ಕೊಲೆ ದೊಡ್ಡ ಅಪರಾಧ, ಧರ್ಮ ವಿರೋಧಿ ಕೃತ್ಯ | ಕಾನೂನು ನ್ಯಾಯ ಒದಗಿಸಲಿ | ನೊಣವಿನಕೆರೆ ಶ್ರೀ

CHITRADURGA NEWS | 16 JUNE 2024

ಚಿತ್ರದುರ್ಗ: ಭೀಕರವಾಗಿ ಕೊಲೆಯಾದ ಕೆ.ಎಸ್.ರೇಣುಕಸ್ವಾಮಿ ಕುಟುಂಬಕ್ಕೆ ನ್ಯಾಯ ದೊರೆಯಬೇಕು. ಇಂದಿನ ಸಮಾಜದಲ್ಲಿರುವ ಕಾನೂನಿನ ಅನ್ವಯ ರೇಣುಕಸ್ವಾಮಿಗೆ ನ್ಯಾಯ ದೊರೆಯಲಿ ಎಂದು ನೊಣವಿನಕೆರೆ ಕಾಡಸಿದ್ದೇಶ್ವರ ಮಠದ ಡಾ.ಕರಿವೃಷಭ ದೇಶಿಕೇಂದ್ರ ಸ್ವಾಮೀಜಿ ಹೇಳಿದರು.

ಚಿತ್ರದುರ್ಗದಲ್ಲಿರುವ ರೇಣುಕಸ್ವಾಮಿ ಅವರ ಮನೆಗೆ ಭೇಟಿ ನೀಡಿದ್ದ ವೇಳೆ ಕುಟುಂಬಕ್ಕೆ ಸಾಂತ್ವಾನ ಹೇಳಿ, ಆಶೀರ್ವಾದ ನೀಡಿದರು.

ಇದನ್ನೂ ಓದಿ: ರೇಣುಕಸ್ವಾಮಿ ಪತ್ನಿಗೆ ಸರ್ಕಾರಿ ಉದ್ಯೋಗ ಕೊಡಿ | ರಂಭಾಪುರಿ ಶ್ರೀ ಒತ್ತಾಯ

ಶಿವನಗೌಡ್ರು ಕುಟುಂಬ ರೇಣುಕಸ್ವಾಮಿಯನ್ನು ಕಳೆದುಕೊಂಡು ದುಃಖಿತರಾಗಿದ್ದಾರೆ. ರೇಣುಕಸ್ವಾಮಿ ಸಣ್ಣ ಜಂಗಮ ಸಮಾಜದ ಕುಟುಂಬದಲ್ಲಿ ಬೆಳೆದ ಹುಡುಗ. ಎಲ್ಲರ ಪ್ರೀತಿ ವಿಶ್ವಾಸ ಗಳಿಸಿದ್ದ. ನಟ ದರ್ಶನ್ ಅವರ ಜೊತೆಗಿದ್ದ ವ್ಯಕ್ತಿಗಳು ಯಾವುದೋ ದೋಷವನ್ನು ಗಣನೆಗೆ ತೆಗೆದುಕೊಂಡು ಕರೆದುಕೊಂಡು ಹೋಗಿ ಕೊಲೆ ಮಾಡಿರುವುದು ದೊಡ್ಡ ಅಪರಾಧ. ಇದು ಧರ್ಮಕ್ಕೆ ವಿರೋಧವಾದ ಕೃತ್ಯ ಎಂದರು.

ಇದನ್ನೂ ಓದಿ: ಸ್ವಯಂ ಉದ್ಯೋಗಕ್ಕೆ ಅರ್ಜಿ ಆಹ್ವಾನ

ಜಂಗಮರ ಬಡ ಕುಟುಂಬಕ್ಕೆ ದೊಡ್ಡ ಅನ್ಯಾಯ ಆಗಿದೆ. ಅವರ ಮೇಲೆ ಭಗವಂತನ ಕೃಪಾಶೀರ್ವಾದ ಇರಲಿ. ಭಗವಂತ ಶಾಂತಿ ನೆಮ್ಮದಿ, ಸಮಾಧಾನ ನೀಡಲಿ. ತಪ್ಪಿತಸ್ಥರಿಗೆ ಇಂದಿನ ಸಮಾಜದಲ್ಲಿರುವ ಕಾನೂನು ನ್ಯಾಯ ಒದಗಿಸಲಿ ಎಂದು ಆಶಿಸಿದರು.