ಬೆಳಿಗ್ಗೆ ಎದ್ದ ತಕ್ಷಣ ಈ ಕೆಲಸಗಳನ್ನು ಮಾಡಿದರೆ, ನಿಮ್ಮ ಚರ್ಮ ಮತ್ತು ಕೂದಲು ಎರಡೂ ಆರೋಗ್ಯಕರವಾಗಿರುತ್ತದೆಯಂತೆ

CHITRADURGA NEWS | 27 JULY 2026

ನಮ್ಮಲ್ಲಿ ಅನೇಕರು ನಮ್ಮ ಚರ್ಮ ಮತ್ತು ಕೂದಲನ್ನು ಆರೋಗ್ಯವಾಗಿಡಲು ಮಾರುಕಟ್ಟೆಯಲ್ಲಿ ಸಿಗುವಂತಹ ಹಲವಾರು ಉತ್ಪನ್ನಗಳನ್ನು ಬಳಸುತ್ತಾರೆ. ಆದರೆ ಹೆಚ್ಚು ಹಾನಿಕಾರಕ ರಾಸಾಯನಿಕಗಳನ್ನು ಬಳಸುವುದರಿಂದ, ಅವು ನಮ್ಮ ಚರ್ಮ ಮತ್ತು ಕೂದಲಿಗೆ ಹೆಚ್ಚು ಹಾನಿಯನ್ನುಂಟುಮಾಡುತ್ತವೆ. ಇದರಿಂದ ಚರ್ಮ ಮತ್ತು ಕೂದಲಿನ ಅನೇಕ ಸಮಸ್ಯೆಗಳು ಕಾಡುತ್ತವೆ. ಹಾಗಾಗಿ ರಾಸಾಯನಿಕ ಯುಕ್ತ ಉತ್ಪನ್ನಗಳನ್ನು ಬಳಸುವ ಬದಲು ಬೆಳಿಗ್ಗೆ ಎದ್ದ ತಕ್ಷಣ ಈ ಕೆಲಸಗಳನ್ನು ಮಾಡಿದರೆ, ನಿಮ್ಮ ಚರ್ಮ ಮತ್ತು ಕೂದಲು ಎರಡೂ ಆರೋಗ್ಯಕರವಾಗಿರುತ್ತದೆಯಂತೆ.

ಖಾಲಿ ಹೊಟ್ಟೆಯಲ್ಲಿ 5–7 ತಾಜಾ ಕರಿಬೇವಿನ ಎಲೆಗಳನ್ನು ಜಗಿಯಿರಿ

ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕರಿಬೇವಿನ ಎಲೆಗಳನ್ನು ಜಗಿಯುವುದರಿಂದ ಚರ್ಮ ಮತ್ತು ಕೂದಲು ಎರಡು ಆರೋಗ್ಯವಾಗಿರುತ್ತವೆಯಂತೆ. ಕರಿಬೇವಿನ ಎಲೆಗಳು ಆರೋಗ್ಯಕರ ಕೂದಲು ಮತ್ತು ಸುಧಾರಿತ ಜೀರ್ಣಕ್ರಿಯೆಗೆ ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ಅವು ನೈಸರ್ಗಿಕ ಕಬ್ಬಿಣ, ಆ್ಯಂಟಿಆಕ್ಸಿಡೆಂಟ್‌ಗಳು ಮತ್ತು ದೇಹವನ್ನು ಒಳಗಿನಿಂದ ಪೋಷಿಸುವ ಸಸ್ಯ ಸಂಯುಕ್ತಗಳನ್ನು ಹೊಂದಿರುತ್ತವೆ. 

ಅಲ್ಲದೇ ಕರಿಬೇವು ಎಲೆಗಳು ಬೀಟಾ-ಕ್ಯಾರೋಟಿನ್ ಮತ್ತು ಪ್ರೋಟೀನ್‌ಗಳಲ್ಲಿ ಸಮೃದ್ಧವಾಗಿವೆ. ಇದು ಕೂದಲು ತೆಳುವಾಗುವುದನ್ನು ತಡೆಯಲು ಸಹಾಯ ಮಾಡುತ್ತದೆ. ಕೂದಲಿನ ಬೆಳವಣಿಗೆಯನ್ನು ಉತ್ತೇಜಿಸುತ್ತವೆ. ಹಾಗಾಗಿ ಕೂದಲಿನ ನೈಸರ್ಗಿಕ ಬಣ್ಣವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಹಾಗೇಕೆ ಕರಿಬೇವು ಆ್ಯಂಟಿಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿದ್ದು, ಚರ್ಮದ ಕೋಶಗಳಿಗೆ ರಕ್ಷಣೆ ನೀಡುತ್ತದೆ. ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುವುದರಿಂದ ಚರ್ಮ ಡಿಟಾಕ್ಸಿಂಗ್ ಆಗುತ್ತದೆ.

ನಿಮ್ಮ ಬೆರಳುಗಳಿಂದ ನೆತ್ತಿಯನ್ನು ಮಸಾಜ್ ಮಾಡಿ

ಅನೇಕ ಜನರು ನೆತ್ತಿಯ ಮಸಾಜ್ ಅನ್ನು ಎಣ್ಣೆಯಿಂದ ಮಾತ್ರ ಮಾಡುತ್ತಾರೆ. ಆದರೆ, ರಕ್ತ ಪರಿಚಲನೆ ಹೆಚ್ಚಿಸಲು ಆಯುರ್ವೇದವು ಎಣ್ಣೆ ಇಲ್ಲದೆ, ಬೆರಳ ತುದಿಯನ್ನು ಬಳಸಿ ನೆತ್ತಿಯನ್ನು ಮಸಾಜ್ ಮಾಡಲು ಶಿಫಾರಸು ಮಾಡುತ್ತದೆ. ಇದು ಕೂದಲಿನ ಕಿರುಚೀಲಗಳಿಗೆ ರಕ್ತದ ಹರಿವನ್ನು ಹೆಚ್ಚಿಸುತ್ತದೆ, ನೆತ್ತಿಯ ಶುಷ್ಕತೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ಕೂದಲಿನ ಬೇರುಗಳಿಗೆ ಪೋಷಕಾಂಶಗಳ ವಿತರಣೆಯನ್ನು ಸುಧಾರಿಸುತ್ತದೆ.

ಹುರಿದ ಎಳ್ಳನ್ನು ಒಂದು ಚಮಚ ತಿನ್ನಿರಿ

ಆಯುರ್ವೇದದಲ್ಲಿ ಎಳ್ಳು ಮೂಳೆಗಳು, ಕೂದಲು ಮತ್ತು ಚರ್ಮಕ್ಕೆ ಅತ್ಯಂತ ಪೌಷ್ಟಿಕ ಆಹಾರಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ಅವು ಕ್ಯಾಲ್ಸಿಯಂ, ಸತು, ಆರೋಗ್ಯಕರ ಕೊಬ್ಬುಗಳು ಮತ್ತು ವಿಟಮಿನ್ ಇ ಯಲ್ಲಿ ಸಮೃದ್ಧವಾಗಿವೆ. ಅವು ಒಣ ಚರ್ಮವನ್ನು ಪೋಷಿಸಲು ಮತ್ತು ಕೂದಲನ್ನು ಒಳಗಿನಿಂದ ಬಲಪಡಿಸಲು ಸಹಾಯ ಮಾಡುತ್ತದೆ. ಬೆಳಿಗ್ಗೆ ಒಂದು ಚಮಚ ಹುರಿದ ಕಪ್ಪು ಅಥವ ಬಿಳಿ ಎಳ್ಳನ್ನು ತಿನ್ನಿರಿ. ಇವು ಎರಡೂ ನಿಮ್ಮ ಕೂದಲು ಮತ್ತು ಚರ್ಮಕ್ಕೆ ಪ್ರಯೋಜನಕಾರಿಯಾಗಿವೆ.

ರೋಸ್ ವಾಟರ್ ಬಳಸಿ

ಹತ್ತಿಯ ಪ್ಯಾಡ್ ಅನ್ನು ತಂಪಾದ, ಶುದ್ಧ ರೋಸ್ ವಾಟರ್‌ನಲ್ಲಿ ನೆನೆಸಿ ನಿಮ್ಮ ಮುಚ್ಚಿದ ಕಣ್ಣುಗಳು ಮತ್ತು ಮೇಲಿನ ಕೆನ್ನೆಗಳ ಮೇಲೆ ಇರಿಸಿ. ಇದು ಊದಿಕೊಂಡ ಕಣ್ಣುಗಳನ್ನು ರಿಫ್ರೆಶ್ ಮಾಡುತ್ತದೆ, ಚರ್ಮವನ್ನು ಶಾಖದಲ್ಲಿ ತಂಪಾಗಿಸುತ್ತದೆ ಮತ್ತು ಎಣ್ಣೆ ಸ್ರವಿಸುವಿಕೆಯನ್ನು ಕಡಿಮೆ ಮಾಡುತ್ತದೆ. ದಣಿದ ಚರ್ಮವನ್ನು ಉಲ್ಲಾಸಗೊಳಿಸುತ್ತದೆ.