ಗ್ಯಾಸ್‌ ಗೀಜರ್‌ ಲೀಕೇಜ್‌ | ಬಿಎಸ್ಸಿ ವಿದ್ಯಾರ್ಥಿನಿ ಸಾವು

CHITRADURGA NEWS | 30 DECEMBER 2025

ಚಿತ್ರದುರ್ಗ: ಗ್ಯಾಸ್‌ ಗೀಜರ್‌ ಬಳಸುವ ಪ್ರತಿಯೊಬ್ಬರೂ ಒಮ್ಮೆ ಓದಲೇಬೇಕಾದ ಸುದ್ದಿ ಇದು. ಹೌದು ಬಿಸಿ ನೀರು ಕಾಯಿಸಿಕೊಳ್ಳಲು ಸಾಕಷ್ಟು ಜನ ಗ್ಯಾಸ್‌ ಗೀಜರ್‌ ಬಳಕೆ ಮಾಡುತ್ತೇವೆ. ಆದರೆ. ಅದರಿಂದ ಹೊರಹೊಮ್ಮುವ ವಿಷಾನಿಲ ಲೀಕ್‌ ಆದರೆ ಪ್ರಾಣಕ್ಕೆ ಕುತ್ತು ಎನ್ನುವುದು ಸತ್ಯ.

ಇಂಥದ್ದೇ ಒಂದು ಘಟನೆ ಚಿತ್ರದುರ್ಗದಲ್ಲಿ ನಡೆದಿದ್ದು, ಬಿಎಸ್ಸಿ ವಿದ್ಯಾರ್ಥಿನಿ ಮೃತಪಟ್ಟಿದ್ದಾರೆ. ಚಿತ್ರದುರ್ಗ ಚಳ್ಳಕೆರೆ ರಸ್ತೆಯ ವಿನಾಯಕ ಕಲ್ಯಾಣ ಮಂಟಪದ ಬಳಿ ಮನೆಯೊಂದರಲ್ಲಿ ಈ ಘಟನೆ ನಡೆದಿದೆ.

ಇದನ್ನೂ ಓದಿ: ಬೈಕ್‌ ಅಪಘಾತದಲ್ಲಿ ASI ಸಾವು | ಮತ್ತೋರ್ವ ಸಿಬ್ಬಂದಿಗೆ ಗಾಯ

ಬಿಎಸ್ಸಿ ಓದುತ್ತಿದ್ದ ನೂತನ್‌ ಎಂಬ ವಿದ್ಯಾರ್ಥಿನಿ ಗೀಜರ್‌ನಿಂದ ಲೀಕೇಜ್‌ ಆದ ಗ್ಯಾಸ್‌ನಿಂದ ಉಸಿರುಗಟ್ಟಿ ಮೃತಪಟ್ಟಿದ್ದಾರೆ. ಸ್ನಾನ ಮಾಡುವ ಕೋಣೆಯ ಎಲ್ಲ ಕಿಟಕಿ ಹಾಗೂ ಬಾಗಿಲು ಮುಚ್ಚಿದ್ದರಿಂದ ಉಸಿರುಗಟ್ಟಿದ್ದ ಯುವತಿ, ಹೊರಗೆ ಬರಲಾಗದೆ ಅಸ್ವಸ್ಥಳಾಗಿದ್ದಾರೆ.

ನಗರದ ಖಾಸಗಿ ಕಾಲೇಜಿನಲ್ಲಿ ನೂತನ ಎರಡನೇ ವರ್ಷದ ಬಿಎಸ್ಸಿ ಅಧ್ಯಯನ ಮಾಡುತ್ತಿದ್ದಳು. ಮಂಗಳವಾರ ಬೆಳಗ್ಗೆ ಸ್ನಾನಕ್ಕೆ ಹೋದಾಗ ನೀರು ಬಿಟ್ಟಿದ್ದು, ಬಾಗಿಲು ಮುಚ್ಚಿದ್ದಾರೆ. ಈ ವೇಳೆ ಗ್ಯಾಸ್‌ ಸೋರಿಕೆಯಾಗಿ ತೀವ್ರ ಅಸ್ವಸ್ಥಗೊಂಡ ಯುವತಿಯನ್ನು ಜಿಲ್ಲಾ ಆಸ್ಪತ್ರೆಗೆ ಕರೆತಂದಿದ್ದು, ಮಾರ್ಗ ಮಧ್ಯೆ ಮೃತಪಟ್ಟಿದ್ದಾರೆ. ಘಟನಾ ಸ್ಥಳಕ್ಕೆ ಬಡಾವಣೆ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಇದನ್ನೂ ಓದಿ: ಚಿತ್ರದುರ್ಗ ಮಾರುಕಟ್ಟೆಯಲ್ಲಿ ಇಂದಿನ ಹತ್ತಿ ರೇಟ್ ಎಷ್ಟಿದೆ?

ಬೈಕಿನಲ್ಲಿ ಮೃತದೇಹ ರವಾನೆ:

ಇನ್ನೂ ಜಿಲ್ಲಾ ಆಸ್ಪತ್ರೆಗೆ ಕರೆತಂದಿದ್ದ ಪೋಷಕರು, ಮೃತ ದೇಹವನ್ನು ಬೈಕಿನಲ್ಲೇ ತೆಗೆದುಕೊಂಡು ಹೋದರು. ಸಾವಿನ ಬಗ್ಗೆ ಯಾವುದೇ ಅನುಮಾನ ಇಲ್ಲ ಎಂದು ಮೃತ ಯುವತಿ ತಂದೆ ಪೊಲೀಸರಿಗೆ ತಿಳಿಸಿದ್ದಾರೆ ಎನ್ನಲಾಗಿದೆ.