ಜಂಗಿ ಕುಸ್ತಿ | ದಾನ್ ಜಿ ಕೋಳಿಗೆ ಚಿನ್ಮೂಲಾದ್ರಿ ಕೇಸರಿ ಬಿರುದು

CHITRADURGA NEWS | 23 OCTOBER 2026

ಚಿತ್ರದುರ್ಗ: ಜಂಗಿ ಕುಸ್ತಿ ಪಂದ್ಯಾವಳಿಯಲ್ಲಿ ಮಹಾರಾಷ್ಟ್ರದ ಪುಣೆ ನಗರದ ದಾನ್ ಜಿ ಕೋಳಿ ಪ್ರಥಮ ಸ್ಥಾನ ಪಡೆದು, ₹40 ಸಾವಿರ ನಗದು ಬಹುಮಾನದೊಂದಿಗೆ ಚಿನ್ಮೂಲಾದ್ರಿ ಕೇಸರಿ ಬಿರುದಿಗೆ ಭಾಜನರಾದರು.

ಇದನ್ನೂ ಓದಿ: ಮಾರುಕಟ್ಟೆ ಧಾರಣೆ | ಅಕ್ಟೋಬರ್ 23 | ಮೆಕ್ಕೆಜೋಳ, ಶೇಂಗಾ ರೇಟ್ ಎಷ್ಟಿದೆ?

ಪಂದ್ಯಾವಳಿಯಲ್ಲಿ ವಿಜಯಪುರದ ರಾಮಚಂದ್ರ ದ್ವಿತೀಯ ಸ್ಥಾನ ಪಡೆದು ₹30 ಸಾವಿರ ನಗದು ಬಹುಮಾನ ಗಳಿಸಿದರೆ, ಮಹಾರಾಷ್ಟ್ರದ ಕೊಲ್ಲಾಪುರದ ಸುಹಿಲ್ ಶೇಖ್ ತೃತೀಯ ಸ್ಥಾನ ಪಡೆದು ₹20 ಸಾವಿರ ನಗದು ಬಹುಮಾನ ಪಡೆದರು.

ಎಸ್.ಜೆ.ಎಂ. ಕಾನೂನು ಕಾಲೇಜಿನ ಪ್ರಾಚಾರ್ಯ ವಿಶ್ವನಾಥ್ ಅವರು ವಿಜೇತ ಕುಸ್ತಿಪಟುಗಳಿಗೆ ನಗದು ಬಹುಮಾನ, ಪ್ರಶಸ್ತಿ ಪತ್ರ ನೀಡಿ ಗೌರವಿಸಿದರು.

ಇದನ್ನೂ ಓದಿ: ಸರಸ್ವತಿ ಕಾನೂನು ಕಾಲೇಜಿಗೆ 60ರ ಸಂಭ್ರಮ | ಅ.24ರಂದು ವಜ್ರಮಹೋತ್ಸವ

ಈ ಜಂಗಿ ಕುಸ್ತಿ ಪಂದ್ಯಾವಳಿಯಲ್ಲಿ 14 ಮಹಿಳಾ ಕುಸ್ತಿಪಟುಗಳು ಹಾಗೂ 136 ಪುರುಷ ಕುಸ್ತಿಪಟುಗಳು ಸೇರಿದಂತೆ ಒಟ್ಟು 150 ಕುಸ್ತಿಪಟುಗಳು ಭಾಗವಹಿಸಿದ್ದರು. ಪಂದ್ಯಾವಳಿಯಲ್ಲಿ ಒಟ್ಟಾರೆ ₹4 ಲಕ್ಷಕ್ಕೂ ಅಧಿಕ ಮೊತ್ತವನ್ನು ಕುಸ್ತಿಪಟುಗಳಿಗೆ ನಗದು ಬಹುಮಾನವಾಗಿ ವಿತರಿಸಲಾಯಿತು.