಾಯ ಭವನದ ಪ್ರವೇಶ ಬೆಳಗ್ಗೆ 6.30ಕ್ಕೆ ಕ್ಷೀರಧಾರಣೆ ಶ್ರೀ ಬನಶಂಕರಿ ಅಮ್ಮನವರಿಗೆ ಫಲಪಂಚಾಮೃತ ವಿಶೇಷ ಪೂಜೆ, ಕುಂಕುಮಾರ್ಚನೆ ನಂತರ ಶ್ರೀ ಮಹಾಗಣಪತಿ ಹೋಮ,ನವಗ್ರಹ ಹೋಮ, ವಾಸ್ತು ಹೋಮ, ಶ್ರೀ ಬನಶಂಕರಿ ಹೋಮ, ಶ್ರೀ ಮಹಾದುರ್ಗ ಹೋಮ ಬೆಳಗ್ಗೆ 11 ಗಂಟೆಗೆ ಶ್ರೀ ಬನಶಂಕರಿ ಸಮುದಾಯ ಭವನದ ಉದ್ಫಾಟನಾ ಧಾರ್ಮಿಕ ಕಾರ್ಯಕ್ರಮ ಜರುಗಲಿದೆ.

ಮಹಾಪೂರ್ಣಾಹುತಿ ಮತ್ತು ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗ ಬೆಳಗ್ಗೆ 11 ಕ್ಕೆ ಇರಲಿದೆ.

ಇದನ್ನೂ ಓದಿ: ವಿದ್ಯಾರ್ಥಿಗೆ ಮನಬಂದಂತೆ ಥಳಿಸಿದ ಶಿಕ್ಷಕ | ಗುಲ್ಬರ್ಗಾದಲ್ಲಿ ಬಂಧಿಸಿದ ಪೊಲೀಸರು

ಹಂಪಿ ಹೇಮಕೂಟ ಗಾಯಿತ್ರಿ ಪೀಠ ಸಂಸ್ಥಾಪನಾಧೀಶ್ವರರಾದ ಶ್ರೀ ದಯಾನಂದಪುರಿ ಮಹಾಸ್ವಾಮಿಗಳು, ಸಿರಿಗೆರೆ ಬೃಹನ್ಮಠದ ಶ್ರೀ ಡಾ.ಶಿವಮೂರ್ತಿ ಶಿವಾಚಾರ್ಯ ಮಹಾಸ್ವಾಮಿಗಳು ದಿವ್ಯ ಸಾನಿಧ್ಯ ವಹಿಸಲಿದ್ದಾರೆ.

ಚಿಕ್ಕಜಾಜೂರು ದೇವಾಂಗ ಸಮಾಜದ ಅಧ್ಯಕ್ಷರಾದ ಎ.ಆರ್.ಸುರೇಶ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸುವರು.

ಮುಖ್ಯ ಅತಿಥಿಗಳಾಗಿ ಗಣ್ಯರು ಭಾಗವಹಿಸಲಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.