ಮೆಹೆಂದಿಗೆ ಶುಭ ಸಮಾರಂಭಗಳಲ್ಲಿ ಭಾರೀ ಬೇಡಿಕೆ | ಬಸವಕುಮಾರ ಶ್ರೀ

CHITRADURGA NEWS | 28 JUNE 2026

ಚಿತ್ರದುರ್ಗ: ಸೌಂದರ್ಯದ ಪ್ರತೀಕವಾಗಿರುವ ಮೆಹಂದಿಗೆ ಶುಭ ಸಮಾರಂಭಗಳಲ್ಲಿ ಅತಿ ಹೆಚ್ಚಿನ ಮಹತ್ವವಿದೆ ಎಂದು ಮುರುಘಾಮಠದ ಆಡಳಿತ ಮಂಡಳಿ ಸದಸ್ಯ ಡಾ.ಬಸವಕುಮಾರ ಸ್ವಾಮೀಜಿ ಹೇಳಿದರು.

ಇದನ್ನೂ ಓದಿ: ಬಡವರಿಗೆ ಜೈನ ಸಮುದಾಯದಿಂದ ಉತ್ತಮ ಕಾರ್ಯ | ಕೆ.ಸಿ.ವೀರೇಂದ್ರ ಪಪ್ಪಿ

ಮುಸ್ಕಾನ್ ಅವರು ಮೂರು ತಿಂಗಳುಗಳ ಕಾಲ ನಡೆಸಿದ ಮೆಹಂದಿ ತರಬೇತಿಯಲ್ಲಿ ಉತ್ತೀರ್ಣರಾದವರಿಗೆ ಭಾನುವಾರ ಮುರುಘಾ ಮಠದಲ್ಲಿ ಪ್ರಮಾಣ ಪತ್ರ ಹಾಗೂ ಮೆಡಲ್‍ಗಳನ್ನು ವಿತರಿಸಿ ಮಾತನಾಡಿದರು.

ಮೆಹಂದಿ ಕಲೆ, ಸಂಪ್ರದಾಯ, ಪರಂಪರೆಯನ್ನು ಮತ್ತೊಬ್ಬರಿಗೆ ಕಲಿಸುವುದರಿಂದ ಮಹಿಳೆಯರು ಸ್ವಾವಲಂಭಿಗಳಾಗಿ ಆತ್ಮ ಸ್ಥೈರ್ಯದಿಂದ ಬದುಕಬಹುದು. ಯಾರು ಪರಾವಲಂಭಿಗಳಾಗಬಾರದು. ವಿವಾಹ, ಗೃಹ ಪ್ರವೇಶ, ಜನ್ಮದಿನ ಸೇರಿದಂತೆ ಅನೇಕ ಶುಭ ಕಾರ್ಯಗಳಲ್ಲಿ ಮೆಹಂದಿಗೆ ಬೇಡಿಕೆಯಿದೆ. 

ಇತ್ತೀಚಿನ ದಿನಗಳಲ್ಲಿ ಮೆಹಂದಿ ಎನ್ನುವುದು ಕೂಡ ಒಂದು ರೀತಿಯ ಬ್ಯುಸಿನೆಸ್‌ ಆಗಿ ಮಾರ್ಪಟ್ಟಿದೆ. ಮುರುಘಾ ಮಠದಿಂದ ಪ್ರತಿ ವರ್ಷವೂ ನಡೆಯುವ ಶರಣ ಸಂಸ್ಕøತಿ ಉತ್ಸವದಲ್ಲಿ ರಂಗೋಲಿ ಸ್ಪರ್ಧೆ ಆಯೋಜಿಸಲಾಗುವುದು. ಈ ಬಾರಿ ಮೆಹಂದಿ ಸ್ಪರ್ಧೆಯನ್ನು ಏರ್ಪಡಿಸುತ್ತೇವೆ. ಇದಕ್ಕೆ ಬೇಕಾದ ಎಲ್ಲಾ ಸಲಕರಣೆಗಳನ್ನು ಮಠದಿಂದ ನೀಡಲಾಗುವುದು. ಸರ್ವ ಧರ್ಮದವರಿಗೂ ನಮ್ಮ ಮಠದಲ್ಲಿ ಅವಕಾಶವಿದೆ ಎಂದರು.

ಇದನ್ನೂ ಓದಿ: ಕೆಂಪೇಗೌಡರ ದೂರದೃಷ್ಟಿ ಆಡಳಿತ ದಾರಿದೀಪ | ಶಾಸಕ ಕೆ.ಸಿ.ವೀರೇಂದ್ರ ಪಪ್ಪಿ

ಉಪನ್ಯಾಸಕಿ ಲತಾ ಮಾತನಾಡಿ, ಮೆಹಂದಿ ತರಬೇತಿಯಲ್ಲಿ ಎಲ್ಲರೂ ಅತ್ಯುತ್ತಮವಾಗಿ ತಮ್ಮಲ್ಲಿರುವ ಪ್ರತಿಭೆಯನ್ನು ಅನಾವರಣಗೊಳಿಸಿದ್ದಾರೆ. ತೀರ್ಪು ನೀಡುವುದು ತುಂಬಾ ಕಷ್ಟದ ಕೆಲಸ. ಮೆಹಂದಿ ಹಾಕುವುದನ್ನು ಕಲಿಯುವುದರಿಂದ ನೀವುಗಳು ನಿಮ್ಮ ಕಾಲ ಮೇಲೆ ನಿಂತು ಸ್ವಾವಲಂಭಿಗಳಾಗಿ ಬದುಕಬಹುದು ಎಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಮಹಮದ್ ಖಾಸಿಂ ಇದ್ದರು.