ಮಲಗುವ ಕೋಣೆಯಲ್ಲಿರುವ ಈ ವಸ್ತುಗಳು ನಿಮ್ಮ ಆರೋಗ್ಯವನ್ನು ಕೆಡಿಸುತ್ತವೆಯಂತೆ ಎಚ್ಚರ

CHITRADURGA NEWS | 28 JULY 2025

ಕೆಲವರು ಪ್ರತಿದಿನ ಬೆಳಿಗ್ಗೆ ಎದ್ದ ನಂತರ ಆಗಾಗ್ಗೆ ಅಲರ್ಜಿ, ಶೀತ ಅಥವಾ ಉಸಿರಾಟದ ತೊಂದರೆಗಳನ್ನು ಅನುಭವಿಸುತ್ತಾರೆ. ಆದರೆ ಇದಕ್ಕೆ ಕಾರಣ ವಾತಾವರಣ ಬದಲಾವಣೆ ಎಂದು ನಾವು ಭಾವಿಸುತ್ತೇವೆ. ಆದರೆ ಇದಕ್ಕೆ ನಿಮ್ಮ ಬೆಡ್‍ ರೂಂನಲ್ಲಿರುವ ಕೆಲವು ವಸ್ತುಗಳು ಕಾರಣವಂತೆ. ಹಾಗಾದ್ರೆ ಆ ವಸ್ತುಗಳು ಯಾವುದೆಂಬುದನ್ನು ತಿಳಿದುಕೊಂಡು ಇಂದೇ ಅವುಗಳನ್ನು ಹೊರಗೆ ಹಾಕಿ.

ಹಳೆಯ ದಿಂಬುಗಳು

ನಿಮ್ಮ ಬೆಡ್‍ರೂಂನಲ್ಲಿ ಬಳಸುವ ದಿಂಬಗಳು ನಿಮ್ಮ ಆರೋಗ್ಯವನ್ನು ಕೆಡಿಸುತ್ತವೆಯಂತೆ.1-2 ವರ್ಷಗಳಿಗಿಂತ ಹಳೆಯದಾದ ದಿಂಬುಗಳು ಅಲರ್ಜಿ ಮತ್ತು ಆಸ್ತಮಾಕ್ಕೆ ಕಾರಣವಾಗಬಹುದು ಎಂದು ವೈದ್ಯರು ಹೇಳುತ್ತಾರೆ. ಯಾಕೆಂದರೆ ಧೂಳಿನ ಕಣಗಳು ಕಾಲಾನಂತರದಲ್ಲಿ ದಿಂಬುಗಳಲ್ಲಿ ಸೇರಿಕೊಳ್ಳುತ್ತವೆ. ಇವು ಅಲರ್ಜಿ ಮತ್ತು ಉಸಿರಾಟದ ಸಮಸ್ಯೆಗಳನ್ನು ಉಂಟುಮಾಡಬಹುದು. 

ನಮ್ಮ ಬೆವರು, ಮುಖದ ಎಣ್ಣೆಯ ತೇವಾಂಶ ದಿಂಬಿನಲ್ಲಿ ಸಂಗ್ರಹವಾಗುತ್ತದೆ. ಇದು ಬ್ಯಾಕ್ಟೀರಿಯಾ ಮತ್ತು ಶಿಲೀಂಧ್ರಗಳು ಬೆಳೆಯಲು ಸೂಕ್ತವಾದ ವಾತಾವರಣವನ್ನು ಸೃಷ್ಟಿಸುತ್ತದೆ. ಹಾಗಾಗಿ ಪ್ರತಿ 1-2 ವರ್ಷಗಳಿಗೊಮ್ಮೆ ನಿಮ್ಮ ದಿಂಬುಗಳನ್ನು ಬದಲಾಯಿಸಿ. ನಿಯಮಿತವಾಗಿ ದಿಂಬುಗಳನ್ನು ತೊಳೆಯಿರಿ ಮತ್ತು ಸೂರ್ಯನ ಬೆಳಕಿನಲ್ಲಿ ಒಣಗಿಸಿ.

ಸಿಂಥೆಟಿಕ್ ಏರ್ ಫ್ರೆಶ್‌ನರ್‌ಗಳು

ನಮ್ಮ ಮಲಗುವ ಕೋಣೆಗೆ ಉತ್ತಮ ವಾಸನೆಯನ್ನು ನೀಡಲು ನಾವು ಆಗಾಗ್ಗೆ ಏರ್ ಫ್ರೆಶ್ನರ್‌ಗಳನ್ನು ಬಳಸುತ್ತೇವೆ. ಆದರೆ ಈ ಪರಿಮಳಯುಕ್ತ ಸ್ಪ್ರೇಗಳು ವಾಸ್ತವವಾಗಿ ಹಾನಿಕಾರಕ ರಾಸಾಯನಿಕಗಳಿಂದ ತುಂಬಿರುತ್ತವೆ. 

ಸಿಂಥೆಟಿಕ್ ಏರ್ ಫ್ರೆಶ್ನರ್‌ಗಳು ಫಾರ್ಮಾಲ್ಡಿಹೈಡ್, ಬೆಂಜೀನ್ ಮತ್ತು ಟೊಲುಯೀನ್‌ನಂತಹ ರಾಸಾಯನಿಕಗಳನ್ನು ಹೊಂದಿರುತ್ತವೆ. ನೀವು ಅವುಗಳನ್ನು ಸಿಂಪಡಿಸಿದಾಗ, ಅವು ಗಾಳಿಯಲ್ಲಿ ಬೆರೆತು ಉಸಿರಾಟದ ಮೂಲಕ ನಮ್ಮ ದೇಹವನ್ನು ಪ್ರವೇಶಿಸುತ್ತವೆ. ಈ ರಾಸಾಯನಿಕಗಳು ತಲೆನೋವು, ತಲೆತಿರುಗುವಿಕೆ, ಕಣ್ಣಿನ ಕಿರಿಕಿರಿ, ಗಂಟಲು ನೋವು ಮತ್ತು ಗಂಭೀರ ಶ್ವಾಸಕೋಶದ ಕಾಯಿಲೆಗಳಿಗೆ ಕಾರಣವಾಗಬಹುದು. ಹಾಗಾಗಿ ನೈಸರ್ಗಿಕ ವಸ್ತುಗಳನ್ನು ಬಳಸಿ.

ಹಳೆಯ ಹಾಸಿಗೆಗಳು

ಹಳೆಯ ಹಾಸಿಗೆ ನಿಮ್ಮ ನಿದ್ರೆ ಮತ್ತು ಆರೋಗ್ಯ ಎರಡರ ಮೇಲೂ ಕೆಟ್ಟ ಪರಿಣಾಮ ಬೀರುತ್ತದೆ. ಕಾಲಾನಂತರದಲ್ಲಿ ಹಾಸಿಗೆಯಲ್ಲಿರುವ ವಸ್ತುಗಳು ದುರ್ಬಲಗೊಳ್ಳುತ್ತದೆ. ಇದರಿಂದಾಗಿ ನಿಮ್ಮ ಬೆನ್ನುಮೂಳೆಗೆ ಸರಿಯಾದ ಬೆಂಬಲ ಸಿಗುವುದಿಲ್ಲ. ಇದು ಬೆನ್ನು, ಕುತ್ತಿಗೆ ಮತ್ತು ಕೀಲು ನೋವಿಗೆ ಕಾರಣವಾಗಬಹುದು. ಅಲ್ಲದೇ ದಿಂಬುಗಳಂತೆ, ಧೂಳಿನ ಕಣಗಳು, ಸತ್ತ ಚರ್ಮದ ಕೋಶಗಳು ಮತ್ತು ಶಿಲೀಂಧ್ರಗಳು ಸಹ ಹಳೆಯ ಹಾಸಿಗೆಗಳಲ್ಲಿ ಸಂಗ್ರಹಗೊಳ್ಳುತ್ತವೆ. ಇವು ಅಲರ್ಜಿ ಮತ್ತು ಆಸ್ತಮಾ ಲಕ್ಷಣಗಳನ್ನು ಉಂಟುಮಾಡಬಹುದು. ಹಾಗಾಗಿ ಪ್ರತಿ 7-10 ವರ್ಷಗಳಿಗೊಮ್ಮೆ ನಿಮ್ಮ ಹಾಸಿಗೆಯನ್ನು ಬದಲಾಯಿಸಿ.