ತೂಕ ಇಳಿಸಿಕೊಳ್ಳಲು ನುಗ್ಗೆ ಚಹಾ ಅಥವಾ ಗ್ರೀನ್ ಟೀಯಲ್ಲಿ ಯಾವುದು ಉತ್ತಮ? 

CHITRADURGA NEWS | 17 April 2025 

ಇಂದಿನ ಜೀವನದಲ್ಲಿ, ಜನರು ಫಿಟ್ನೆಸ್ ಬಗ್ಗೆ ಹೆಚ್ಚು ಕಾಳಜಿವಹಿಸುತ್ತಿದ್ದಾರೆ. ಯಾಕೆಂದರೆ ಹೆಚ್ಚಿನ ಜನರು ಬೊಜ್ಜಿನ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ.

ಬೊಜ್ಜು ಅನೇಕ ಗಂಭೀರ ಕಾಯಿಲೆಗಳಿಗೆ ಕಾರಣವಾಗುತ್ತದೆ. ಹಾಗಾಗಿ ಜನರು ತೂಕ ಇಳಿಸಿಕೊಳ್ಳಲು ಅನೇಕ ಮಾರ್ಗಗಳನ್ನು ಬಳಸುತ್ತಾರೆ. ಆರೋಗ್ಯಕರ ಆಹಾರ ಅಥವಾ ಆರೋಗ್ಯಕರ ಪಾನೀಯವನ್ನು ಕುಡಿಯುವ ಮೂಲಕ ಸಹ ತೂಕ ಇಳಿಸಿಕೊಳ್ಳಬಹುದು.

ಅದಕ್ಕಾಗಿ ಅನೇಕ ಜನರು ನುಗ್ಗೆ ಅಥವಾ ಗ್ರೀನ್ ಟೀ ಕುಡಿಯಲು ಇಷ್ಟಪಡುತ್ತಾರೆ. ಆದರೆ ತೂಕ ಇಳಿಸಿಕೊಳ್ಳಲು ಇವೆರಡರಲ್ಲಿ ಯಾವುದು ಉತ್ತಮ ಎಂಬ ಪ್ರಶ್ನೆ ಹಲವರಲ್ಲಿದೆ. ಇದಕ್ಕೆ ಉತ್ತರ ಇಲ್ಲಿದೆ.

ಗ್ರೀನ್ ಟೀಯ ಪ್ರಯೋಜನಗಳು

ಗ್ರೀನ್ ಟೀ ತೂಕ ನಷ್ಟದ ಅತ್ಯಂತ ಹಳೆಯ ಮತ್ತು ಅತ್ಯಂತ ಪರಿಣಾಮಕಾರಿ ವಿಧಾನವೆಂದು ಪರಿಗಣಿಸಲಾಗಿದೆ. ಇದು ಕ್ಯಾಟೆಚಿನ್ಸ್ ಮತ್ತು ಕೆಫೀನ್ ಅನ್ನು ಹೊಂದಿರುತ್ತದೆ. ಇದು ಕೊಬ್ಬನ್ನು ಸುಡುತ್ತದೆ.

ನೀವು ಗ್ರೀನ್ ಟೀಯನ್ನು ನಿಮ್ಮ ದೈನಂದಿನ ದಿನಚರಿಯ ಒಂದು ಭಾಗವನ್ನಾಗಿ ಮಾಡಿಕೊಂಡರೆ, ಅದು ಚಯಾಪಚಯ ಕ್ರಿಯೆಯನ್ನು ವೇಗಗೊಳಿಸುತ್ತದೆ. ಇದನ್ನು ಕುಡಿಯುವ ಮೂಲಕ, ನಮ್ಮ ದೇಹವು ಹೆಚ್ಚಿನ ಕ್ಯಾಲೊರಿಗಳನ್ನು ಸುಡುತ್ತದೆ. ಇದಲ್ಲದೆ, ಗ್ರೀನ್ ಟೀಯಲ್ಲಿ ಆ್ಯಂಟಿಆಕ್ಸಿಡೆಂಟ್‍ಗಳು ಸಮೃದ್ಧವಾಗಿವೆ. ಅವು ದೇಹವನ್ನು ಡಿಟಾಕ್ಸ್ ಮಾಡಲು ಸಹಾಯ ಮಾಡುತ್ತವೆ.

ನುಗ್ಗೆ ಚಹಾದ ಪ್ರಯೋಜನಗಳು

ನುಗ್ಗೆಕಾಯಿಯನ್ನು ‘ಸೂಪರ್ ಫುಡ್’ ಎಂದು ಕರೆಯಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ಇದನ್ನು ಕುಡಿಯಲು ಶುರುಮಾಡಿದ್ದಾರೆ. ಇದರ ಎಲೆಗಳಿಂದ ತಯಾರಿಸಿದ ಚಹಾದಲ್ಲಿ ಸಾಕಷ್ಟು ಫೈಬರ್, ವಿಟಮಿನ್ ಎ, ಸಿ, ಕಬ್ಬಿಣ ಮತ್ತು ಪೊಟ್ಯಾಸಿಯಮ್ ಇರುತ್ತದೆ. ನುಗ್ಗೆ ಚಹಾ ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ. ಇದು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಮತ್ತು ಕೊಬ್ಬಿನ ಚಯಾಪಚಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ತೂಕ ಇಳಿಸಿಕೊಳ್ಳಲು ಯಾವುದು ಹೆಚ್ಚು ಪರಿಣಾಮಕಾರಿ?

ವ್ಯಾಯಾಮದ ವೇಳೆ ಗ್ರೀನ್ ಟೀ ಕುಡಿದರೆ ಅದರಲ್ಲಿರುವ ಕೆಫೀನ್ ಮತ್ತು ಕ್ಯಾಟೆಚಿನ್‍ಗಳು ಕೊಬ್ಬಿನ ಆಕ್ಸಿಡೀಕರಣದಲ್ಲಿ ತ್ವರಿತ ಪರಿಣಾಮಗಳನ್ನು ತೋರಿಸುತ್ತವೆ.

ಅದೇ ಸಮಯದಲ್ಲಿ, ನುಗ್ಗೆ ಚಹಾವು ದೀರ್ಘಾವಧಿಯಲ್ಲಿ ಚಯಾಪಚಯವನ್ನು ಸುಧಾರಿಸುತ್ತದೆ ಮತ್ತು ದೇಹವನ್ನು ಪೋಷಿಸುತ್ತದೆ. ಆದರೆ ಇದು ನಿಧಾನವಾಗಿ ಆಗುವ ಪ್ರಕ್ರಿಯೆಯಾದರೂ ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ಹಾಗಾಗಿ ಇವೆರಡರಲ್ಲಿ ಯಾವುದು ನಿಮಗೆ ಪ್ರಯೋಜನಕಾರಿ ಅದನ್ನು ಆಯ್ಕೆ ಮಾಡಿಕೊಳ್ಳಿ.

ಆದರೆ ಗ್ರೀನ್ ಟೀಯಲ್ಲಿ ಹೆಚ್ಚಿನ ಪ್ರಮಾಣದ ಕೆಫೀನ್ ಇರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಅದನ್ನು ಹೆಚ್ಚು ಕುಡಿದರೆ, ಅದು ನಿದ್ರೆಯ ಸಮಸ್ಯೆಗಳನ್ನು ಉಂಟು ಮಾಡಬಹುದು.

ಹೆಚ್ಚಿದ ಹೃದಯ ಬಡಿತ ಅಥವಾ ಗ್ಯಾಸ್ ಸಮಸ್ಯೆಗಳು ಸಹ ಕಂಡುಬರುತ್ತವೆ. ಮತ್ತೊಂದೆಡೆ, ನುಗ್ಗೆ ಚಹಾದ ಬಗ್ಗೆ ಹೇಳುವುದಾದರೆ, ಅದನ್ನು ಅತಿಯಾಗಿ ತೆಗೆದುಕೊಳ್ಳುವುದರಿಂದ ರಕ್ತದೊತ್ತಡವನ್ನು ಕಡಿಮೆ ಮಾಡಬಹುದು. ಹಾಗಾಗಿ ಅವುಗಳನ್ನು ಸೀಮಿತ ಪ್ರಮಾಣದಲ್ಲಿ ಕುಡಿಯಲು ಪ್ರಯತ್ನಿಸಿ.