ವೆಸ್ಟ್ ಎಂದು ಎಸೆಯುವ ಈರುಳ್ಳಿ ಸಿಪ್ಪೆ ಎಷ್ಟು ಪ್ರಯೋಜನಕಾರಿ ಗೊತ್ತಾ?

CHITRADURGA NEWS | 30 MARCH 2026

ಪ್ರತಿದಿನ ಅಡುಗೆ ಮಾಡುವಾಗ ಬಹಳಷ್ಟು ತರಕಾರಿ ಮತ್ತು ಹಣ್ಣಿನ ಸಿಪ್ಪೆಗಳನ್ನು ಜನರು ನಿಷ್ಪ್ರಯೋಜಕವೆಂದು ಭಾವಿಸಿ ಹೊರಗೆ ಎಸೆಯುತ್ತಾರೆ. ಆದರೆ ಜನರಿಗೆ ಇದು ತುಂಬಾ ಪ್ರಯೋಜನಕಾರಿ ಎಂದು ತಿಳಿದಿಲ್ಲ. ಅದರಲ್ಲಿ ಮುಖ್ಯವಾದುದು ಈರುಳ್ಳಿ ಸಿಪ್ಪೆ. ಈ ಸಿಪ್ಪೆಗಳನ್ನು ಸೌಂದರ್ಯ, ತೋಟಗಾರಿಕೆ ಮತ್ತು ಮನೆ ಶುಚಿಗೊಳಿಸುವಂತಹ ಕೆಲಸಗಳಲ್ಲಿ ಬಳಸಬಹುದು. ಆ್ಯಂಟಿ ಆಕ್ಸಿಡೆಂಟ್‍ಗಳು, ಜೀವಸತ್ವಗಳು ಮತ್ತು ಇತರ ಅನೇಕ ಪೋಷಕಾಂಶಗಳು ಈರುಳ್ಳಿ ಸಿಪ್ಪೆಯಲ್ಲಿ ಕಂಡುಬರುತ್ತವೆ. ಇದರಿಂದಾಗಿ ಇದು ತುಂಬಾ ಉಪಯುಕ್ತವಾಗಿದೆ. ಹಾಗಾದ್ರೆ ಈ ಸಿಪ್ಪೆಗಳನ್ನು ಹೇಗೆ ಬಳಸಿಕೊಳ‍್ಳಬಹುದು ಎಂಬುದನ್ನು ತಿಳಿಯೋಣ.

 ನೈಸರ್ಗಿಕ ಗೊಬ್ಬರ

ನೀವು ಈರುಳ್ಳಿ ಸಿಪ್ಪೆಗಳನ್ನು ಕಸ ಎಂದು ಭಾವಿಸಿ ಎಸೆಯುವ ಬದಲು ಅವುಗಳನ್ನು ನೈಸರ್ಗಿಕ ಗೊಬ್ಬರವಾಗಿಯೂ ಬಳಸಬಹುದು. ಇದು ಸಸ್ಯಗಳ ಬೆಳವಣಿಗೆಗೆ ಅತ್ಯಗತ್ಯ. ಇದನ್ನು ಸೇರಿಸುವುದರಿಂದ ಗಿಡಗಳ ಎಲೆಗಳು ಹಸಿರಾಗಿ ಉಳಿಯುತ್ತವೆ.

ಕೂದಲು 

ಈರುಳ್ಳಿ ಸಿಪ್ಪೆಗಳು ನಿಮ್ಮ ಕೂದಲಿಗೆ ತುಂಬಾ ಪ್ರಯೋಜನಕಾರಿ. ಈ ಸಿಪ್ಪೆಗಳಿಗೆ ನೀರು ಸೇರಿಸಿ ಕುದಿಸಿ. ಬೇಯಿಸಿದ ನಂತರ, ಅದನ್ನು ತಣ್ಣಗಾಗಲು ಬಿಡಿ. ಇದನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲನ್ನು ಹೊಳೆಯುವಂತೆ, ಉದ್ದವಾಗಿ ಮತ್ತು ದಪ್ಪವಾಗಿ ಮಾಡುತ್ತದೆ.

ಚಹಾ 

ಈರುಳ್ಳಿ ಸಿಪ್ಪಯಿಂದ ಚಹಾವನ್ನು ತಯಾರಿಸಿ ಕುಡಿಯಬಹುದು. ಬೊಜ್ಜು ಕಡಿಮೆ ಮಾಡುವುದರ ಜೊತೆಗೆ, ಇದು ಅಲರ್ಜಿಗಳು, ಸೋಂಕುಗಳು ಮತ್ತು ಅಧಿಕ ರಕ್ತದೊತ್ತಡದಂತಹ ಸಮಸ್ಯೆಗಳಿಂದ ಪರಿಹಾರವನ್ನು ನೀಡುತ್ತದೆ.

ಚರ್ಮ

ಈರುಳ್ಳಿ ಸಿಪ್ಪೆಗಳು ನಿಮ್ಮ ಚರ್ಮಕ್ಕೆ ಅತ್ಯಂತ ಪ್ರಯೋಜನಕಾರಿ. ಈರುಳ್ಳಿ ಸಿಪ್ಪೆಗಳು ಚರ್ಮಕ್ಕೆ ಅತ್ಯುತ್ತಮವಾದ ಆ್ಯಂಟಿ ಆಕ್ಸಿಡೆಂಟ್‍ಗಳನ್ನು ಹೊಂದಿರುತ್ತವೆ. ಸಿಪ್ಪೆಗಳನ್ನು ನೀರಿನಲ್ಲಿ ಕುದಿಸಿ ಮತ್ತು ನೀರು ತಣ್ಣಗಾದ ನಂತರ ಅದನ್ನು ನಿಮ್ಮ ಚರ್ಮಕ್ಕೆ ಹಚ್ಚಿ.

ಮನೆ ಸ್ವಚ್ಛಗೊಳಿಸಲು

ಮನೆ ಸ್ವಚ್ಛಗೊಳಿಸಲು ಈರುಳ್ಳಿ ಸಿಪ್ಪೆಗಳನ್ನು ಸಹ ಬಳಸಬಹುದು. ಈರುಳ್ಳಿ ಸಿಪ್ಪೆಗಳನ್ನು ನೀರಿನಲ್ಲಿ ಕುದಿಸಿ ನಂತರ ಆ ನೀರನ್ನು ಅಡುಗೆಮನೆ ಸ್ವಚ್ಛಗೊಳಿಸಲು ಬಳಸಿ. ಇದರಿಂದ ಸ್ವಚ್ಛಗೊಳಿಸುವುದರಿಂದ ವಾಸನೆ ನಿವಾರಣೆಯಾಗುತ್ತದೆ. ನೀವು ಇದನ್ನು ಪ್ರತಿದಿನವೂ ಬಳಸಬಹುದು.