ಹೊಸ ವರ್ಷಾಚರಣೆ | ಪೊಲೀಸ್‌ ಇಲಾಖೆಯಿಂದ ಮಹತ್ವದ ಸೂಚನೆ

CHITRADURGA NEWS | 31 DECEMBER 2025

• ಜಿಲ್ಲಾ ಪೊಲೀಸ್ ಇಲಾಖೆಯಿಂದ ಸಾರ್ವಜನಿಕರಲ್ಲಿ ಮನವಿ ಮಾಡಿಕೊಳ್ಳುವುದೇನೆಂದರೆ ಹೊಸವರ್ಷ ವನ್ನು ಶಾಂತಿಯುತವಾಗಿ ಆಚರಿಸೋಣ ಹಾಗೂ ಯಾವುದೇ ರೀತಿಯ ತೊಂದರೆಯಾಗದಂತೆ, ಅಹಿತಕರ ಘಟನೆ ನಡೆಯದಂತೆ ಸಂಭ್ರಮದಿಂದ ಆಚರಿಸೋಣ.

• ಹೊಸವರ್ಷ ಆಚರಣೆ ಸಮಯದಲ್ಲಿ ಅಕ್ಕಪಕ್ಕದ ಜನರಿಗೆ ತೊಂದರೆಯಾಗದಂತೆ ವಿಶೇಷವಾಗಿ ಆಸ್ಪತ್ರೆಗಳು, ಹಿರಿಯ ನಾಗರೀಕರಿಗೆ, ಮಹಿಳೆಯರಿಗೆ/ಹೆಣ್ಣುಮಕ್ಕಳಿಗೆ, ವಿದ್ಯಾರ್ಥಿಗಳಿಗೆ ತೊಂದರೆಯಾಗದಂತೆ ಸೂಕ್ತ ಎಚ್ಚರವಹಿಸಬೇಕು ನಿಯಮಗಳನ್ನು ಉಲ್ಲಂಘಿಸುವವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.

• ಸಾರ್ವಜನಿಕ/ಜನಸಂದಣಿ ಪ್ರದೇಶದಲ್ಲಿ ಅರಚುವುದು, ಕೂಗುವುದು, ಅಸಭ್ಯವರ್ತನೆ, ಪಟಾಕಿಗಳನ್ನು ಸಿಡಿಸಬಾರದು ಯಾವುದೇ ಅಗ್ನಿ ಅವಘಡಗಳು ಆಗದಂತೆ ಮುನ್ನೆಚರಿಕೆ ಕ್ರಮ ತೆಗೆದುಕೊಳ್ಳುವುದು.

• ಕುಡಿದು ವಾಹನ ಚಲಾವಣೆ ಮಾಡುವಂತಿಲ್ಲ, ಚಲಾಯಿಸುವವರ ವಿರುದ 10,000 ರೂ ದಂಡ ವಿರುತ್ತದೆ.

• ನಗರದ ಎಲ್ಲಾ ಕಡೆಗಳಲ್ಲಿ ತೀವ್ರ ನಿಗಾ ಇಡಲು ಹೆಚ್ಚಿನ ಸಿಸಿಟಿವಿ ಕ್ಯಾಮರಗಳೂ ಹಾಗೂ ಸಿಬ್ಬಂದಿಯವರು ಮತ್ತು ಡೋನ್ ಕ್ಯಾಮೆರಗಳನ್ನು ಬಳಸಲಾಗಿರುತ್ತದೆ.

• ರಸ್ತೆಯಲ್ಲಿ ವೀಲಿಂಗ್ ಮಾಡುವುದು, ಕೇಕ್ ಕಟ್ ಮಾಡುವುದು, ಸಾರ್ವಜನಿಕರಿಗೆ ತೊಂದರೆಯಾಗುವಂತೆ ವರ್ತಿಸುವಂತಿಲ್ಲ.

• ನೈತಿಕ ಪೊಲೀಸ್‌ಗಿರಿ ಮತ್ತು ಅನುಚಿತ ವರ್ತನೆ ಮಾಡುವವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು.

• ಈ ಹೊಸವರ್ಷ ಆಚರಣೆಯಲ್ಲಿ ಪ್ರತಿಯೊಬ್ಬ ನಾಗರಿಕನ ಸುರಕ್ಷತೆ ಮೊದಲೆ ಆದ್ಯತೆ ಆಗಿದ್ದು, ತುಂಬಾ ಕರ್ನಾಟಕ ಸರ್ಕಾರದ ನಿರ್ದೇಶನದಂತೆ ಹೊಸವರ್ಷವನ್ನು ಜವಾಬ್ದಾರಿತವಾಗಿ ಜಾಗರುಕತೆಯಿಂದ ಆಚರಿಸೋಣ.

• ಮುಖ್ಯವಾಗಿ ಯುವ ಜನತೆ ವಾಹನವನ್ನು ಮದ್ಯಪಾನ ಮಾಡಿ ಚಾಲನೆ ಮಾಡುವುದು ಮತ್ತು ಅತಿ ವೇಗ ಮತ್ತು ಆಜಾಗರೂಕತೆಯಿಂದ ಚಾಲನೆ ಮಾಡುವಂತಿಲ್ಲ.

• ಜಿಲ್ಲಾ ಪೊಲೀಸ್ ಇಲಾಖೆಯ ಅಧಿಕಾರಿ ಮತ್ತು ಸಿಬ್ಬಂಧಿಗಳು ಹೊಸವರ್ಷ ದಲ್ಲಿ ಸೂಕ್ತ ಬಂದೋಬಸ್ತ್ ಹಾಗೂ ಹಾಗೂ ಆಚರಣೆಯ ಮೇಲೆ ಕಣ್ಣಾವಲು ಇಟ್ಟಿರುತ್ತಾರೆ.

• ಹೊಸವರ್ಷ ಆಚರಣೆಯ ಕಾರ್ಯಕ್ರಮದ ಆಯೋಜಕರು ಹಾಗೂ ಸಾರ್ವಜನಿಕರು ನಿಗದಿತ ಸಮಯಕ್ಕೆ ಮುಕ್ತಾಯ ಮಾಡುವುದು.

• ಯಾವುದೇ ಸಣ್ಣಪುಟ್ಟ ಘಟನೆಗಳು ಸಂಭವಿಸಿದ್ದಲ್ಲಿ ಅಥವಾ ಯಾವುದೇ ರೀತಿಯ ತುರ್ತು ಪರಿಸ್ಥಿತಿಯ ಸಂದರ್ಭದಲ್ಲಿ ಡಯಲ್-112 ಗೆ ಹಾಗೂ ಜಿಲ್ಲಾ ನಿಯಂತ್ರಣ ಕೊಠಡಿ ಸಂಖ್ಯೆ 9480803100 ಗೆ ಕರೆ ಮಾಡಿ ಸಹಾಯ ಪಡೆಯಬಹುದು.