ಕೋಟೆಯಲ್ಲಿರುವ ಫಾಲ್ಗುಣೇಶ್ವರ ದೇವಸ್ಥಾನದಲ್ಲಿ ವಿಜೃಂಭಣೆಯ ಶಿವರಾತ್ರಿ

CHITRADURGA NEWS | 03 FEBRUARY 2026

ಚಿತ್ರದುರ್ಗ: ಮಹಾಶಿವರಾತ್ರಿ ಹಬ್ಬದ ಪ್ರಯುಕ್ತ ಶ್ರೀ ಪಾಲ್ಗುಣೇಶ್ವರ ದೇವಸ್ಥಾನದಲ್ಲಿ ಫೆ. 06 ರಿಂದ 15ರವರೆಗೆ ವಿವಿಧ ಪೂಜಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಶ್ರೀ ಪಾಲ್ಗುಣೇಶ್ವರಸ್ವಾಮಿ ಮತ್ತು ಶ್ರೀ ಆಂಜನೇಯಸ್ವಾಮಿ ಸೇವಾ ಸಮಿತಿ ಅಧ್ಯಕ್ಷ ಹೆಚ್.ರಂಗಸ್ವಾಮಿ ತಿಳಿಸಿದರು.

ಇದನ್ನೂ ಓದಿ: ದೊಡ್ಡಪೇಟೆಯಲ್ಲಿ ಹಿಂದೂ ಸಂಗಮ | ಚಿಂತಕ ವಿಕಾಸ್‌ ಪುತ್ತೂರು ಭಾಗೀ | ಶೋಭಾಯಾತ್ರೆಗೆ ಮೆರಗು ತಂದ ಪುಟಾಣಿಗಳು

ಪತ್ರಿಕಾ ಭವನದಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಚಿತ್ರದುರ್ಗದ ಐತಿಹಾಸಿಕ ಏಳುಸುತ್ತಿನ ಕೋಟೆಯಲ್ಲಿರುವ ಅತ್ಯಂತ ಪುರಾತನವಾದ ಶ್ರೀ ಪಾಲ್ಗುಣೇಶ್ವರ ಸ್ವಾಮಿ ದೇವಸ್ಥಾನವಿದೆ. ಹೊಯ್ಸಳ ಕಾಲದಲ್ಲಿ ನಿರ್ಮಾಣವಾಗಿದ್ದು, ಅರಸರಾದ ರಾಜವೀರ ಮದಕರಿನಾಯಕರ ಕಾಲದಲ್ಲಿ ಅಭಿವೃದ್ಧಿ ಹೊಂದಿ ಮಹಾ ಶಿವರಾತ್ರಿ ಸಂದರ್ಭದಲ್ಲಿ ಪೂಜೆ ನಡೆದಿರುವ ಹಿನ್ನೆಲೆ ಇದೆ ಎಂದರು.

ಪಾಲ್ಗುಣೇಶ್ವರ ಸ್ವಾಮಿಯ ದೇವಾಲಯ ಕೋಟೆಯ ಒನಕೆ ಓಬವ್ವನ ಕಿಂಡಿ ಗವಿಯನ್ನು ದಾಟಿ ಪಶ್ಚಿಮಕ್ಕೆ ಕೋಟೆಯ ಪ್ರಾಕಾರದ ಪಕ್ಕದಲ್ಲಿಯೇ ಬಲಭಾಗದ ದಿನ್ನೆಯಲ್ಲಿದೆ. ಬೆಟ್ಟದ ಮೇಲಿನ ಗುಹಾಲಯಗಳಲ್ಲಿ ಇದೂ ಒಂದು. ನವರಂಗ ಮತ್ತು ವಿಶಾಲವಾದ ಗರ್ಭಗುಡಿ ಹೊಂದಿರುವ ಈ ದೇಗುಲದಲ್ಲಿ ಬೃಹತ್ತಾದ ಪಾಲ್ಗುಣೇಶ್ವರ ಸ್ಪಟಿಕ ಲಿಂಗವಿದೆ. 

ಇದರ ಮುಖಮಂಟಪವು ಹಿಡಂಬೇಶ್ವರ ಮತ್ತು ಸಂಪಿಗೆ ಸಿದ್ದೇಶ್ವರ ದೇವಾಲಯಗಳ ರಚನೆಯನ್ನು ಹೋಲುತ್ತಿದ್ದು, 1260 ರಲ್ಲಿ ನಿರ್ಮಾಣಗೊಂಡಿದೆ. ಇಲ್ಲಿರುವ ಶಾಸನದ ಪ್ರಕಾರ ಈ ಗುಡಿಯನ್ನು ಪೂರೈಸಿದವನು ಹರಿಹರದ ಮಹಾಪ್ರಧಾನಿ ಸೋಮಣ್ಣ ದೇವಸ್ಥಾನದ ಪಕ್ಕದಲ್ಲಿಯೇ ವೀರಗಲ್ಲೊಂದು ನಿಂತಿದೆ. ಇತಿಹಾಸವು ಪಾಲ್ಗುಣೇಶ್ವರ ಸ್ಪಟಿಕ ಲಿಂಗವನ್ನು ಅರ್ಜುನನು ಪ್ರತಿಷ್ಠಾಪಿಸಿದನೆಂದು ಚಿತ್ರ ಸಮೇತ ದೇವಸ್ಥಾನದ ರಚನೆಯ ಪುರಾವೆಗಳಿವೆ ಹೇಳುತ್ತದೆ ಎಂದು ವಿವರಿಸಿದರು.

ಇದನ್ನೂ ಓದಿ: ವಿಕಸಿತ ಭಾರತದ ಅಡಿಪಾಯ ಬಜೆಟ್ | ಹನುಮಂತೇಗೌಡ

ಶ್ರೀ ಪಾಲ್ಗುಣೇಶ್ವರ ದೇವಸ್ಥಾನ ಸೇವಾ ಸಮಿತಿಯ ಮೇಲ್ವಿಚಾರಕ ಎಸ್.ಬಿ.ಎಲ್. ಮಲ್ಲಿಕಾರ್ಜುನ್ ಮಾತನಾಡಿ, ಫೆ.06 ರಿಂದ 15ರವರೆಗೆ ಪ್ರತಿ ದಿನ ವಿವಿಧ ರೀತಿಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. 

ಫೆ. 06ನೇ ಶುಕ್ರವಾರದಂದು ಬೆಳಗ್ಗೆ 10 ಗಂಟೆಗೆ ಶ್ರೀ ನೀಲಕಂಠೇಶ್ವರ ದೇವಸ್ಥಾನದಿಂದ ಶ್ರೀ ಪಾಲ್ಗುಣೇಶ್ವರ ಸ್ವಾಮಿಯ ನೂತನವಾಗಿ ನಿರ್ಮಿಸಿದಂತೆ ಮೂರ್ತಿಯ ಮುಖಪದ್ಮ, ಪ್ರಭಾವಳಿ ಲೋಕಾರ್ಪಾಣೆ ಕಾರ್ಯಕ್ರಮ ಮೆರಣವಣೆಗೆ ನಗರದ ರಾಜ್ಯಬೀದಿಗಳಲ್ಲಿ ಅನೇಕ ಕಲಾತಂಡಗಳೊಂದಿಗೆ ಮೆರವಣಿಗೆ ಮುಖಾಂತರ ಶ್ರೀ ಪಾಲ್ಗುಣೇಶ ಸ್ವಾಮಿ ದೇವಸ್ಥಾನಕ್ಕೆ ಅರ್ಪಣೆ ಮಾಡಲಾಗುವುದು ಎಂದರು.

ಫೆ. 07 ನೇ ಶನಿವಾರದಂದು ಬೆಳಗ್ಗೆ 10ಗಂಟೆಗೆ ಶ್ರೀ ಪಾಲ್ಗುಣೇಶ್ವರ ಸ್ವಾಮಿಯ ದೇವಸ್ಥಾನದಲ್ಲಿ ವಿಶೇಷ ಪೂಜೆ, ಈ ಪೂಜೆ ಕಾರ್ಯಕ್ರಮಕ್ಕೆ ಡಾ.ಮಹರ್ಷಿ ಆನಂದ ಗುರೂಜಿ ಭಾಗವಹಿಸಲಿದ್ದಾರೆ. ಸಂಜೆ 5ಗಂಟೆಗೆ ಹಳೇ ಮ್ಯಾಥಮಿಕ ಶಾಲಾ ಆವರಣದಲ್ಲಿ ಮಹರ್ಷಿ ಆನಂದ ಗುರೂಜಿ ಅವರಿಂದ ಸ್ವಾಮಿಯ ಧಾರ್ಮಿಕ ಕಾರ್ಯಕ್ರಮ ನಡೆಯಲಿದೆ. 

ಇದನ್ನೂ ಓದಿ: BJP ಜಿಲ್ಲಾ ಕಾರ್ಯದರ್ಶಿ ರೇಖಾಗೆ ಮಹಿಳಾ ರತ್ನ ಪ್ರಶಸ್ತಿ

ಫೆ.08 ಭಾನುವಾರ ನಗರ ದೇವತೆಗಳಾದ ನವದುರ್ಗೆಯರ ಸಿಹಿನೀರು ಹೊಂಡದ ಆವರಣದಲ್ಲಿ ಗಂಗಾಪೂಜಾ ಕಾರ್ಯಕ್ರಮ ನಂತರ ರಾಜಬೀದಿಗಳಲ್ಲಿ ಮೆರವಣಿಗೆ ಮುಖಾಂತರ ಶ್ರೀ ಪಾಲ್ಗುಣೇಶ್ವರ ಸ್ವಾಮಿ ಸನ್ನಿದಿಗೆ ತಲುಪಲಿದ್ದಾರೆ.

ಫೆ.09 ಸೋಮವಾರ ಶ್ರೀ ಪಾಲ್ಗುಣೇಶ್ವರ ಸ್ವಾಮಿ ದೇವಸ್ಥಾನದಲ್ಲಿ ರುದ್ರ ಹೋಮ ಹಾಗೂ ಪ್ರಸಾದ ವಿನಿಯೋಗ ಫೆ. 10ನೇ ಮಂಗಳವಾರದಂದು ಶ್ರೀ ಪಾಲ್ಗುಣೇಶ್ವರ ಸ್ವಾಮಿ ದೇವಸ್ಥಾನ ಆವರಣದಲ್ಲಿ ಕೀರ್ತಿ ಆಸ್ಪತ್ರೆ, ಸಹಕಾರದೊಂದಿಗೆ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ & ಗರ್ಭಕಂಠದ ಕ್ಯಾನ್ಸರ್ ಕಾಯಿಲೆ ಬರದಂತೆ ಎಚ್‍ಪಿವಿ ವ್ಯಾಕ್ಸಿನ್‍ನ್ನು ದೇವಸ್ಥಾನವತಿಯಿಂದ ನೀಡಲಾಗುವುದು.

ಫೆ.11 ಬುಧವಾರ ಕಾಶಿಯಲ್ಲಿರುವ ಮುಖ್ಯ ಅರ್ಚಕರಾದ ಶ್ರೀಕಾಶಿ ವಿಶ್ವನಾಥನರವರಿಂದ ಶ್ರೀ ಪಾಲ್ಗುಣೇಶ್ವರ ಸ್ವಾಮಿಗೆ ಗಂಗಾರತಿ ಪೂಜೆ ಮತ್ತು ವಿಶೇಷ ಪೂಜೆ, ಫೆ.12 ಗುರುವಾರ ಶ್ರೀ ಪಾಲ್ಗುಣೇಶ್ವರ ಸ್ವಾಮಿಯ ಮೂರ್ತಿಗೆ ಅರ್ಧನಾರೀಶ್ವರನ ಅವತಾರದ ವಿಶೇಷ ಪೂಜೆ ಮತ್ತು ಜಿಲ್ಲೆಯ ಮಂಗಳಮುಖಿಯರಿಗೆ ಬಾಗಿನ ಸಮರ್ಪಣೆ. 

ಇದನ್ನೂ ಓದಿ: ಕಟ್ಟಕಡೆಯ ವ್ಯಕ್ತಿಗೂ ಉಚಿತ ಆರೋಗ್ಯ ಸೇವೆ | ಬಿ.ಮೂಗಪ್ಪ

ಫೆ.13 ಶುಕ್ರವಾರ ಶ್ರೀ ಮಧ್ಯಪದೇಶದ ಉಜ್ಜಿಯಿನಿಯ ಮಹಾಕಾಳೇಶ್ವರನ ಅಲಾಂಕರ, ಫೆ.14 ನಂದಿ ಕಾಮಧೇನುವಿನ ವಿಶೇಷ ಪೂಜೆ ಫೆ.15ಭಾನುವಾರ ಮಹಾಶಿವರಾತ್ರಿ ಪ್ರಯುಕ್ತ ಶ್ರೀ ಪಾಲ್ಗುಣೇಶ್ವರ ಸ್ವಾಮಿಗೆ ಹೂವಿನ ಅಲಾಂಕರ ಮಾಡಲಾಗುತ್ತದೆ. ರಾತ್ರಿ ಅಖಂಡ ಭಜನೆ ನಡೆಯಲಿದೆ ಎಂದು ವಿವರಿಸಿದರು.

ಸುದ್ದಿಗೋಷ್ಟಿಯಲ್ಲಿ ಶ್ರೀಪಾಲ್ಗುಣೇಶ್ವರ ದೇವಸ್ಥಾನ ಸೇವಾ ಸಮಿತಿಯ ಮೇಲ್ವಿಚಾರಕ ಕೆ.ಜಿ.ಟಿ. ಗುರುಮೂರ್ತಿ, ಎಸ್.ಟಿ. ನವೀನ್‍ಕುಮಾರ್ ಇದ್ದರು.