ಕಿಡ್ನಿಯಲ್ಲಿ ಕಲ್ಲುಗಳಿದ್ದಾಗ ಕಬ್ಬಿನ ರಸ ಕುಡಿಯಬಹುದೇ?

CHITRADURGA NEWS | 02 June 2025 

ಕಿಡ್ನಿ ಕಲ್ಲಿನ ಸಮಸ್ಯೆ ಗಂಭೀರ ಸಮಸ್ಯೆಯಾಗಿದ್ದು, ಇದರಿಂದ ಬಳಲುತ್ತಿರುವ ಜನರು ತೀವ್ರ ಹೊಟ್ಟೆ ನೋವಿನ ಜೊತೆಗೆ ಹಲವು ಸಮಸ್ಯೆಗಳನ್ನು ಎದುರಿಸುತ್ತಾರೆ. ಕಲ್ಲಿನ ಗಾತ್ರ ಚಿಕ್ಕದಾಗಿದ್ದರೆ ಅದನ್ನು ದೇಹದೊಳಗೆ ಒಡೆದು ಹೊರಗೆ ಹಾಕಬಹುದು. ಹಾಗಾಗಿ ಆಕ್ಸಲೇಟ್ ಕಲ್ಲುಗಳನ್ನು ಒಡೆಯಲು ಮತ್ತು ನೀರಿನ ಸಹಾಯದಿಂದ ಅವುಗಳನ್ನು ಹೊರಹಾಕಲು ಸಹಾಯ ಮಾಡುವ ವಸ್ತುಗಳನ್ನು ನೀವು ಸೇವಿಸುವುದು ಬಹಳ ಮುಖ್ಯ.

ಅದರಲ್ಲಿ ಕಬ್ಬಿನ ರಸವು ಒಂದು. ಇದನ್ನು ಕುಡಿಯುವುದರಿಂದ ಕಲ್ಲುಗಳನ್ನು ಒಡೆಯಲು ಮತ್ತು ನಂತರ ದೇಹದಿಂದ ಹೊರಹಾಕಲು ಸಹಾಯ ಮಾಡುತ್ತದೆ. ಹಾಗಾದ್ರೆ ಅದು ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ತಿಳಿಯಿರಿ.

ಕಿಡ್ನಿ ಕಲ್ಲುಗಳನ್ನು ಒಡೆಯಲು ಮತ್ತು ಹೊರಹಾಕಲು ಕಬ್ಬು ಹೇಗೆ ಸಹಕಾರಿ?

ಕ್ಯಾಲ್ಸಿಯಂ, ರಂಜಕ, ಮೆಗ್ನೀಸಿಯಮ್, ಪೊಟ್ಯಾಸಿಯಮ್ ಮತ್ತು ಕಬ್ಬಿಣದಿಂದ ಸಮೃದ್ಧವಾಗಿರುವ ಕಬ್ಬು ಮೂತ್ರ ವಿಸರ್ಜನೆಯನ್ನು ಹೆಚ್ಚಿಸುತ್ತದೆ. ಇದರಿಂದ ಕಲ್ಲು ಕರಗಲು ಸಹಾಯ ಮಾಡುತ್ತದೆ. ಅಲ್ಲದೇ ಇದು ಕ್ಷಾರೀಯವೂ ಆಗಿದ್ದು, ದೇಹದ ಪಿಹೆಚ್‍ ಅನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ಜಲಸಂಚಯನದ ಉತ್ತಮ ಮೂಲವಾಗಿದೆ.

ಇದಲ್ಲದೆ, ಕಬ್ಬು ಕ್ಷಾರೀಯ ಸ್ವಭಾವವನ್ನು ಹೊಂದಿದ್ದು, ದೇಹದ pH ಅನ್ನು ಸಮತೋಲನಗೊಳಿಸಲು ಮತ್ತು ಕೆಲವು ರೀತಿಯಲ್ಲಿ ಕಿಡ್ನಿ ಕಲ್ಲುಗಳ ರಚನೆಯನ್ನು ತಡೆಯಲು ಸಹಾಯ ಮಾಡುತ್ತದೆ.

ಇದು ವಿಟಮಿನ್ ಎ, ಬಿ-ಕಾಂಪ್ಲೆಕ್ಸ್, ಸಿ ಮತ್ತು ರಂಜಕ, ಕ್ಯಾಲ್ಸಿಯಂ, ಪೊಟ್ಯಾಸಿಯಮ್, ಸತು, ಕಬ್ಬಿಣ, ಆ್ಯಂಟಿ ಆಕ್ಸಿಡೆಂಟ್‍ಗಳಂತಹ ಖನಿಜಗಳನ್ನು ಹೊಂದಿದ್ದು, ಇದು ದೇಹದ ಆರೋಗ್ಯವನ್ನು ಕಾಪಾಡುತ್ತದೆ.

ಇದರ ಕಡಿಮೆ ಸೋಡಿಯಂ ಅಂಶ ಕಿಡ್ನಿಯ ಆರೋಗ್ಯಕ್ಕೆ ಪ್ರಯೋಜನಕಾರಿ.

ಯಾವಾಗ? ಎಷ್ಟು? ಕಬ್ಬಿನ ರಸ ಸೇವಿಸಬೇಕು

ಇದರ ರಸವನ್ನು ಮಧ್ಯಾಹ್ನ ಸೇವಿಸಿದಾಗ ಹೆಚ್ಚು ಪರಿಣಾಮಕಾರಿಯಾಗಿದೆ. ಆದರೆ ರಾತ್ರಿಯಲ್ಲಿ ಸೇವಿಸಬಾರದು. ಯಾಕೆಂದರೆ ಇದರಲ್ಲಿ ಸಕ್ಕರೆಯಂಶ ಹೆಚ್ಚಾಗಿದ್ದು, ಇದು ಮಧುಮೇಹದ ಸಮಸ್ಯೆಯನ್ನುಂಟುಮಾಡಬಹುದು. ಆರೋಗ್ಯವಂತ ವ್ಯಕ್ತಿಗಳು ದಿನಕ್ಕೆ 1 ಗ್ಲಾಸ್, ಸುಮಾರು 200 ಮಿಲಿ, ಕುಡಿದರೆ ಒಳ್ಳೆಯದು.

ಕಬ್ಬಿನ ರಸದ ಅತಿಯಾದ ಸೇವನೆಯು ಕರುಳಿನಲ್ಲಿ ಹುಳುಗಳ ಸಮಸ್ಯೆಯನ್ನು ಹೆಚ್ಚಿಸಬಹುದು. ಹಾಗಾಗಿ ಕಬ್ಬಿನ ರಸವನ್ನು ಮಿತವಾಗಿ ಸೇವಿಸಿ ನಿಮ್ಮ ಆರೋಗ್ಯವನ್ನು ಹೆಚ್ಚಿಸಿಕೊಳ್ಳಿ.