ಕೋಡಿ ಬಿತ್ತು ವಿವಿ ಸಾಗರ‌ | 118 ವರ್ಷಗಳ ಇತಿಹಾಸದಲ್ಲಿ 3ನೇ ಬಾರಿ‌ ದಾಖಲೆ

CHITRADURGA NEWS | 11 January 2025

ಚಿತ್ರದುರ್ಗ: ಮಧ್ಯ ಕರ್ನಾಟಕದ ಏಕೈಕ‌‌ ಜಲಾಶಯ, ಶತಮಾನಗಳ ಇತಿಹಾಸ ಹೊಂದಿರುವ ವಾಣಿವಿಲಾಸ ಸಾಗರ‌ ಇತಿಹಾಸದಲ್ಲಿ ಮೂರನೇ ಬಾರಿಗೆ ಕೋಡಿ ಬಿದ್ದಿದೆ.

Also Read: ವಿವಿ ಸಾಗರ ಜಲಾಶಯ ಭರ್ತಿ | ಸಾರ್ವಜನಿಕರಿಗೆ ಮುನ್ನೆಚ್ಚರಿಕೆ

ವಿಶೇಷವೆಂದರೆ ಜನವರಿ ತಿಂಗಳಲ್ಲಿ ಮಳೆಯಿಲ್ಲದೆ, ಭದ್ರಾ ಜಲಾಶಯದಿಂದ ಹರಿಸಿರುವ ನೀರಿನಿಂದಾಗಿ ವಿವಿ ಸಾಗರ ಡ್ಯಾಂ ಕೋಡಿ ಬಿದ್ದಿರುವುದು.

ಕಳೆದ ಮೂರು ತಿಂಗಳಿಂದ ಭದ್ರಾ ಜಲಾಶಯದಿಂದ ಪ್ರತಿ‌ದಿನ 700 ಕ್ಯೂಸೆಕ್ ನೀರು ಹರಿಸಲಾಗುತ್ತಿತ್ತು. ಪರಿಣಾಮವಾಗಿ ಜನವರಿ ತಿಂಗಳಲ್ಲಿ ಜಲಾಶಯ ಕೋಡಿ‌ ಹರಿದಿದೆ.

1897 ರಲ್ಲಿ ಜಲಾಶಯ ನಿರ್ಮಾಣ‌ ಕಾಮಗಾರಿ ಪ್ರಾರಂಭವಾಗಿ‌ 1907 ರಲ್ಲಿ ಪೂರ್ಣಗೊಂಡಿದೆ. ಕೇವಲ ಹತ್ತು ವರ್ಷದಲ್ಲಿ ಜಲಾಶಯ ಕಾಮಗಾರಿ ಪೂರ್ಣಗೊಂಡಿದೆ.

Also Read: ದಿನ ಭವಿಷ್ಯ | ಜನವರಿ 11 | ಮನೆಯ ಹೊರಗೆ ಅನಿರೀಕ್ಷಿತ ವಿವಾದ, ಕುಟುಂಬದ ಸದಸ್ಯರೊಂದಿಗೆ ದೈವ ದರ್ಶನ

ಇಲ್ಲಿಗೆ ಜಲಾಶಯ‌ ನಿರ್ಮಾಣವಾಗಿ ‌118 ವರ್ಷ ಸಂದಿದ್ದು, 1933 ರಲ್ಲಿ ಮೊದಲ ಬಾರಿಗೆ ಕೋಡಿ ಬಿದ್ದಿತ್ತು.

ಆನಂತರದ‌ 89 ವರ್ಷಗಳ ನಂತರ 2022 ರಲ್ಲಿ ಜಲಾಶಯ‌ ಕೋಡಿ ಬಿದ್ದು, ಸತತ ಮೂರು ತಿಂಗಳ‌ಕಾಲ ವೇದಾವತಿ ನದಿ ಮೈದುಂಬಿಕೊಂಡಿತ್ತು.

ಈಗ ಜೀವಂತ ಇರುವ ತಲೆಮಾರು ಬಹುತೇಕ ಜಲಾಶಯ‌ ಕೋಡಿ‌‌ ಬಿದ್ದು‌ನೀರು ಹರಿದಿದ್ದನ್ನು ಮೊದಲ ಬಾರಿಗೆ ನೋಡಿತ್ತು.

ಈಗ 2025 ಜನವರಿಯಲ್ಲಿ‌ ಜಲಾಶಯ ಮೂರನೇ ಬಾರಿಗೆ ಕೋಡಿಯಲ್ಲಿ‌ನೀರು ಹರಿದಿದ್ದು, ಜಿಲ್ಲೆಯ ಇತಿಹಾಸದಲ್ಲಿ ಇದೊಂದು ದಾಖಲಾರ್ಹ ಸಂಗತಿಯಾಗಿದೆ.

ವಿವಿ‌ ಸಾಗರದ‌ ಇಂದಿನ ಮಟ್ಟ:

ವಾಣಿವಿಲಾಸ ಸಾಗರ ಜಲಾಶಯಕ್ಕೆ ಶನಿವಾರ ಬೆಳಗ್ಗೆ 8 ಗಂಟೆ ವೇಳೆಗೆ 693 ಕ್ಯೂಸೆಕ್ ಒಳಹರಿವು‌ ಬಂದು ಸೇರಿದೆ.

ಇದರಿಂದಾಗಿ ಜಲಾಶಯ 130 ಅಡಿವರೆಗೆ ಭರ್ತಿಯಾಗಿದ್ದು, 30 TMC ಸಾಮರ್ಥ್ಯದ ಜಲಾಶಯದಲ್ಲಿ ಇಂದಿಗೆ‌ 30.422 TMC ನೀರು ಸಂಗ್ರಹವಾಗಿದೆ.