ದುರ್ಗದಲ್ಲಿ ರಾತ್ರಿ ಭರ್ಜರಿ ಮಳೆ | ತುಂಬಿದ ನದಿಯಂತಾದ ಬಿ.ಡಿ.ರಸ್ತೆ | ಸಿ.ಸಿ. ರಸ್ತೆಯಾದರೂ ಬಗೆಹರಿಯದ ಸಮಸ್ಯೆ

CHITRADURGA NEWS | 19 MAY 2026

ಚಿತ್ರದುರ್ಗ: ಬಿಸಿಲ ಬೇಗೆಗೆ ಬೆಂದು ಹೋಗಿದ್ದ ಕೋಟೆನಾಡು ಚಿತ್ರದುರ್ಗ ಜಿಲ್ಲೆ ಮೇಲೆ ಮಳೆರಾಯ ಕೃಪೆ ತೋರಿಸಿದ್ದಾನೆ.

ಕಳೆದೊಂದು ವಾರದಿಂದ ಜಿಲ್ಲೆಯ ವಿವಿಧೆಡೆಗಳಲ್ಲಿ ಮಳೆಯಾಗುತ್ತಿದೆ. ಸೋಮವಾರ ರಾತ್ರಿ ಚಿತ್ರದುರ್ಗ ನಗರ ಸೇರಿದಂತೆ ಜಿಲ್ಲೆಯಾದ್ಯಂತ ಸಾಕಷ್ಟು ಮಳೆಯಾಗಿದೆ.

ಇದನ್ನೂ ಓದಿ:ನಾಳೆ ಚಿತ್ರದುರ್ಗ ನಗರದಲ್ಲಿ ವಿದ್ಯುತ್ ವ್ಯತ್ಯಯ | ಈ ಏರಿಯಾಗಳಲ್ಲಿ ಕರೆಂಟ್ ಇರಲ್ಲ 

ಚಿತ್ರದುರ್ಗ ನಗರದಲ್ಲಿ ಸುಮಾರು ಮುಕ್ಕಾಲು ಗಂಟೆ ಸತತ ಸುರಿದ ಮಳೆಯಿಂದ ಎಲ್ಲೆಲ್ಲೂ ನೀರು ಎನ್ನುವಂತಹ ಸ್ಥಿತಿ ನಿರ್ಮಾಣವಾಗಿತ್ತು.

ನದಿಯಂತಾದ ಬಿ.ಡಿ.ರಸ್ತೆ:

ಚಿತ್ರದುರ್ಗ ನಗರದ ಮುಖ್ಯರಸ್ತೆ ಬಿ.ಡಿ.ರೋಡ್‌ನಲ್ಲಿ ರಾತ್ರಿ ಸುರಿದ ಮಳೆ ಅವಾಂತರವನ್ನೇ ಸೃಷ್ಟಿಸಿತ್ತು. ಈ ಹಿಂದೆ ಸಿ.ಸಿ ರಸ್ತೆ ನಿರ್ಮಾಣಕ್ಕೂ ಮೊದಲು ಸಣ್ಣ ಮಳೆಗೂ ಈ ರಸ್ತೆಯಲ್ಲಿ ನೀರು ನಿಂತು ರಸ್ತೆ ದಾಟುವುದೇ ಸಮಸ್ಯೆ ಆಗುತ್ತಿತ್ತು.

ಸಣ್ಣ ವಾಹನ ಹೋದರೂ ಅಕ್ಕಪಕ್ಕದ ಅಂಗಡಿ ಮಳಿಗೆಗಳಿಗೆ ನೀರು ನುಗ್ಗುತ್ತಿತ್ತು. ಸಾಕಷ್ಟು ಬಾರಿ ಅಂಗಡಿಗಳಿಗೆ ನೀರು ನುಗ್ಗೆ ನಷ್ಟ ಅನುಭವಿಸಿದ ಘಟನೆಗಳು ನಡೆದಿವೆ. ಈ ನಡುವೆ ನಗರದಲ್ಲಿ ಸಿ.ಸಿ.ರಸ್ತೆ ನಿರ್ಮಾಣವಾಯಿತು.

ಇದನ್ನೂ ಓದಿ: ಜಿಲ್ಲಾ ಯಾದವ ಗೊಲ್ಲರ ಸಂಘದ ಚುನಾವಣೆ | ನಿರ್ದೇಶಕರಾಗಿ 15 ಜನ ಆಯ್ಕೆ

ಬಿ.ಡಿ.ರಸ್ತೆಯಲ್ಲೂ ಭರ್ಜರಿಯಾಗಿ ಹೊಸ ರಸ್ತೆ ನಿರ್ಮಾಣವಾಗಿದೆ. ಅಕ್ಕಪಕ್ಕದಲ್ಲಿ ಚರಂಡಿಯೂ ನಿರ್ಮಾಣವಾಗಿದೆ ಆದರೆ, ನೀರು ಮಾತ್ರ ಚರಂಡಿಗೆ ಇಳಿಯುವಂತೆ ಕಾಣಿಸುತ್ತಿಲ್ಲ.

ಮಕ್ಕಳ ಸಮೇತ ನೀರಲ್ಲಿ ಬಿದ್ದ ದಂಪತಿ:

ರಾತ್ರಿ ಸುರಿದ ಭರ್ಜರಿ ಮಳೆ ತುಸು ಕಡಿಮೆಯಾಗುತ್ತಲೇ ಇಬ್ಬರು ಪುಟ್ಟ ಮಕ್ಕಳ ಸಮೇತ ಮನೆಗೆ ತೆರಳುತ್ತಿದ್ದ ಕುಟುಂಬ ಸ್ಕೂಟಿ ಸಮೇತ ನೀರಲ್ಲಿ ಬಿದ್ದ ಘಟನೆ ವೀಡಿಯೋದಲ್ಲಿ ಸೆರೆಯಾಗಿದೆ.

ಇದನ್ನೂ ಓದಿ:

ಮೊಳಕಾಲುದ್ದ ನೀರು ನಿಂತರೆ ವಾಹನಗಳು ಓಡಾಡುವುದಾದರೂ ಹೇಗೆ ಎಂದು ಚಿತ್ರದುರ್ಗ ನಿವಾಸಿಗಳು ನಗರಸಭೆ ಹಾಗೂ ಜಿಲ್ಲಾಡಳಿತದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಣ್ಣ ಮಳೆಗೂ ಹೀಗಾದರೆ ಮುಂದೇನು ಗತಿ ಎಂದು ಅಸಮಧಾನ ವ್ಯಕ್ತಪಡಿಸಿದ್ದಾರೆ.