Dhruva Sarja: ಅಭಿಮಾನಿಗೆ ಸಮಾಧಾನ ಮಾಡಿದ ಧ್ರುವ ಸರ್ಜಾ | ಸೆಲ್ಫಿ ಕ್ಲಿಕ್..ಕ್ಲಿಕ್‌

CHITRADURGA NEWS | 02 AUGUST 2024
ಚಿತ್ರದುರ್ಗ: ಮಾರ್ಟಿನ್‌ ಸಿನಿಮಾದ ಟ್ರೇಲರ್‌ ಬಿಡುಗಡೆ ಮುನ್ನ ಚಿತ್ರದುರ್ಗದ ಮುರುಘಾ ಮಠಕ್ಕೆ ಶುಕ್ರವಾರ ಆಗಮಿಸಿದ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ (Dhruva Sarja) ನೋಡಲು ಅಭಿಮಾನಿಗಳೇ ದಂಡು ಮಠದಲ್ಲಿ ಜಮಾಯಿಸಿತ್ತು. ಈ ವೇಳೆ ತೀವ್ರ ಭಾವುಕಗೊಂಡ ಅಭಿಮಾನಿಯನ್ನು ಖುದ್ದು ಧ್ರುವ ಸರ್ಜಾ ಸಮಾಧಾನ ಮಾಡಿದರು.

ಧ್ರುವ ಸರ್ಜಾ ಅವರನ್ನು ನೋಡಲು ಮಠಕ್ಕೆ ಆಗಮಿಸಿದ್ದ ನಗರದ ದೊಡ್ಡಪೇಟೆ ನಿವಾಸಿ ವಿದ್ಯಾ ನಟನನ್ನು ನೋಡುತ್ತಿದ್ದಂತೆ ಭಾವುಕಗೊಂಡು ಕಾಲಿಗೆ ಬೀಳಲು ಮುಂದಾದರು. ಈ ವೇಳೆ ಸಮಾಧಾನ ಮಾಡಿದ ಧ್ರುವ ಸರ್ಜಾ, ಕಾಲಿಗೆ ಬೀಳ ಬೇಡಿ ಎಂದು ತಡೆದರು. ಬಳಿಕ ಮಾತನಾಡಿ ಆಕೆಯ ಮೊಬೈಲ್‌ನಿಂದಲೇ ಸೆಲ್ಫಿ ತೆಗೆದುಕೊಟ್ಟರು.

ಇದನ್ನೂ ಓದಿ:ಕರ್ತೃ ಗದ್ದುಗೆಗೆ ಆ್ಯಕ್ಷನ್ ಪ್ರಿನ್ಸ್‌ ನಮನ | ಮುರುಘಾ ಮಠದಲ್ಲಿ ಅಭಿಮಾನಿಗಳ ದಂಡು

‘ಬಾಲ್ಯದಿಂದಲೂ ಧ್ರುವ ಸರ್ಜಾ ಅಂದರೆ ಬಹಳ ಇಷ್ಟ. ಅವರ ಎಲ್ಲ ಸಿನಿಮಾ ನೋಡಿದ್ದೇನೆ. ಡೈಲಾಗ್‌ ಅವರಿಗಿಂತ ಮುಂಚೆ ಹೇಳುತ್ತೇನೆ. ನಮ್ಮಮ್ಮ ಅವರನ್ನು ನಿಮ್ಮ ಮಾವ ಎನ್ನುತ್ತಾರೆ. ನಾನು ಮಾವ ಎಂದೇ ಕರೆಯುತ್ತೇನೆ’ ಎಂದು ವಿದ್ಯಾ ಭಾವುಕರಾದರು.