ನಿಮ್ಮ ಕಣ್ಣಿನ ಚೀಲಗಳು ಸಹ ನಿಮ್ಮ ಆರೋಗ್ಯದ ಬಗ್ಗೆ ತಿಳಿಸುತ್ತವೆಯಂತೆ

CHITRADURGA NEWS | 24 JUNE 2026

ನಿಮ್ಮ ಕಣ್ಣುಗಳ ಸುತ್ತಲಿನ ಚರ್ಮಕ್ಕೆ ಕಣ್ಣಿನ ಚೀಲಗಳು ಎನ್ನಲಾಗುತ್ತದೆ. ಈ ಚರ್ಮಗಳು ಆಗಾಗ ಊದಿಕೊಳ್ಳುವುದನ್ನು ನಾವು ನೋಡಿರುತ್ತೇವೆ. ಇದು ಹೆಚ್ಚಿನ ಸಂಖ್ಯೆಯ ಜನರಲ್ಲಿ ಕಂಡುಬರುವ ಸಾಮಾನ್ಯ ಸೌಂದರ್ಯ ಸಮಸ್ಯೆಯಾಗಿದೆ. ಕಣ್ಣುಗಳ ಸುತ್ತಲೂ ಊತ ಉಂಟಾಗಲು ಹಲವು ಕಾರಣಗಳಿರಬಹುದು. ಆದರೆ ಪ್ರಾಥಮಿಕ ಕಾರಣಗಳು ವಯಸ್ಸಾಗುವುದು, ಆನುವಂಶಿಕತೆ, ಅಲರ್ಜಿಗಳು, ಗಾಯಗಳು ಅಥವಾ ನಿದ್ರೆಯ ಕೊರತೆಯಂತಹ ಅನೇಕ ಸಾಮಾನ್ಯ ಅಂಶಗಳಾಗಿವೆ. ಆದರೆ ನಮ್ಮ ದೇಹದಲ್ಲಿ ಕೆಲವು ಸಮಸ್ಯೆಗಳಿದ್ದಾಗ ಕೂಡ ಕಣ್ಣಿನ ಚೀಲಗಳು ಊದಿಕೊಳ್ಳುತ್ತವೆಯಂತೆ. ಹಾಗಾದ್ರೆ ಅವು ಯಾವುವು ಎಂಬುದನ್ನು ತಿಳಿದುಕೊಳ್ಳಿ. 

ನಿದ್ರಾಹೀನತೆ ಸಮಸ್ಯೆ 

ಸ್ಪಷ್ಟವಾಗಿ, ಮೇಲಿನ ಮತ್ತು ಕೆಳಗಿನ ಕಣ್ಣುರೆಪ್ಪೆಗಳು ನಿದ್ರಾಹೀನತೆಗೆ ಸಂಬಂಧಿಸಿವೆ. ಕೆಲವೊಮ್ಮೆ ಅವು ಊದಿಕೊಂಡು ಹೊಳೆಯುವಂತೆ ಕಾಣುತ್ತವೆ. ಈ ವೇಳೆ ನೀವು ಅತಿಸಾರ, ನಿದ್ರಾಹೀನತೆ, ಶಕ್ತಿಯ ಕೊರತೆ ಮತ್ತು ಸ್ಮರಣಶಕ್ತಿಯ ನಷ್ಟದಂತಹ ಇತರ ಲಕ್ಷಣಗಳು ಕಂಡುಬಂದರೆ ನಿಮ್ಮ ನಿದ್ರೆಯ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ನಿದ್ರಾಹೀನತೆಯನ್ನು ನಿವಾರಿಸಲು ಸಿಹಿ ಗೆಣಸು, ಚೆಸ್ಟ್ನಟ್, ಕೆಂಪು ಖರ್ಜೂರ, ಗೆಣಸು ಮತ್ತು ಬಾರ್ಲಿ ಬಳಸಿ. ನೀವು ಈ ಪದಾರ್ಥಗಳನ್ನು ಪುಡಿಮಾಡಿ ನೀರಿನೊಂದಿಗೆ ಬೆರೆಸಬಹುದು ಅಥವಾ ಆಹಾರದೊಂದಿಗೆ ಬೆರೆಸಬಹುದು. ಅಥವಾ ತಾಜಾ ಹಾಲನ್ನು ಐಸ್ ನೀರಿನೊಂದಿಗೆ ಬೆರೆಸಿ, ಅದರಲ್ಲಿ ಹತ್ತಿಯನ್ನು ಅದ್ದಿ, ನೀರನ್ನು ನಿಧಾನವಾಗಿ ಹಿಂಡಿ ನಿಮ್ಮ ಕಣ್ಣುಗಳ ಮೇಲೆ 15 ನಿಮಿಷಗಳ ಕಾಲ ಇಟ್ಟುಕೊಳ್ಳಿ.

ಕಿಡ್ನಿ ಸಮಸ್ಯೆಗಳು

ಕಿಡ್ನಿ ಸಮಸ್ಯೆ ಇದ್ದಾಗ ಕಣ್ಣಿನ ಚೀಲಗಳಲ್ಲಿ ಹಸಿರು ಬಣ್ಣದ ಗುರುತುಗಳು ಕಾಣುತ್ತವೆ. ಅದರ ಜೊತೆಗೆ ನೀವು ಹುಣ್ಣುಗಳು, ಊದಿಕೊಂಡ ಕುತ್ತಿಗೆ ಸ್ನಾಯುಗಳು, ದುರ್ಬಲ ಕಾಲುಗಳು, ಆಗಾಗ್ಗೆ ಮೂತ್ರ ವಿಸರ್ಜನೆ ಮತ್ತು ಬಿಳಿ ಲೇಪನದೊಂದಿಗೆ ಊದಿಕೊಂಡ ನಾಲಿಗೆ ಲಕ್ಷಣಗಳು ಕಂಡುಬಂದರೆ ನಿಮ್ಮ ಮೂತ್ರಪಿಂಡಗಳ ಬಗ್ಗೆ ನೀವು ಹೆಚ್ಚಿನ ಕಾಳಜಿ ವಹಿಸಬೇಕೆಂದು ಸೂಚಿಸುತ್ತವೆ. ಮೂತ್ರಪಿಂಡಗಳು ರಕ್ತವನ್ನು ಶುದ್ಧೀಕರಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಆದ್ದರಿಂದ, ಬೆರಿ ಹಣ್ಣುಗಳಂತಹ ಆ್ಯಂಟಿ ಆಕ್ಸಿಡೆಂಟ್‍ಗಳಿಂದ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವುದರಿಂದ ಅಂತಹ ಕಣ್ಣಿನ ಚೀಲಗಳನ್ನು ನಿವಾರಿಸಲು ನಿಮಗೆ ಸಹಾಯ ಮಾಡುತ್ತದೆ.

ಅಳುವುದು

ಸಾಮಾನ್ಯವಾಗಿ ನೀವು ಅತಿಯಾಗಿ ಅತ್ತಾಗ ಕಣ್ಣಿನ ಚೀಲಗಳಲ್ಲಿ ಊತ ಉಂಟಾಗುತ್ತದೆ. ಈ ಕಣ್ಣಿನ ಚೀಲಗಳು ಸಾಮಾನ್ಯವಾಗಿ ಉಬ್ಬಿದ ನೋಟವನ್ನು ಹೊಂದಿರುತ್ತವೆ. ಕಣ್ಣುಗಳ ಸುತ್ತಲಿನ ಚರ್ಮವು ಬಿಗಿಯಾಗುವುದು ಮತ್ತು ಕಣ್ಣುರೆಪ್ಪೆಗಳು ಊದಿಕೊಳ್ಳುತ್ತದೆ. ಆದರೆ ಈ ಸಮಸ್ಯೆ ಕೆಲವು ಗಂಟೆಗಳ ನಂತರ ತಾನಾಗಿಯೇ ಮಾಯವಾಗುತ್ತವೆ. ಕೆಲವೊಮ್ಮೆ, ನಿಮ್ಮ ಕಣ್ಣುಗಳ ಕೆಳಗೆ ಡಾರ್ಕ್ ಸರ್ಕಲ್‍ಗಳನ್ನು ಸಹ ನೀವು ಗಮನಿಸಬಹುದು. ಅವುಗಳನ್ನು ಗುಣಪಡಿಸಲು, ಐಸ್ ಕ್ಯೂಬ್‌ಗಳು, ಟೀ ಬ್ಯಾಗ್‌ಗಳು ಮತ್ತು ಕಣ್ಣಿನ ಮಾಸ್ಕ್‌ಗಳನ್ನುಬಳಸುವ ಮೂಳಕ ನಿವಾರಿಸಿಕೊಳ್ಳಬಹುದು.