SJMIT ಕಾಲೇಜಿನಲ್ಲಿ ರಾಮನ ಅವತಾರ ಚಿತ್ರತಂಡ | ನಟ ರಿಷಿ, ನಿರ್ದೇಶಕ ದುರ್ಗದ ವಿಕಾಸ್ ಪಂಪಾಪತಿ ಜೊತೆ ಮಾತುಕತೆ

CHITRADURGA NEWS | 10 MAY 2024

ಚಿತ್ರದುರ್ಗ: ನಗರದ ಎಸ್‌ಜೆಎಂ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಸ್ಫೂರ್ತಿ- 2024ರ ಕ್ರೀಡಾ ಮತ್ತು ಸಾಂಸ್ಕೃತಿಕ ಉತ್ಸವಕ್ಕೆ ರಾಮನ ಅವತಾರ ಚಿತ್ರದ ನಾಯಕ ರಿಷಿ, ನಿರ್ದೇಶಕ ವಿಕಾಸ್ ಪಂಪಾಪತಿ ಮತ್ತು ಚಿತ್ರತಂಡದವರು ಆಗಮಿಸಿದ್ದರು.

ಇದನ್ನೂ ಓದಿ: ಮಹಾದೇವಪುರದಲ್ಲಿ ಭರ್ಜರಿ ಮಳೆ | ನೀರು ಹರಿಯುವ ವಿಡಿಯೋ ವೈರಲ್

ಚಿತ್ರನಟ ರಿಷಿ ಮಾತನಾಡಿ, ವಿದ್ಯಾರ್ಥಿ ಜೀವನವನ್ನು ಖುಷಿಯಿಂದ ಅನುಭವಿಸಬೇಕು. ಕಲಿಕೆ ಬಹಳಷ್ಟಿದೆ. ವಿದ್ಯಾರ್ಥಿ ಜೀವನದಲ್ಲಿ ಕಲಿಕೆಗಿಂತ ಹೆಚ್ಚಿನದಾಗಿ ಹೊರಜಗತ್ತಿನಲ್ಲಿ ಕಲಿಯುವುದು ಸಾಕಾಷ್ಟಿದೆ.
ವಿದ್ಯಾಬ್ಯಾಸದ ನಂತರ ನಿಮಗೆ ಇಷ್ಟವಾದ ಕ್ಷೇತ್ರವನ್ನು ಆಯ್ದುಕೊಂಡು ಜೀವನವನ್ನು ರೂಪಿಸಿಕೊಳ್ಳಿ.

ಇದನ್ನೂ ಓದಿ: SSLC RESULT | ಪಾತಾಳಕ್ಕೆ ಕುಸಿದ ಚಿತ್ರದುರ್ಗ ಫಲಿತಾಂಶ

ಸಾಮಾಜಿಕ ಜಾಲತಾಣಗಳ ಬಳಕೆಗೆ ಆದಷ್ಟೂ ಕಡಿಮೆ ಸಮಯ ಮೀಸಲಿಡಿ. ಚಿತ್ರದುರ್ಗದ ಜನತೆ ನನ್ನ ಚಿತ್ರಗಳನ್ನು ಉತ್ತಮವಾಗಿ ಸ್ವೀಕರಿಸಿದ್ದಾರೆ. ನನ್ನ ರಾಮನ ಅವತಾರ ಚಲನಚಿತ್ರ ಇದೇ 10ನೇ ತಾರೀಖು ಬಿಡುಗಡೆಯಾಗಲಿದೆ. ಈ ಚಿತ್ರವನ್ನು ಚಿತ್ರದುರ್ಗದವರೇ ಆದ ವಿಕಾಸ್ ಪಂಪಾಪತಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದುರ್ಗ ಹುಡುಗ ನಿರ್ದೇಶಿಸಿರುವ ಈ ಚಿತ್ರವನ್ನು ಪ್ರೋತ್ಸಾಹಿಸಿ ಎಂದು ನುಡಿದರು.

ಇದನ್ನೂ ಓದಿ: ಚಿತ್ರದುರ್ಗ ಜಿಲ್ಲೆಗೆ SSLC ಟಾಪರ್ಸ್ ಇವರೇ ನೋಡಿ

ಈ ವೇಳೆ ಪ್ರಾಂಶುಪಾಲರಾದ ಡಾ.ಭರತ್.ಪಿ.ಬಿ, ಸ್ಫೂರ್ತಿ-2024ರ ಮುಖ್ಯ ಸಂಚಾಲಕರಾದ ಡಾ.ಬಿ.ಜಿ ಕುಮಾರಸ್ವಾಮಿ, ರಾಮನ ಅವತಾರ ಚಲನಚಿತ್ರದ ನಿರ್ದೇಶಕ ವಿಕಾಸ್ ಪಂಪಾಪತಿ ಹಾಗೂ ಚಿತ್ರತಂಡದವರು, ರೂಪದರ್ಶಿ ಡಾ. ಸೃಜನಾ ವೀರೇಂದ್ರ ಕುಮಾರ್, ಫಿಟ್‌ನೆಸ್ ಕೋಚ್ ಶಿವರಾಜ್ ಪೂಜಾರಿ, ಇ.ಸಂತೋಷ್, ವಿವಿಧ ಇಲಾಖಾ ಮುಖ್ಯಸ್ಥರು, ಸಿಬ್ದಂದಿ ವರ್ಗದವರು ಉಪಸ್ಥಿತರಿದ್ದರು.